I Vakolintu 8:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Napavedoni kwaing'ano yavyakulya vyavavaumidya vannungu vakushang'apa, tundimanya kenga “nnungu wakushang'apa mushilambo amu hapali,” na “hapali nnungu pakava jumo tu bai.”

I Vakolintu 8:4 ပူးပေါင်းရင်းမြစ်များ

Malukushi 12:29

Yesu kushidoni, “Lilamulo likumene lipundíle anji ni ali, ‘Igwa wako Ishilaeli! Umu Nnungu wetu, nae ni jumo tu bai!

Vitendo 14:15

vaashidoni, “Mwenu, mwaa shani munkutenda davo? Wetu apa, tuvanu túumbigwe kenga mwenu; apa wetu twidilé nammalangangila ntenga wambone pakulota muleke vinu vyamambinya avi, mushinjiulile mitima vyenu kwa Nnungu mumi ákandyenge kuwa na pai, imanga na vinu uti vipagwíte mumautu alo.

Vitendo 15:20

kanji tuvaandikile vila havanalitae ushapu kwavannungu vakushang'apa, havanalavalave, havanamamene dinyama dyavanyama vakuvapambilila na havanalye myadi.

Vitendo 19:26

Mwenu munkwona na munkwigwa shana vinu vyapita atenda munu wavanshema Paulu akuno ku Epeshu na mpaka Ashiya yene ai uti. Nae andívashomba na andivashinjiulanga vanu atangola doni, ‘Vannungu vakuvakandyanga vanu vene havanava shinu vannungu vaiu.’

I Vakolintu 8:1

Napanelo kwaing'ano yavyakulya vyavavaumidya vannungu vakushang'apa, tunkumanya mwamutangalela mwenu kenga, “Wetu uti tunkuvanavo limanyilo.” Limanyilo ali kanji linkuntadya munu alyone ila linagwaledyo linkudenga.

I Vakolintu 8:10

Mwaa munu akakwona wako úvenavo limanyilo wìkele pandamu mwing'ande yavannungu vakushang'apa, da munu aju akavanavo makumbukililo amuntima akudabadabanga, havanavo ntima wakulya vinu avyo vyavavaumididye vannungu vakushang'apa?

I Vakolintu 8:11

Nadoni wakudabadabanga aju ankubamalegwa kwalimanyilo lyako, nung'unumunu aijá wampalalele Klistu.

Vagalata 4:8

Mwiu, pamukashimmanya Nnungu, mushitandegwa vatumwa va avalá kwamavalelo havanava shinu vannungu

Vaepeshu 4:6

Nnungu jumo na Tatamunu wauti, jo ápagwa pashanya pauti, ápagwa mumautu uti na ápagwa nkati muuti.

I Timoti 1:17

Ambi napane kumwe Umu wangwengwe, ákapela, ákaaneka, jo Nnungu jumo, kwake nae kupagwe ishima na lishangelo ngwengwe ngwengwe. Ame.

I Timoti 2:5

Mwaa ankupagwa Nnungu jumo na kupagwa nkúdumangila jumo pakati pamwe Nnungu na vanu: munu jo Klistu Yesu

Yudashi 1:25

kwake Nnungu ávele jumo, Mwamboli wetu, lipagwe lishangelo, ukumene, lyululilo na madalaka kwaindila imwe Yesu Klistu Umu wetu, kutunduvangila wakati uti, ambi apa na mpaka vyaka uti! Ame.