I Vakolintu 14:3 - Ibibiliya mu Shimakonde Imbodi Yaambi na dimbande dya Imbodi Yakala

³ Napane aijá álava, atangola na vanu kwamwaa wakuvadenga, kuvapa ntima shii na kuvapambadyanga.

I Vakolintu 14:3 ပူးပေါင်းရင်းမြစ်များ

Lukashi 3:18

Bai Nshuwau ashindavalaililila vanu ntenga wambone atumila malove ala na malailililo anji.

Vitendo 13:15

Vakainuke kushomya Lilamulo na Vakulava, vananangalaledi vashitala shakulipudidya vandítuma vavajugwe doni, “Mmanung'unumunu, likapagwa lilove lyakuvanonowanga venentete, tangola.”

Vitendo 14:22

Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”

Vitendo 15:32

kutwala Yudashi namu Shilashi vo vene vàvele vakulava momo, vandítangola namene vavapa ntima shii na vavanonowanga vanung'unumunu.

Vitendo 4:36

Nadoni pakati pavanu avo, mulawi Yoshe munu wa ku Kupulu wavashinshema vamyombe Balinaba kwakuvalangangila mana ake nkúnonowanga,

Vitendo 9:31

Bai liganisha lya ku Yudeya, lya ku Galileya na lya ku Shamaliya lindívanavo amani na lishindaliimiliyanga; linama mukunjopa Umu na mukumpambadyangigwa kwa Imumu Wanashwe, lyanavo lishindaanjadyeka.

Valoma 12:8

kwali shakwing'a ntima shii, mukwing'a ntima shii, kwali shakujaula, kwantima, kwali shakulangalalela, kwaidukuduku, kwali shakulodya shididi, kwalipuwilo.

Valoma 14:19

Napavedoni tuvingilidye ashilá shiídanavo amani na shitutádya tudangane.

Valoma 15:2

Kula munu pakati petu antadye nshitanonomwagwe innagwele kwauwambone wake jo mwene pakulota annonowange.

I Vakolintu 10:23

“Vinu uti vindilamuliligwa,” kanji i uti vingupwashéla. “Vinu uti vindilamuliligwa,” kanji i uti vidénga.

I Vakolintu 14:12

Nimumo momo kwenu mwenu; pakuva mwenu munkuvanavo dukuduku yakupata vinu vyaimumu, bai avanavo dukuduku yakudangela liganisha.

I Vakolintu 14:17

Mwaa inkuululika wako unkulambwalela shana kanji junji jo, hanadangegwa shinu.

I Vakolintu 14:26

Da ivé dashi mmanung'unumunu? Pamukadyanianga, kula munu ankuvanavo lwimu kwali kuvanavo lipundisho kwali kuvanavo maono kwali kuvanavo inangodi yaambi kwali kuvanavo kuvalangangilila; uti avi vive vyakudenga.

I Vakolintu 14:31

Mwaa uti mwenu munkuulula kulava jumo jumo kwambangidya uti mulipundishe na munonowangike.

I Vakolintu 8:1

Napanelo kwaing'ano yavyakulya vyavavaumidya vannungu vakushang'apa, tunkumanya mwamutangalela mwenu kenga, “Wetu uti tunkuvanavo limanyilo.” Limanyilo ali kanji linkuntadya munu alyone ila linagwaledyo linkudenga.

II Vakolintu 1:4

átupambadyanga mumauvilo etu uti kwambangidya wetu tuulule kuvapambadyanga avalá vapágwa mumauvilo oeoe kwakupambadyanga kwatupambadyangigwa namu Nnungu.

II Vakolintu 2:7

Nadoni paikave davo po, indivaikila munnivalive na mumpambadyange munu ajo pakulota hanatitimile mushipalodi shakumamodya.

Vaepeshu 4:29

Malove akunyatanga hanaume nkanywa mwenu ila aume malove ambone avaikidíle kuvadenga vanu kwodananavo malotelo ave kwambangidya malove enu ape umonyo kwa avalá vaígwa.

