I Vateshalonika 2:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Mwaa kenga mo mwamumanyilile shana, wetu hatwidile na lilove lyakuutila na ata kwaishabaa yakululuka, Nnungu ni nshuda wetu,

I Vateshalonika 2:5 ပူးပေါင်းရင်းမြစ်များ

Mateu 22:16

Nadoni vankuvatumidya vakwoda vave na vanu vashipinga shimwe Elode kuka ndamudya, “Mwalimu, wetu tundimanya shana kenga wako ni umunu waumwiu na unkupundisha kwaumwiu indila yalota Nnungu úkatakigwa kupundishigwa na munu mwaa haunalola ing'ope yamunu.

Mateu 23:13

“Napanelo mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mushalangila maalati utawala wakuwa kwavanu! Mwenu mmene hamunainjila shinu na vainjíla avalá, munkuvaleya.

Vitendo 20:33

Hangung'unwike njuluku, shaabu kwali inguvo kwamunu woewoe.

Valoma 1:9

Nnungu wanintumika na ntima wangu uti muntenga wambone wa Mwanagwe ni nshuda wangu mwashi mwanintambulangila mwenu ngwengwe

Valoma 16:18

Mwaa vanu kenga ava havanantumika shinu Klistu Umu wetu kanji vatumika vitumbo vyave. Kwamalove ave akuutila na lutumbyango, vankuduwanga mitima vyavanu vákajavanianga.

Valoma 9:1

Ninkutangola mwiu nkati mumwe Klistu hangunashang'apa shinu, makumbukililo angu amuntima aumya ushuda kwangu nangu nkati mu Imumu Wanashwe

II Vakolintu 12:17

Da kwaindila yamunu woewoe wanintumididye kwenu, nangu ninshonda mwenu?

II Vakolintu 2:17

Wetu hatunava shinu kenga voe vatandéla nshulusho lilove lyake Nnungu kanji kenga tuvanu vaumwiu, kenga tuvanu twaloka kwa Nnungu, pamevo pake Nnungu na nkati mumwe Klistu, tunkutangola.

II Vakolintu 4:2

Leka apo, tundita uti vyashipii na vyadyoni patukanama muvyaushwang'a kwali patukaashadyanga lilove lyake Nnungu kanji kwaindila yakuvalanganga ngala umwiu, tunkulitumbyanga mmakumbukililo amuntima vyavanu uti pamevo pake Nnungu.

II Vakolintu 7:2

Panganianga litala lyetu mmitima vyenu. Hapali watumwanadile, hapali watumwashadyenge na hapali watunshandile.

Vagalata 1:20

Mwenu! Vyandimwandikila avi, vìu. Pamevo pake Nnungu, nashang'apa shinu.

I Vateshalonika 2:10

Mwenu munkuva mmashuda pamo namu Nnungu wawakwilimyanga, waishaliya na waukave makosha washiwanelo shetu kwenu mwenu mmakukulupila.

I Timoti 3:3

i wakwambalwa na ata wakukanyola kanji ave waupole, ákave ushaka na ákanagwaledya njuluku.

I Timoti 3:8

Nimumo momo madiyakonu indivavaikila vave vaishima i vadindimi mbili, vákaliinjidyanga namene muvinyu na ata vákuvikila liu lukwinyango,

Titu 1:7

Mwaa nkúlaledya kenga munu wavankamudidye vyake Nnungu indivaikila ave ákave likosha, i wakulyona, i wadinyang'unyang'u, i wakwambalwa, i wakukanyola kwali ávikila liu lukwinyango.

I Patulu 5:2

shunga shipinga shavangandolo vake Nnungu shavankamudidye: mwenu, laledya shanavo i kwakuvakanyalidya kanji kwamalotelo ambone kenga mwalatela Nnungu na ata i kwaditamaa dyanjuluku kanji kwadukuduku yakutumika;

II Patulu 2:18

Vovo vo, vatangola malove akulyona amambinya, kwaditamaa dyave dyashimunumunu, vankuvashomba avalá vapalanywéke muwakati wakuvandika kwavanu valilangalaléla mukukowa.

II Patulu 2:3

Kwalung'unuku lwave, vanavo vankuvashonda vanu vatumila maimyo akubuni vo vene. Kwavanavo, ukumu ikandyangígwe tangu kala, haididimanga; kubamalegwa kwave ko, hakudidimanga.

Yudashi 1:11

Vapambale! Mwaa vanavo vankwodedya indila yoyo imwe Kaimu kwamwaa wapaida, vanavo vandiliinjidyanga mumakosha lolo amwe Balaau, nimumo momo vandabamolegwa nkati mukupinga kumwe Kola.