I Vakolintu 8:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo kwaing'ano yavyakulya vyavavaumidya vannungu vakushang'apa, tunkumanya mwamutangalela mwenu kenga, “Wetu uti tunkuvanavo limanyilo.” Limanyilo ali kanji linkuntadya munu alyone ila linagwaledyo linkudenga.

I Vakolintu 8:1 ပူးပေါင်းရင်းမြစ်များ

Vitendo 15:10

Napanelo mwaa shani munkumwangonga Nnungu pakuvatika ligogo likumene vakwoda lyavakaulwile vanakuluvetu kulitika ata nawetu momo?

Vitendo 15:29

Hamunalye vyakulya vyavavaumididye vannungu vakushang'apa, hamunalye myadi, hamunamamene dinyama dyavanyama vakuvapambilila na hamunalavalave. Vinu avyo mukatandedya ni shambone namene. “Bai apa ni pamwisho.”

Vitendo 21:25

Kanji kwaupande wavakukulupila vaumíle pakati pavamidi, wetu tundivaandikila ibalugwa yakuvamanyiya mwatwamulidile wetu tuushidoni, ‘Havanamamene inyama yavashindile vavaumidya shadaka vannungu vakushang'apa, havanalye myadi, havanamamene inyama yannyama wakumpambilila na ata havanalavalave.’ ”

Valoma 11:25

Mmanung'unumunu hangunalota shinu mutikinange shipii shangulota kutangola kwambangidya hamunave mmanu mmakulyona: kunanopa kwantima kúkawikidile popo kundivawikila vanaishilaeli mpaka kuumbaligwa kwavamidi kuwikile popo.

Valoma 12:16

Kumbukilanila mumo momo. Hamunalyone kanji ava tayali kulyunganianga namu avalá vailudyangíka. Hamunalyone mwemwe mmene kuva mmalimanyilo.

Valoma 14:10

Napane mwaa shani wako unkumuukumu nung'unumunu? Kwali mwaa shani unkumwiludyanga nung'unumunu? Mwenu, uti wetu tundapagwa palibengi lyake Nnungu

Valoma 14:14

Nangu ndimanya na ninkuvanavo wakika nkati mumwe Umu Yesu doni, hashipali shakulya shiliténda sho shene kuva shishapu paikavele aijá ávalangila kuva shishapu kwake nae ko, shishapu.

Valoma 14:19

Napavedoni tuvingilidye ashilá shiídanavo amani na shitutádya tudangane.

Valoma 14:22

Likulupililo lyauvenavo lyo avanavo gwegwe umwene pamevo pake Nnungu. Andyalaligwa aijá ákalyukumu kwa ashilá shaungila nkono.

Valoma 14:3

Aijá álya vinu uti hanamwiludyange aijá ákalya na aijá ákalya, hanamuukumu aijá álya mwaa Nnungu animpwashalela.

Valoma 15:14

Mmanung'unumunu nangu nimwene ninkuvanavo wakika kenga mwenu mundyumbaligwa na wambone mùumbaligwidye na limanyilo uti muulula kupundishania shivanavene.

I Vakolintu 1:5

Ni ashi shuukíle ndatadya nkati mwake nae, mwenu muumbaligwe muvinu uti, nkati mulilove na nkati mulimanyilo

I Vakolintu 10:15

Ngutangola namu mwenu kenga mmanu mukumbukila; lalyanga mwemwe mmene avi vyangutangola.

I Vakolintu 10:28

Kanji munu akakwaulila doni, “Shakulya ashi vaumidyé kenga shadaka,” haunalye kwamwaa wamunu aijá ákwaulidile na kwamwaa wamakumbukililo amuntima;

I Vakolintu 14:20

Mmanung'unumunu, hamunave mmana mmadikidiki mumakumbukililo enu. Ava mmana mmadikidiki muvyakunyata kanji mumakumbukililo, ava mmanang'olo.

I Vakolintu 15:34

Ujila kuding'anong'ano dyenu, nama kwaishaliya na leka kutega mwaa vanji havammanyite Nnungu ata padyoko vela. Ninkutangola avi kwadyoni dyenu.

I Vakolintu 4:10

Wetu tuvajinga kwamwaa umwe Klistu kanji mwenu ni mmalimanyilo nkati mumwe Klistu! Wetu ni tuvakudabadabanga kanji mwenu ni mmadimongo! Mwenu ni mmakwishimika kanji wetu ni tuvakwiludyangika!

I Vakolintu 4:18

Kenga nangu hangushida kwenu, vanji vandilitenda kuva vakulyona.

I Vakolintu 4:6

Avi mmanung'unumunu ndilitandedya kwangu nangu namu Apolu kenga mpano kwamwaa wenu mwenu kwambangidya dashi, kwetu wetu mulipundishe mene kupunda ashilá shaandikígwe pakulota hanapagwe wakulyona kwamwaa wamunu jumo kunneka junji.

I Vakolintu 5:2

Napane mwenu kutwala kulitenda kuva mmakulyona! Leka apo hamunavenavo shipalodi kutwala kumminganga átandile shitendo asho pakati penu?

I Vakolintu 5:6

Kulyona kwenu hakunava shinu kwambone. Da mwenu hamunamanya shinu kenga nkukumuku padyoko unátadya likamu uti kukukumuka?

I Vakolintu 8:2

Aijá ákumbukila doni ankumanya shinu, mpaka ambi hanava kumanya mwashi muvaikidíle amanye.

I Vakolintu 8:4

Napavedoni kwaing'ano yavyakulya vyavavaumidya vannungu vakushang'apa, tundimanya kenga “nnungu wakushang'apa mushilambo amu hapali,” na “hapali nnungu pakava jumo tu bai.”

I Vakolintu 8:7

Kanji i uti vavénavo limanyilo ali. Vanji pakuva vandivadyavalela vannungu vakushang'apa, vankulya kenga pashikavele mwiu shakulya shavavaumididye vannungu vakushang'apa kutwala makumbukililo ave amuntima kwoda akudabadabanga, ankwambukishigwa.

Vaepeshu 4:16

Kwaindila yake nae mili uti paulyunganianga na paukamulananga na kula imbandi yavampele, kula imbandi paikola shimadengo muvaikidíle, inátadya mili ukulumuke pakulota ulidenge mulinagwaledyo.

Vakoloshu 2:18

Hamunanneke munu ampoka lidaka lyenu kwakupuwangila namene mukulishapeya na mukulipudya kwavanjelo, atadolyatadolya avilá vyagwene na alitumbudyatumbudya mumakumbukililo ake ashimunumunu.

Maono 2:14

Ila vipali vinu padyoko vikunyatyánga wako, ako vapali vaodedya mapundisho ake Balaau, aijá ámpundishidye Balaki kuvateja lutambo vanaishilaeli pakulota valye vyakulya vyavashivaumidya vannungu vakushang'apa na valavalave;

Maono 2:20

Ila napane shipali shikunyatyánga, wako unkumpambedya Yeshebeli nkongwe álivika kuva nkúlava. Kwamapundisho ake, nae ankuvaashedya vatumika vangu mukulavalava na mukulya vyakulya vyavavaumididye vannungu vakushang'apa.