I Vateshalonika 2:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ amu ni mwatunnagwaladyedya mwenu wetu mpaka kututadya tuve tayali kumajananga i gweka ntenga wambone wa Nnungu kanji ungumi wetu momo pakuva mwenu mwiu mundyuka ndava mmakunagwaleka vetu.

I Vateshalonika 2:8 ပူးပေါင်းရင်းမြစ်များ

Lukashi 7:2

Palikaja lyolyo, andípagwa nang'olo jumo wavaing'ondo miya wavaloma. Nae andívanavo ntumika wake washintanana namene e avéle nnwele wakuleka indaja.

Valoma 1:1

Paulu, ntumwa umwe Klistu Yesu áshamagwidye ave myombe na áapuligwidye kwantenga wambone wake Nnungu,

Valoma 10:1

Mmanung'unumunu, malotelo amuntima mwangu na kujugwa kwangu kwaninjugwa Nnungu ni kulota vanavo vaambwalegwe.

Valoma 15:29

Ninkumanya kenga pangulota kwida kwenu ndaida nguumbaligwidye kwalaligwa kumwe Klistu.

II Vakolintu 12:15

Nangu kwantima wambone ndajaanga na ndalijaangila uti kwamwaa waungumi wenu. Ikava kenga nangu ninkunnagwaledya namene mwenu, ndanagwaleka padyoko?

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

Vagalata 4:19

Mmanavangu, mwemwe mmanimuvauvangila kavili mauvilo alalá akuvaleka mpaka Klistu aliikiniye kwenu,

Vapilipo 1:8

Nnungu ni nshuda wangu wa amulá mwaninnatela mwenu uti kwalilotelo lyake Klistu Yesu.

Vapilipo 2:17

Ata ikava kenga vankungumimina pashanya shadaka na mukutumika muukulangalalela-shadaka kwalikulupililo lyenu, ninkupuwanga na ninkupuwanga pamo namu mwenu.

Vapilipo 2:20

Mwaa hanguvenavo munu junji ávenavo makumbukililo lolo álota kumwangaikangila mwenu mwiu mwiu.

Vapilipo 4:1

Napavedoni mmanung'unuvangu mwenu mmaninnagwaledya mwemwe wanguvenavo mweshe, mùvele lipuwilo lyangu na lidaka lyangu, imila dadoni mukunanopa nkati mumwe Umu, mwenu mmakunagwaleka vangu.

Vakoloshu 1:28

Ni jojo watummalanganga, tuduma na tumpundisha kula munu nkati mulimanyilo uti pakulota tunnodye kula munu washalowa-uti nkati mumwe Klistu.

Vakoloshu 1:7

kenga mwamulipundishididye kumwe Epapalashi ntumwamwetu wakunagwaleka. Nae ni ntumika wakukulupilika umwe Klistu kwaupande wenu

Vakoloshu 4:12

Epapalashi mwenentete mwenu na ntumika umwe Klistu Yesu, nanae momo ankuntumidya nandele. Nae ngwengwe ankulikanyalidya mukushwali kwaupande wenu mwenu pakulota mwimile mùudile na mùliikinidye mumalotelo uti ake Nnungu.

Pilemoni 1:1

Paulu, nkúngwa kwamwaa umwe Klistu Yesu pamo namu nung'unumunu Timoti, kumwe Pilemoni mmádengomwetu wakunagwaleka

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

I Nshuwau 3:16

Mwatumanyidile linagwaledyo ni amu: Yesu Klistu andijaula shingumi shake kwamwaa wetu wetu na wetu leka tujaule shingumi shetu kwamwaa wavanung'unumunu.