I Vakolintu 4:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Wetu tuvajinga kwamwaa umwe Klistu kanji mwenu ni mmalimanyilo nkati mumwe Klistu! Wetu ni tuvakudabadabanga kanji mwenu ni mmadimongo! Mwenu ni mmakwishimika kanji wetu ni tuvakwiludyangika!

I Vakolintu 4:10 ပူးပေါင်းရင်းမြစ်များ

Mateu 24:9

“Napanelo vanavo vanankamula kumuukanavo ndamuuvyanga na vanammyaa. Mwemwe mundavangadika kwavenentete uti kwamwaa walina lyangu.

Mateu 5:11

“Mundyalaligwa mwenu pavantukananga, pavampapata, pavantangalela vinu uti vyakunyata, vanambilila kwamwaa wangu nangu.

Lukashi 10:16

“Munu ámwigwilila mwenu angwigwilila nangu, ámwita mwenu angwita nangu na ángwita nangu, amwita aijá ángutumididye.”

Lukashi 18:9

Nae kavili kukong'a nkong'o avaulila vanu váshilikulupila vo vene valyona kuva vaishaliya vavailudyanga vanu vanji:

Lukashi 6:22

“Mundyalaligwa mwenu pavannyatila vanu, kumwambukanga, kuntukana na kumumya shimbili shakunyata mwaa wa Mwana Wamunu.

Vitendo 17:18

Napanelo vakumanya vanji vaepikuli na vaestoiku vashindomba mwaa namu Paulu kutwala vanji kushidoni, “Munu álambukanga mwanambwe aju aamba nyamani?” Kutwala vanji kavili kushidoni, “Aju twona kenga avavalanganga vannungu vavilambo vinji.” Vandítangola davo mwaa Paulu ashimmalanganga Yesu na kuvalanganga kudyuka kwavakupela.

Vitendo 17:32

Napanelo vanavo pavamwigwite Paulu atangola ing'ano yakudyuka kwavakupela, vanji vandímwiludyanga kutwala vanji kushidoni, “Ing'ano ai tundakwigwilila kavili muwakati unji.”

Vitendo 26:24

Bai Paulu pashitangola avi alishililidya, Pestu andítangola pashanya po aashidoni, “Wako Paulu unkudulumbuka! Mashomo ako oe lo, ankukudulumbuwa.”

Vitendo 9:16

nene nimwene nannodya mauvilo oe álota kumpata kwamwaa walina lyangu.”

I Vakolintu 1:21

Doni, kutunduvangila mo mulimanyilo lyake Nnungu shilambo hashuukile nammanya Nnungu kwaindila yalimanyilo, inínnagwela Nnungu kwaindila yaujinga aulá watuvalanganga wetu kuvaambola avalá vakulupidíle.

I Vakolintu 1:23

kanji napane wetu tunkummalanganga Klistu wakukamalalegwa panshalaba, kwavayuda kuva shakulikuvala na kwavamidi kuva ujinga,

I Vakolintu 1:25

Mwaa ujinga wake Nnungu ni limanyilo likumene kuliko munu na kudabadabanga kwake Nnungu ni dimongo ding'umene kuliko munu.

I Vakolintu 10:12

Nadoni aijá áona kenga andinanopa, alilaledye kwambangidya hanagwe.

I Vakolintu 2:14

Munu washivalakwelo hanakubali vinu vya Imumu wa Nnungu mwaa kwake nae ni ujinga; haulula kumanya pakuva vyanavo vinkujavaniangigwa mwimumu.

I Vakolintu 2:3

Doni, nangu panguvéle namu mwenu nguvele mukudabadabanga, mukujopa na mukutatamela kukumene.

I Vakolintu 3:18

Hamunaliduwange, munu woewoe pakati penu akalyona kuva walimanyilo lyawakati au, inimmaikila alitende kuva njinga pakulota ave walimanyilo.

I Vakolintu 3:2

Ninnisha kwamashiwa i kwashakulya shakunanopa mwaa muvele mukanava kuulula kulya na ata mpaka ambi apa, hamunava.

I Vakolintu 4:8

Mwenu mulyona kuvanavo tayali vinu uti vyamulota! Tayali munditajilika! Kwabila wetu mwenu mundiva mmaumu! Nangu ngushindalota mwiu yakuva mwenu mmaumu kwambangidya dashi nawetu momo tuve tuvaumu namu mwenu.

II Vakolintu 10:10

Mwaa vanji vankushidoni, “Dibalugwa dyake dinajowa na dyadimongo kanji mavalelo ake amili akudabadabanga na shitangodi shake shakulidyuka.”

II Vakolintu 11:19

Mwaa mwenu kwoda muvenavo ding'ano dyoe, munkulipililila kwavajinga.

II Vakolintu 11:29

Wakwashi ádabadabenge pandikadabadabenge nangu? Wakwashi wavantadidye agwe paikangupwateke nangu muntima?

II Vakolintu 13:9

Mwenu, tunkupuwanga patudabadabanga, mwenu muvanavo dimongo. Kushwali kwetu ni kulota mwenu mudyuwangigwe.

II Vakolintu 4:12

Nadoni kupela ankukola madengo nkati mwetu kanji shingumi shinkukola madengo nkati mwenu.

II Vakolintu 6:8

nkati mukwishimika na mukwiludyangigwa, mukupata shimbili shakunyata na shambone, twaneka kenga tuvakushang'apa kumbe tuvelé tuvaiu,

I Vateshalonika 4:8

Napavedoni aijá áita avi, hanamwita munu kanji Nnungu ámupa Imumu wake Wanashwe.

I Patulu 4:14

Mwenu ikava kenga munkutukanigwa kwamwaa walina limwe Klistu, bai mwenu mundyalaligwa mwaa Imumu walishangelo àvele Imumu wake Nnungu, ankutulila pamuti penu.