I Vateshalonika 1:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ pakuva ntenga wambone wetu umwikidilé mwenu i gweka kwalilove kanji namomo kwadimongo, kwa Imumu Wanashwe na nkati mukwakikishidya uti kenga mo mwamumanyilile mwashi mwatunamidile pakati penu kwamwaa wenu mwenu.

I Vateshalonika 1:5 ပူးပေါင်းရင်းမြစ်များ

Malukushi 16:20

Bai vakwoda vake vandyúmananga kuka vavalanganga ntenga wambone mumautu uti, Umu avapwashela na alodya ntenga awo kuva wiu kwamwaa wavimanyikilo víshoodana na ntenga awo.]

Lukashi 1:1

Nang'olo Teopilo, vanu voe vandívanavo ntima wakwimyanga shana namene vinu vitandéke pakati petu

Vitendo 11:21

Umu ashindapagwa na vanavo na voe vakulupidíle, vanínshinjiulila Umu mitima vyave.

Vitendo 16:14

Pakati pavakongwe váshitwigwilila andípagwa nkongwe jumo áshilipudya kwa Nnungu walina Lidiya áshishumidyanga dinguvo dyakupapeka dyailangi yanshambalau na wakwalakela kulikaja lya Tiyatila. Umu napane andímuungula ntima pakulota kwigwa shana vyashitangola Paulu.

Vitendo 2:33

Nae pavankwadidye vammika kunkanakono kwake Nnungu na pampatile Imumu Wanashwe walivikidile Tatamunu, andimiminila uti avi vyamwona na vyamwigwa.

Valoma 1:16

Mwaa hangunona dyoni kwantenga wambone pakuva ni dimongo dyake Nnungu dyakwambola kwaupande wavanu uti vakulupíla; shitandi kwamuyuda ling'oto kwangalegu.

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

Valoma 2:16

muliduva lyaukumu Nnungu vipii vyavanu kwaindila imwe Klistu Yesu kwodananavo ntenga wambone wangu.

I Vakolintu 1:24

napanelo kwa avalá vashamagwídye ata ikava vayuda kwali vamidi, Klistu dimongo dyake Nnungu na limanyilo lyake Nnungu.

I Vakolintu 10:33

kulingana mo mwandivanagwaladyedya nangu vanu uti muuti mene kulambela paida yangu kanji yavanu voe pakulota vaambolegwe.

I Vakolintu 3:16

Da hamunamanya shinu kenga mwenu ni ing'ande yake Nnungu na Imumu wake Nnungu ankunama nkati mwenu?

I Vakolintu 3:6

Nangu ndipanda, Apolu kutayangila medi kanji Nnungu ni átadidye vikulumuke.

I Vakolintu 4:20

Mwaa utawala wa Nnungu haunava shinu mukutangola kanji unkupagwa mudimongo.

I Vakolintu 9:14

Nimumo momo, Umu andilamulila kenga avalá vavalangánga ntenga wambone, vaname mukutunduvangila mo muntenga.

II Vakolintu 3:6

Nae ni átupele lyululilo lyakuva wetu tuvatumika vaimbodi yaambi i imbodi yalutembo kanji ya Imumu mwaa lutembo lunkubyaa kanji Imumu ankwing'a shingumi.

Vagalata 2:2

Kwanavo nguukile kwamwaa wamaono kutwala kuvaigwiniya ntenga wambone wanguvalanganga kwavamidi, ndíikanavo kanji kwagweka avalá váshaaneka kuva vakuvaikila ngwambambidya nakapanji ninkutumbama kwali nditumbama yamonyo.

Vagalata 5:5

Mwaa kwa Imumu na kwaindila yalikulupililo wetu tunkulindila na mweshe lilindilililo lyakupata ishaliya.

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Vaepeshu 3:20

Napanelo kwake aijá ávenao lyululilo lyakutenda kupunda apo uti avilá vyatujugwa kwali vyatukumbukila kwakulingana na dimongo dikóla madengo kwetu wetu,

Vapilipo 2:13

mwaa Nnungu ni ákola madengo nkati mwenu pakulota mwenu mulote na mutandedye kwodananavo amulá munnagwéla nae.

Vapilipo 4:9

Avilá vyamulipundishidye, vyamupatile, vyamwigwite na vyamugwene kwangu nangu, vinu avyo tandedya na Nnungu waamani andapagwa namu mwenu.

Vakoloshu 2:2

pakulota doni, mitima vyave vinanawangike vàungene mulinagwaledyo kwambangidya vapate mali uti auwakika uti aalakéla mulimanyilo kwambangidya dashi, vamanye shipii shimwe Nnungu, jo Klistu aju.

I Vateshalonika 2:13

Tunkunnambwalela Nnungu momo kwabila kudoba kwamwaa au: pamupwashaladile lilove lya Nnungu kwaupande wetu, mundipwashalela i kenga lilove lyavanu kanji kenga mwalivalalele mwiu lilove lya Nnungu likóla madengo nkati mwenu mmakukulupila.

II Vateshalonika 2:14

Kwakwambolegwa aku nae aninshema mwenu kwaindila yantenga wambone wetu kwambangidya mupate lishangelo limwe Umu wetu Yesu Klistu.

II Timoti 2:10

Napavedoni uti ninkulipililila kwamwaa wavakutandalegwa pakulota navanavo vapate kwambolegwa kupagwíte nkati mumwe Klistu Yesu pamo na lishangelo líkamalilika.

II Timoti 2:8

Nkumbukile Yesu Klistu ádyukile pakati pavakupela, ndukulugwe Daudi kwodananavo ntenga wambone wangu

Vabalaniya 10:22

Naivedoni, tuke tummandike Nnungu na ntima waumwiu mukwakikisha kwiu kwalikulupililo mùvenavo mitima vyukíle ndanyunyangiligwa pakulota kutadya atakate makumbukililo akunyata amuntima na mili vyukíle ndaingigwa kwamedi ákave ushapu.

Vabalaniya 6:11

Shitunagwéla wetu, kula munu pakati penu alodye dukuduku yoyo mpaka kumwisho pakulota apate wakikisho wiu walilindilililo lyetu

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.

I Patulu 1:3

Atumbyangilike Nnungu na Tatamunu umwe Umu wetu Yesu Klistu! Kwaindila yakudyuka kumwe Yesu Klistu pakati pavakupela na kulingananavo shididi shake shikumene, nae andituvaleka kavili waambi pakulota tupate lilindilililo lingumi

I Patulu 5:3

hamunavatawale avalá vamuukile ndakulupiligwa kanji ava mpano kwashipinga asho.

II Patulu 1:10

Napavedoni mmanung'unumunu, kavili likanyalidye namene pakulota kushamegwa na kutandalegwa kwenu kunanope mwaa mukatenda avyo, mwiko hamulikuvala.

II Patulu 1:19

Nadoni pashanya avi, tunkunanopa namene nkati mulilove lyavakulava kenga ikalaboi ilangádya pashii, namwenu momo tandedya mwigwa shana mpaka wiku paulota kulangala na palilota kuma lyalosho mmitima vyenu.