Vaepeshu 6:22

Nintumididyé kwenu kwaing'ano ai kwambangidya mwenu mumanye vinu vitwámba wetu na amupe ntima shii.

Vakoloshu 4:8

Kwamwaa wowo au ninkuntumidya kwenu mwenu pakulota mumanye uti vipíta kwetu wetu na kwambangidya ananawange mitima vyenu.

I Vateshalonika 2:11

Mwaa mundimanya shana mwatupagwididye na kula munu pakati penu kenga tatamunu kwavanamunu

I Vateshalonika 2:3

Doni, kujugwangila kwetu hakunaalakela shinu mukushang'apa kwali muushapu kwali muujanja

I Vateshalonika 3:2

kutwala kuntumidya Timoti aijá nung'unugwetu, mmádengomwagwe Nnungu nkati muntenga wambone umwe Klistu pakulota annonowange na amupe ntima shii kwaupande walikulupililo lyenu

I Vateshalonika 4:1

Kumwisho akuno mmanung'unumunu tunkunjugwa na kunnaililila palina limwe Umu Yesu doni, kulingana kenga mo mwamupwashaladile kwetu wetu amulá muvaikidíle muname na munnagwele Nnungu kenga mwiu mwamutandela, bai wenanavo mushu mutandedya kupunda apo.

I Vateshalonika 4:18

Napavedoni ing'ana ntima shii kwamalove ala.

II Vateshalonika 3:12

Vanu vantindo au tunkuvalamulila na kuvalaililila nkati mumwe Umu Yesu Klistu doni, vakole madengo kwaamani kwambangidya valye shakulya shavo vo vene.

I Timoti 1:4

na ata havanaangaikangile dinano na mashauma avanyakala ákave mwisho atádya kupagwa mitau kuleka unashilangola walakéla kumwe Nnungu wámba likulupililo.

I Timoti 4:13

Mpaka pangulota kwida, angaikangila kushomya Maandiko paumbala, kulaililila na kupundisha.

I Timoti 6:2

Avalá vavénavo vanang'olo vakukulupila, havanavailudyange kwodamwaa vàkukulupila kanji vavatumike namene kupunda apo mwaa vapáta paida yashimadengo shave shambone ni vakukulupila na vakunagwaleka. Vinu avi pundisha na laililila.

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

Titu 1:9

akamulila lilove lyakukulupilika kenga mwavapundishididye kwambangidya aulule kuvapa vanji ntima shii nkati mumapundisho mangumi na kuvataukanga avalá vapínga.

Titu 2:15

Vinu avi valanganga, laililila, shashulanga kwamadalaka uti; haunanneke munu akwiludyanga.

Titu 2:6

Mumo momo valaililile vanemba pakulota vave vading'ano

Titu 2:9

Vatumwa valivike mwina mwavinu uti kwavanang'olo vave vatadya vanang'olo vave ivanagwele pavakalitaukanga,

Vabalaniya 10:25

Hatunaleke kukadyanianga kulingana kenga mwavatandela vanji kanji indituvaikila twing'ane ntima shii, kupunda namene po pamwona kuvandika Liduva apa.

Vabalaniya 13:22

Mmanung'unumunu, ninkunjugwangila mulipililile malove angu aninnaililila; kwakutangola mwiu avilá vyanimwandikidile vyo, vive padyoko.

Vabalaniya 3:13

Leka apo, ing'ana ntima shii kula wakati ushamégwa “Liduva lyanelo” kwambangidya hanapagwe pakati penu munu wakunanopa aduwangika mulidambi

I Patulu 5:12

Kwalipwashalelo limwe Shilivanu aijá wanimwamini kuva nung'unumunu wakukulupilika, nangu ndimwandikila mwenu kwaungwipi ninjugwangila na ngumyaa ushuda kenga: au ni umonyo wiu wake Nnungu. Pagwa mukunanopa nkati muumonyo wake Nnungu.

Yudashi 1:20

Kanji napane mwenu mmakunagwaleka, mulidenga nkati mulikulupililo lyenu lyakwilimyanga-uti, mushwalya nkati mu Imumu Wanashwe,