I Vateshalonika 1:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ na pakulota munnindile Mwanagwe aaloka kuwa, aijá wandyuwidye pakati pavakupela, Yesu átuposha mushitundi shída.

I Vateshalonika 1:10 ပူးပေါင်းရင်းမြစ်များ

Mateu 1:21

Nae anammaleka mwana nnume na wako undamupa lina lya Yesu mwaa alota kuvaposha venentete vake kwamadambi ave.”

Mateu 16:27

Nadoni Mwana Wamunu andaida mulishangelo lyatatake pamo na vanjelo vake, napane apo anannipa kula munu kwodana na matendo ake.

Mateu 16:28

Nangu ninkumwaulila mwiu doni, po pakati penu apa vanji mwiko havapela vakanava kumwona Mwana Wamunu aida muutawala wake.”

Mateu 3:7

Napanelo pavagwene mapalishayo na mashadukayo voe vaida ndapata ubatisho kwake, nae kushidoni, “Mmana mmadinyoka dyaishumu mwe! Anyinyitidilé nyani kutila shaushanga shake Nnungu shída?

Lukashi 2:25

Napanelo ku Yelusalemu ko, andípagwa nang'olo jumo wavashinshema Shimiyau; nang'olo aju avele munu waishaliya na wakunjopa Nnungu. Nae ashindalindila kupambadyangigwa kwavanaishilaeli na Imumu Wanashwe andípagwa namu nae.

Lukashi 3:7

Nadoni Nshuwau andyáulila imbumba yavanu imwidilíle avape ubatisho kushidoni, “Mmana mmadinyoka dyaishumu mwe! Anyinyitidilé nyani kutila shaushanga shake Nnungu shida?

Vitendo 1:11

kutwala kushidoni, “Mmagalileya, mulalela nyamani kuwa? Jo Yesu wavamuumidye pakati penu kuka kuwa, andaaloka kenga mo mwamumwanalele auka kuwa.”

Vitendo 17:31

mwaa Nnungu andipanga liduva lyakuukumu shilambo kwaishaliya kwaindila yamunu jumo wantandwele mwene. Ing'ano ai andilodya umwiu kwauti pakundyuwa munu ajo pakati pavakupela.”

Vitendo 2:24

Kanji napane jojo jo, Nnungu anindyuwa pakati pavakupela amposha mumauvilo akupela mwaa haishuulukika kupela kundingile.

Vitendo 2:32

Jo Yesu aju, Nnungu anindyuwa na wetu apa uti ni tuvashuda vashitendo asho.

Vitendo 3:15

Napavedoni, mwenu munimpedya mwene shingumi kanji napane Nnungu, jojo jo, anindyuwa mushipinga shavakupela na wetu nelo tuvashuda vashitendo asho.

Vitendo 3:21

Jo Yesu jo inimmaikila apagwe kuwa mpaka muwakati ulóta kukandyangigwa vinu uti, wakati wowo wavalangenge Nnungu tangu kala kwaindila yavakulava vakwilimyanga.

Vitendo 4:10

bai mwenu apa na mmanaishilaeli uti ikala mumanya kenga ni palina lyake Yesu Klistu wa ku Nashaleti wamunkamadile mwenu panshalaba kutwala Nnungu kundyuwa pakati pavanu vapadíle, kwadimongo dyake nae munu aju áimidile mushu mwenu andípata kupona.

Valoma 1:4

na kwakwodananavo Imumu waukwilimyanga ápangigwidye kuva Mwana wa Nnungu nkati mudimongo kwaindila yakudyuka pakati pavakupela, Yesu Klistu Umu wetu.

Valoma 2:7

Kwa avalá valóta kunanopa nkati mukutandedya wambone, valambéla lishangelo, ishima na ungapela, andavapa shingumi shíkamalilika

Valoma 4:25

Nae vaninkamudya kwamwaa wakupujungula kwetu na kundyuwa kwakutuvalangilila ishaliya.

Valoma 8:34

Nyani álota kuvaukumu? Klistu Yesu ni ápadile, leka apo ni ádyukile, ni áikele kunkanakono wake Nnungu namomo nae ni átujugwangila.

I Vakolintu 1:7

Nadoni mwenu hashipali shajo sha Imumu shimwóva pamupagwa mukulindila kulilodya kumwe Umu wetu Yesu Klistu.

Vagalata 3:13

Klistu anditwambola mudilana dyalilamulo palitandile jo mwene kuva ilana adiva lyutu lyetu mwaa indyandikigwa, “Alaanigwe aijá álota kupambililigwa munnandi.”

Vapilipo 3:20

Kanji wenentete wetu wetu uvelé kuwa akulá kwatunnindila na dukuduku mwamboli, Umu Yesu Klistu.

Vakoloshu 1:18

Nae ni muti wamili alilá liganisha, shitunduvangilo na ntandi kuvalekwa pakati pavakupela pakulota muvinu uti akamulile lyutu litandi

I Vateshalonika 1:7

Nadoni muukilé ndava mpano kwavakukulupila uti va ku Makedoniya na va ku Akaya.

I Vateshalonika 2:16

vakanyalidya vatudingadinge pakulota hatunatangole na vamidi kwambangidya vanavo vo, vaambwalegwe na pakulota vo vene vaunjikiligwe shipimo shamadambi ave, kumbe shitundi shindivagwela.

I Vateshalonika 2:7

ata ikava kenga tukanimmikila ligogo wetu túvele tuvamyombe vamwe Klistu. Leka apo, tundilitenda kuva tuvana vadikidiki pakati penu. Mo mwavalela jujumunu wakujang'edya ávalela vanavake,

I Vateshalonika 5:9

Mwaa Nnungu hatupangidile kwashitundi kanji pakulota tupate kwambolegwa kwaindila imwe Umu wetu Yesu Klistu

II Timoti 4:1

Ninkumya ushuda pamevo pake Nnungu na pamevo pake Klistu Yesu aijá álota kuvaukumu vangumi na vapadíle, ngulaililila kwakuumilila kwake na utawala wake,

Titu 2:13

akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

Vabalaniya 10:27

kanji ni kulindila ukumu yakujowa na moto utikinyúla ulóta kuvamalidya avalá vampínga.

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

I Patulu 1:3

Atumbyangilike Nnungu na Tatamunu umwe Umu wetu Yesu Klistu! Kwaindila yakudyuka kumwe Yesu Klistu pakati pavakupela na kulingananavo shididi shake shikumene, nae andituvaleka kavili waambi pakulota tupate lilindilililo lingumi

I Patulu 2:21

Ashi ni shavanshamalele mwenu; mwaa Klistu momo andyuvauvanga adiva lyutu lyenu annakela mpano kwambangidya mwenu mwodedye mwalivete nae.

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu

II Patulu 3:12

mulindila liduva lyake Nnungu mutadya liduva alyo lide shipajelo. Muliduva alyo kuwa kundatikinyuka kwamoto na mili vyakuwa vindanyang'anyuka kwalitukuta.

II Patulu 3:14

Napavedoni mmakunagwaleka, akuno mulindila vinu avi likanyalidye pakulota nae ankodye nkati mu amani, múkave lilemba na múkave likosha.

Maono 1:18

Nangu Ninene Ngúnama; ndípela kanji napane lola, ninkunama ngwengwe ngwengwe! Nangu ni Nimwene myungulilo vyungulíla Kupela na Kumoka.

Maono 1:7

Mwe! Nae ankwida mumaundi na kula munu andamwona ata mpaka avalá vantalwéle nkushi; makola uti amushilambo andatangadikanga kwamwaa wake nae. Nadoni amu mundatandeka! Ame.