I Vakolintu 4:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Nadoni hamunaukumu wakati ukanava, do Umu akanava kwida. Nae andavika palangele vilipiídye mushii na kulyumilidya ngala makumbukililo ammitima. Bai apo kula munu andapata lutumbyango lwake kwa Nnungu.

I Vakolintu 4:5 ပူးပေါင်းရင်းမြစ်များ

Mateu 10:26

“Napavedoni vanavo hamunavajope. Hashipali shinu shilipiídye shíkaundukuka na hashipali shinu shashipii shíkaumilila kulangele.

Mateu 24:30

“Bai muwakati wowo kuwa shindaaneka shimanyikilo shake Mwana Wamunu kutwala makola uti amushilambo kutangadikanga. Vovo vo vandamwona Mwana Wamunu aaloka mumaundi na dimongo pamo na lishangelo lyoe.

Mateu 24:46

Andijaligwa ntumika aijá walota kunkodya nang'olo wake pauja atandela momo.

Mateu 25:21

Nang'olo wake kushidoni, ‘Shambone namene! Wako ni untumika shii na wakukulupilika! Undikulupilika kwavinu padiki napavedoni ndakukamudya vinu vyoe. Bai ida upuwange na nang'olo wako.’

Mateu 25:23

Nang'olo jo kushidoni, ‘Shambone namene! Wako ni untumika shii na wakukulupilika. Undikulupilika kwavinu padiki napavedoni ndakukamudya vinu vyoe. Bai ida upuwange na nang'olo wako.’

Lukashi 6:37

“Hamunamuukumu munu namwenu Nnungu hamuukumu. Hamunamunge munu namwenu Nnungu hamunga. Valivalive vankawédya namwenu Nnungu anannivaliva.

Nshuwau 21:22

Yesu kushidoni, “Ikava kenga nangu ninkulota nae apagwe mpaka pangulota kwida, wako shako nyamani? Wako po, ngwoda!”

Nshuwau 21:23

Ni ashi shitadídye dyandavale dyabali pakati pavanung'unumunu dyakushidoni, “Nkwóda aju, mwiko hapela.” Kanji hamwaulidíle doni, “Nae po, hapela,” ila amwaulidile doni, “Ikava kenga nangu ninkulota nae apagwe mpaka pangulota kwida, wako shako nyamani?”

Nshuwau 5:44

Mwenu mulota kukulupila dashi ikava kenga munkuupana lishangelo shivenevene na lishangelo lyalakéla kwa Nnungu ávele jumo jojo, hamunalambela shinu?

Valoma 14:4

Da wako unyani wakumuukumu ntumika wamunu junji? Avi amanya jo mwene nang'olo wake ikava kenga andaimila kwali andagwa. Nae andaimila mwaa Umu ankuulula kuntadya aimile.

Valoma 2:1

Napavedoni wako umunu úvaukumu vanji, hamupali mwakukanila mwaa paumuukumu junji po, unkulyukumu gwegwe umwene pakuva wako umwene úukumu po, vyovyo vyo unkutenda.

Valoma 2:16

muliduva lyaukumu Nnungu vipii vyavanu kwaindila imwe Klistu Yesu kwodananavo ntenga wambone wangu.

Valoma 2:29

kanji muyuda, muyuda muntima na kukumuligwa ni kwamuntima kwaindila ya Imumu i shaandikígwe. Litumbyangidyo lyake nae halinaalakela shinu kwavanu kanji kumwe Nnungu.

Valoma 2:7

Kwa avalá valóta kunanopa nkati mukutandedya wambone, valambéla lishangelo, ishima na ungapela, andavapa shingumi shíkamalilika

I Vakolintu 1:7

Nadoni mwenu hashipali shajo sha Imumu shimwóva pamupagwa mukulindila kulilodya kumwe Umu wetu Yesu Klistu.

I Vakolintu 11:16

Napanelo ikava kenga munu andavanavo mitau kwaing'ano ai, wetu nkati mo hatupali na ata maganisha ake Nnungu momo.

I Vakolintu 11:26

Mwaa ngwengwe pamulya ligung'u ali na kukumbilila shikombe ashi, munkuvalanganga kupela kumwe Umu mpaka palota kwida.

I Vakolintu 15:23

Kanji kwakula munu na mwanda wake: Klistu kuva shepo shitandi, ling'oto kwatika vamwe Klistu mukwida kwake.

