I Vateshalonika 2:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Tunkunnambwalela Nnungu momo kwabila kudoba kwamwaa au: pamupwashaladile lilove lya Nnungu kwaupande wetu, mundipwashalela i kenga lilove lyavanu kanji kenga mwalivalalele mwiu lilove lya Nnungu likóla madengo nkati mwenu mmakukulupila.

I Vateshalonika 2:13 ပူးပေါင်းရင်းမြစ်များ

Mateu 10:20

mwaa hamunava shinu mwenu múlota kutangola ila ni Imumu watatagwenu átangola mmitima myenu.

Mateu 10:40

“Ámpwashalela mwenu, angupwashalela nangu na ángupwashalela nangu, ampwashalela aijá ángutumididye.

Lukashi 11:28

Kanji Yesu kushidoni, “Vamamodye namene kujaligwa avalá vaigwilíla lilove lya Nnungu na kuvikila kuntima.”

Lukashi 5:1

Muliduva limo Yesu àvele nanyenje litanda lya Geneshaleti, imbumba yavanu inshinya ilota kwigwa ntenga wa Nnungu,

Lukashi 8:11

“Napanelo mana ankong'o au ni ala: imbeju yo ni lilove lya Nnungu;

Lukashi 8:21

Kanji nae kushidoni, “Ajala na vanung'unuvangu ni avalá vaigwilíla lilove lya Nnungu na kuvikila mmitendo.”

Nshuwau 15:3

Mwenu tayali munditakata kwalilove lyanimmalangangidile.

Nshuwau 17:17

Lyapulile nkati muumwiu; lilove lyako ni umwiu.

Nshuwau 17:19

Kwamwaa wavanavo nangu ninkulyapulila pakulota navanavo momo valyapulile nkati muumwiu.

Vitendo 10:33

Nangu kuvatuminneu vanu kwida ndakushema na tundilambwalela mwaa wakuwika kwako. Napanelo wetu apa tundikadyania pamevo pake Nnungu pakulota twigwe uti vyakutumenge Umu utuvalangangile.”

Vitendo 13:48

Bai vamidi vakaigwe malove alo, vashindapuwanga namene na vashindaing'a lishangelo lilove lyake Umu; kutwala avalá vatandalégwe vapate shingumi shíkamalilika, vandíkulupila.

Vitendo 16:14

Pakati pavakongwe váshitwigwilila andípagwa nkongwe jumo áshilipudya kwa Nnungu walina Lidiya áshishumidyanga dinguvo dyakupapeka dyailangi yanshambalau na wakwalakela kulikaja lya Tiyatila. Umu napane andímuungula ntima pakulota kwigwa shana vyashitangola Paulu.

Vitendo 17:11

Kanji vayuda vankaja amo vavele vakuligwa kuvapunda va ku Teshalonika; vanavo vandípwashalela ntenga na ntima wave uti na kula liduva vashindalalyanga Maandiko pakulota vamanye kenga munkulinganana na amulá mwatangalela Paulu.

Vitendo 17:32

Napanelo vanavo pavamwigwite Paulu atangola ing'ano yakudyuka kwavakupela, vanji vandímwiludyanga kutwala vanji kushidoni, “Ing'ano ai tundakwigwilila kavili muwakati unji.”

Vitendo 2:41

Napanelo vanu avalá vapakadíle lilove lyake vandípata ubatisho; muliduva alyo vandílyunganianga kwavakwoda vanu vakuwikila shikonda shavanu dyalupu nnatu.

Vitendo 8:14

Napanelo vyamyombe vapagwíte pa Yelusalemu pavigwite doni ku Shamaliya vanu vandiitikila lilove lya Nnungu, vaníntumidya Patulu namu Nshuwau koko.

Valoma 10:17

Nadoni likulupililo linkwaloka mukwigwa na kwigwa kunkwalakela kwaindila yalilove lyake Klistu.

II Vakolintu 3:18

Nadoni wetu uti kwading'ope dyavakatwinikididye twaneka lishangelo lyake Umu, tunkujaluwangigwa kwaing'ope yoyo kwalishangelo kuka kulishangelo, kujaluwangigwa kwalakéla kumwe Umu àvele Imumu.

Vagalata 4:14

na ata ikava kenga mili wangu wo uníntadya mwenu mulingigwe, hamungwiludyenge na ata hamungwitile. Mulakilé yakungwiludyanga kutwala kungupwashalela kenga njelo wa Nnungu kwali kenga jo mwene Klistu Yesu.

Vakoloshu 1:6

umwikidíle mwenu wo. Ntenga au, undauka mushu upa vyepo shilambo uti na unkukulumuka kenga mo mwaivalalele kwenu mwenu kutunduvangila muliduva lyamwigwite na kumanya umonyo wake Nnungu muumwiu

Vabalaniya 4:12

Mwaa lilove lyake Nnungu lingumi na linkuvanavo dimongo, namomo lyakukola kupunda lyambila likóla kuvili, lyanavo linkupulunganianga pakati-pakati ungumi na imumu, mumagwangwa na muwoba, namomo linkujavanianga makumbukililo na milugu vyamuntima.

Vabalaniya 4:2

Mwaa kwetu wetu vandituvalangangila ntenga wambone kenga vanavo momo kanji lilove lyavaigwite hashipali shavakatakadile kwoda lilove alyo, havapwashadile kwalikulupililo avalá vaigwíte.

Tiyagu 1:18

Kwamalotelo ake jo mwene, nae andituvaleka kwaindila yalilove lyake lyaumwiu kwambangidya tuve kenga vyepo vitandi muviumbe vyake.

I Patulu 1:23

Mwaa mwenu mundivalekwa kavili waambi i kwaimbeju ipéla kanji kwaimbeju íkapela kwaindila yalilove lyake Nnungu, lingumi na lipágwa ngwengwe.

I Patulu 1:25

kanji lilove lyake Umu linkupagwa ngwengwe!” Lilove ali ni aulá ntenga wambone wavammalangangidile.

I Patulu 2:2

Kenga mmanunu, avanavo mweshe wamavele aimumu akaanganikéne na shinu shoeshoe pakulota kwaindila yaanavo, mwenu mukulumuke kwakwambolegwa

II Patulu 3:2

yakunkumbuwanga malove atangaléke wakati wapanyuma kwaindila yavakulava vakwilimyanga na alilá lilamulo limwe Umu na Mwamboli lyamuukile ndapundishigwa na vamyombe venu.

I Nshuwau 3:3

Kula munu ánanapela lilindilililo lyake nkati mwake nae, ankulyushanianga jo mwene ushapu kulingana kenga mo mwavalele nae ákave ushapu.