I Vakolintu 15:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Kukanapagwa kudyuka kwavakupela, ata jo Klistu hadyukile.

I Vakolintu 15:13 ပူးပေါင်းရင်းမြစ်များ

Vitendo 23:8

mwaa mashadukayo kudyuka kwavakupela, kupagwa kwavanjelo vake Nnungu na kupagwa kwaimumu, havanakulupila shinu kanji mapalishayo uti avyo vankukulupila.

Valoma 8:11

Na ikava kenga Imumu umwe aijá ándyuwidye Yesu pakati pavakupela ankupagwa nkati mwenu, jo ándyuwidye Klistu pakati pavakupela andaing'a momo shingumi mili vyenu vyakupela kwaindila ya Imumu wake ápagwa nkati mwenu.

Valoma 8:23

i gweka shanavo kanji nawetu momo túpatile vyepo vitandi vya Imumu, tunkukuta shintimatima tulindila na mweshe yakutandegwa kuva tuvanavake Nnungu, kwambolegwa kwamili vyetu.

I Vakolintu 15:12

Mwenu, ikava kenga Klistu ankuvalangangigwa kudyuka mukupela, napane mwaa shani vanji pakati penu vankushidoni, hakupali kudyuka kwavakupela?

I Vakolintu 15:14

Napane akanadyuka Klistu, bai kuvalanganga kwetu, kwabule na kukulupila kwenu ko, kwabule.

I Vakolintu 15:20

Kanji napanelo Klistu mwiu andidyuka mukupela; jojo jo kuva shepo shitandi pakati pa avalá valéle.

I Vateshalonika 4:14

Mwaa ikava kenga tunkukulupila kenga Yesu andipela kutwala kudyuka nimumo momo tunkukulupila kenga uti avalá valéle nkati mumwe Yesu, Nnungu andavaidanavo pamo namu nae.

II Timoti 4:8

Kutunduvangila apa, vaningukandyedya lidaka lyaishaliya lyalota kungupa Umu, nkúukumu waishaliya muliduva alyo na i gweka nangu kanji namomo uti avalá vanagwalédya kuumilila kwake.

Vabalaniya 13:20

Mwenu, Nnungu waamani anindyuwa Yesu pakati pavakupela, Umu wetu, Nkúshunga nkumene wavangandolo kwaindila yamyadi vyaimbodi íkamalilika,

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

I Patulu 1:3

Atumbyangilike Nnungu na Tatamunu umwe Umu wetu Yesu Klistu! Kwaindila yakudyuka kumwe Yesu Klistu pakati pavakupela na kulingananavo shididi shake shikumene, nae andituvaleka kavili waambi pakulota tupate lilindilililo lingumi

Maono 1:18

Nangu Ninene Ngúnama; ndípela kanji napane lola, ninkunama ngwengwe ngwengwe! Nangu ni Nimwene myungulilo vyungulíla Kupela na Kumoka.