I Vateshalonika 3:3 - Ibibiliya mu Shimakonde Imbodi Yaambi na dimbande dya Imbodi Yakala

³ kwambangidya hanapagwe wakujagajega kwamwaa wamauvilo ala. Mwemwe mmene mundimanya shana kenga vanditupangila kwaing'ano ai.

I Vateshalonika 3:3 ပူးပေါင်းရင်းမြစ်များ

Lukashi 21:12

“Kanji vinu avyo uti vikanava kutandeka, kwamwaa walina lyangu mwenu vanankamula kumuuvyauvyanga, vamuukanavo kuvitala vyakulipudidya, vanjela mudikalaboshi na vamuukanavo kwavaumu na kwavananangalaledi vashilikali.

Nshuwau 16:2

Mwenu mundavingigwa muvitala vyakulipudidya; leka apo, wakati unkuwika umwe aijá álota kummyaa mwenu andona kenga alipudya kwa Nnungu.

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Vitendo 14:22

Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”

Vitendo 2:25

Ing'ano yo yake nae ai Daudi atédoni, “ ‘Ngushindamwona Umu wangu ngwengwe pamevo pangu mwaa nae ankupagwa kunkanakono kwangu kwambangidya hangunajagajege.

Vitendo 21:11

Nae paidile ndakadyania namu wetu, andítwala nkanda wainguvo umwe Paulu kulyunga mmadodo na mmakono kutwala kushidoni, “Imumu Wanashwe atédoni, ‘Mwene nkanda au vayuda vandamunga ku Yelusalemu kutwala kunkamudya kwavamidi.’ ”

Vitendo 21:13

Kanji Paulu kutwala kushidoni, “Mwaa shani mwenu munkulila na munkungutaa shipalodi shoe muntima mwangu? Mwaa nangu apa i ngukubalidyé gweka kungwa kanji ata yakupela kwamwaa walina limwe Umu Yesu, ndikubali momo.”

Vitendo 9:16

nene nimwene nannodya mauvilo oe álota kumpata kwamwaa walina lyangu.”

Valoma 5:3

I gweka avyo kanji tunkulitamanga momo nkati mumauvilo tumanya kenga mauvilo ankwidanavo kulipililila,

I Vakolintu 15:58

Napavedoni mmanung'unumunu mmakunagwaleka, nanopa na hamunajagajege ngwengwe muumbaligwidye shimadengo shimwe Umu mumanya kenga nkati mwake Umu shimadengo shenu hashinava shinu shabule.

I Vakolintu 4:9

Mwaa mwangwonela nangu, Nnungu anditulodya wetu tuvamyombe mulyutu lyamwisho, wetu kenga túukumigwa kupela, pakuva tuukilé ndava vyadimbenje kwashilambo ata ikava kwavanjelo kwali kwavanu.

Vaepeshu 3:13

Nadoni ninkunjugwa hamunadabadabange kwamwaa wamauvilo ánguvenavo yenu mwenu mwaa lolo lo, alishangelo lyenu.

Vapilipo 1:28

kwabila kuvajopa nkati mushinu shoeshoe avalá vampínga. Ashi ni shimanyikilo shave shakubamalegwa kanji kwenu mwenu ni lyambwalelo lyenu; lyo lyalakéla kumwe Nnungu.

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

I Vateshalonika 5:9

Mwaa Nnungu hatupangidile kwashitundi kanji pakulota tupate kwambolegwa kwaindila imwe Umu wetu Yesu Klistu

II Vateshalonika 1:4

ata mpaka wewe tuvene kulitamangila mwenu mmaganisha a Nnungu kwamwaa wakunanonopa kwenu na likulupililo lyenu mukupapatigwa na mumauvilo uti amulipililila.

II Timoti 1:8

Napavedoni haunaanangile dyoni kumya ushuda umwe Umu wetu na ata kwamwaa wangu nangu nkúngwa wake kanji uvauvanga namu nangu kwamwaa wantenga wambone kwodananavo dimongo dya Nnungu

I Patulu 2:21

Ashi ni shavanshamalele mwenu; mwaa Klistu momo andyuvauvanga adiva lyutu lyenu annakela mpano kwambangidya mwenu mwodedye mwalivete nae.

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.

Maono 2:13

“ ‘Ndimanya doni, paunama po ni pashiteng'u shimwe Shatwani. Ata ive davo mpaka ambi unkunamatila lina lyangu na haukanile likulupililo lyako kwangu, ata muwakati umwe Antipashi nshuda wangu wakukulupilika wavamyaile pakati penu, po panama Shatwani po.