I Vakolintu 6:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Kwali, da mwenu hamunamanya shinu kenga avalá vaungave-ishaliya havapata maleko autawala wa Nnungu? Hamunaduwangike, ata vaténda vyawendi, ata valipúdya kwavakushang'apa, ata vakulavalava, ata valume valalígwa na valumemwave, ata valume vavalála valumemwave,

I Vakolintu 6:9 ပူးပေါင်းရင်းမြစ်များ

Mateu 19:29

Napanelo kula munu álakile ing'ande yake, vakuluvake, valumbuvake, tatake, anyoke, vanavake kwali mashamba kwamwaa wangu nangu, andapata vyoe vyakwanjadyeka myanda miya na shingumi shíkamalilika sho, andapata.

Mateu 25:34

Napane jo Umu jo andavaulila avalá vakunkanakono kwake kushidoni, ‘Idananga mwenu mwalaligwe namu atata! Pwashalela utawala wavankandyangididye tangu kukandyangigwa kwashilambo.

Lukashi 21:8

Yesu kushidoni, “Lilaledye! Hanapagwe wakunduwanga mwaa vandaida vanu voe vatumila lina lyangu vaashidoni, ‘Nangu ni Masiya’ na kushidoni, ‘Wakati undiwika’ kanji hamunavode.

Vitendo 20:32

“Napanelo nangu ninkunkamudya kwa Nnungu na kwalilove lyaumonyo wake lyulúla kunkulumuwa na kumupa maleko pakati pa avalá vailimyangígwa.

Vitendo 24:25

Kanji Paulu avalanganga ing'ano yaishaliya, yakulishunga, yaukumu ulóta kutandeka, Pilishi andíjopa namene na andímwaulila Paulu aashidoni, “Ambi unkuulula kuka! Mushu mo pangulota kuva na litala ndakushema,”

Valoma 1:18

Mwaa doni apa, shitundi shake Nnungu shinkulilodya kutunduvangila kuwa shiidila ungave-Nnungu na ungave-shaliya wavanu vatitikidyánga umwiu kwaindila yakuvova ishaliya.

I Vakolintu 15:33

Hamunaduwangike, “Unyagwe wakunyata undátimbanga mavalelo ambone.”

I Vakolintu 15:50

Napanelo ninkushidoni mmanung'unumunu, mili na myadi havyulula kupata kenga maleko utawala wa Nnungu na ashilá shilambaléka hashuulula kupata ungalambaleka.

I Vakolintu 3:16

Da hamunamanya shinu kenga mwenu ni ing'ande yake Nnungu na Imumu wake Nnungu ankunama nkati mwenu?

I Vakolintu 5:1

Kwamwiu, inkuvalangangigwa kenga kwenu mwenu kunkupagwa kulauka, kulauka kúkapagwite ata kwavakammanyite Nnungu ata mpaka munu kulanavo ndyagwe tatake.

I Vakolintu 5:10

Avi hangunavamba shinu vakulavalava vashilambo ashi na ata vashojo, vakutindinganianga kwali valipúdya kwavakushang'apa. Leka ive davo mwenu ikanimmaikila mume mushilambo amu.

I Vakolintu 5:11

Kanji napane nimwandikila mene kulyunganianga na woewoe wavanshema nung'unumunu kanji ava nkúlavalava, washojo, wakulipudya kwavakushang'apa, nkúng'wenya, nkwámbalwa kwali nkútindinganianga. Kwamunu wantindo au, mwenu ata mpaka hamunalyenavo.

I Vakolintu 6:10

ata vakwiva, ata vashojo, ata vakwambalwa, ata vakung'wenya na ata vakukwinyanga, havapata maleko autawala wa Nnungu.

I Vakolintu 6:18

Tukuta vitendo vyakulauka. Madambi anji uti átega munu, ankutega panda mili wake kanji aijá átenda vyakulauka ankutega mo mumili wake jo mwene.

I Vakolintu 6:19

Kwali, da hamunamanya shinu kenga mili vyenu mwenu ni ing'ande yake Imumu Wanashwe ánama nkati mwenu wamumpatile mwenu kumwe Nnungu? Mwenu hamunava shinu mwemwe mmene

I Vakolintu 9:24

Da mwenu hamunamanya shinu kenga nkati mumashindano akutukuta, vakutukuta uti vandátukuta kanji nkúpata lidaka ni jumo tu bai? Tukuta pakulota lidaka lyo, mupate.

II Vakolintu 12:21

Ninkujopa pangwida kavili po, Nnungu wangu kunguvika mudyoni pamevo penu na ndatangadikanga kwamwaa wa avalá vatagíle kala kutwala mene kulijugulanga kwaushapu, kwauwendi na kwakulauka kwavatandile.

Vagalata 6:7

Hamunaduwangike, Nnungu hanaliulika. Shalota kupanda munu ni shosho shalota kupuna.

Vakoloshu 3:5

Nadoni nkati mwenu, pedya uti avilá vyashimunumunu; kulavalava, ushapu, ditamaa, malotelo aukalau na ing'ou, ako ni kulipudya kwavyakushang'apa.

Vabalaniya 12:14

Likanyalidye pakulota muname nkati mu amani kwavanu uti na mukwilimyanga. Kwabila kupagwa mukwilimyanga, hapali álota kumwona Umu.

Vabalaniya 12:16

hanapagwe munu pakati penu wakulauka kwali wadyeluelu álinganana kenga Ishau áshulushidye shinang'olo shake shakuva nae mwana ntandi kwandamu umo washakulya.

Vabalaniya 13:4

Shitamo shindivaikila shishimike na vanu uti, aki yake itandeke kwaungave-udagwa mwaa Nnungu andavaukumu avalá vakulauka na vakulavalava.

Tiyagu 1:16

Mmanung'unumunu mmakunagwaleka, hamunaduwangike;

I Nshuwau 3:7

Mmanavangu, hamunanneke munu anduwanga; aijá átandedya vyaishaliya ni waishaliya kenga mwavalalele nae waishaliya.

Maono 21:8

Kanji vakujopa, vákakulupila, vakalau, vakubyaa, vakulavalava, vavi, valipúdya kwavannungu na vakushang'apa uti, vanavo maleko ave, lilota kuva alilá litanda lyamoto likaléla na ipataki; aku ni kupela kwambili.”

Maono 22:15

Vandaikala panda vang'avanga, vavi, vakulavalava, vakubyaa, valipúdya kwavannungu pamo namu avalá vanagwalédya na vatandédya vyakushang'apa.