I Vakolintu 3:13

shimadengo shakula munu shindaaneka mwaa Liduva alyo lindalodya ngala. Doni, shindaunukuligwa kwamoto na wo moto wo, undatenda nningo wainamuna yashimadengo shakula munu.

I Vakolintu 3:14

Ikava kenga ashilá shadangile munu pashanya shindananopa, bai munu ajo andapata lidaka.

I Vakolintu 3:8

Aijá ápanda na aijá átayangila medi vankuva shinu shimo na kula munu andapata lidaka kwodananavo shimadengo shake.

II Vakolintu 10:18

Mwaa hanakubalika munu álitumbudya jo mwene kanji akubalika aijá wantumbudya Umu.

II Vakolintu 10:9

Hangunalota shinu ngwaneke kenga nanjujuwanga kwadibalugwa dyangu.

II Vakolintu 4:2

Leka apo, tundita uti vyashipii na vyadyoni patukanama muvyaushwang'a kwali patukaashadyanga lilove lyake Nnungu kanji kwaindila yakuvalanganga ngala umwiu, tunkulitumbyanga mmakumbukililo amuntima vyavanu uti pamevo pake Nnungu.

II Vakolintu 5:10

Mwaa wetu uti indituvaikila twimile palibengi lyaukumu lyake Klistu pakulota kula munu apate kulingana na shimadengo ashilá shatandile mumili, kwali shambone kwali shakunyata.

I Vateshalonika 5:2

mwaa mwemwe mmene mundimanya shalowa doni liduva limwe Umu lindaida kenga mwaidila nkwíva shilo.

Vabalaniya 4:13

Hashipali shuumbígwe shilipiídye pamevo pake Nnungu. Uti vivelé mwandwa na palangele pamevo pamwe aijá patulota wetu kwitikanga.

Tiyagu 4:11

Mmanung'unumunu, hamunatangalane kunyata. Aijá ántangola kunyata nung'unumunu kwali ámuukumu nung'unumunu, ankutangola kunyata lilamulo na ankuukumu. Wako paukumu lilamulo po, haunatandedya shinu ila unkulivika kuva unkúukumu.

Tiyagu 5:7

Napavedoni mmanung'unumunu ava mmanu mmakulipililila mpaka kwida kumwe Umu. Nnole nkúlima mwanalindililila ulongo umye vyepo vyamana. Nae análipililila mpaka ulongo utanyele imbula itandi na yamwisho.

Tiyagu 5:9

Mmanung'unumunu, hamunakashalyane kwambangidya hamunaukumigwe. Mwenu, Nkúukumu jo avelé pannango.

I Patulu 1:7

pakulota kutenda nningo walikulupililo lyenu ikava kenga lìu. Likulupililo lyo liu lyo linkuvanavo mana makumene kuliko shaabu, shaabu itimbikánga ata ikava kenga vandatenda nningo pamoto; lyanavo lindaidanavo lutumbyango, lishangelo na ishima palota kulilodya Yesu Klistu.

I Patulu 5:4

Doni, palota kulilodya Nkúshunga nang'olo, mwenu mundapata lidaka lyalishangelo líkadingala.

II Patulu 3:12

mulindila liduva lyake Nnungu mutadya liduva alyo lide shipajelo. Muliduva alyo kuwa kundatikinyuka kwamoto na mili vyakuwa vindanyang'anyuka kwalitukuta.

II Patulu 3:4

vaashidoni, “Da shitandeke shinu shani nkati mukulivikila kwake yakwida? Tangu vanyakalavetu kujaa shingumi, vinu vinkuvalela momo kenga kunantandi kukandyangigwa shilambo.”

Yudashi 1:14

Kwamwaa wavanu vovo ava, Enoki munu wasaba kutunduvangila Adamu nanae momo andívalanganga kaladavo, “Mwenu! Umu ankwida pamo na makumi manga avanjelo vake vakwilimyanga

Maono 1:7

Mwe! Nae ankwida mumaundi na kula munu andamwona ata mpaka avalá vantalwéle nkushi; makola uti amushilambo andatangadikanga kwamwaa wake nae. Nadoni amu mundatandeka! Ame.

Maono 20:12

Namomo ndívona vapadíle vadyoko na vanang'olo vàimilenge mushu shiteng'u, popo po mabuku andyúnguligwa. Lindyúnguligwa libuku linji, yani lyashingumi. Vapadíle vo vandyúkumigwa kulingana na avilá vyandikígwe mmabuku kula munu na vitendo vyake.