I Timoti 5:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ na ámanyike shana kwashimadengo shake shambone: ávaladile vana, ákalibishidye, ánavyenge medi madodo avakwilimyanga, ávapwashaladile vakuvauvanga na álijawile mushimadengo shambone shakula inamuna.

I Timoti 5:10 ပူးပေါင်းရင်းမြစ်များ

Mateu 25:17

Aijá ápatile mbili, nanae kwanjadyedya dinji mbili.

Mateu 5:16

Nadoni inimmaikila lilangadyo lyenu limulike pakati pavanu pakulota vone matendo enu ashalowa na vamupe lishangelo Tatagwenu ávele kuwa.

Lukashi 7:38

kuka ndamwimila Yesu pamadodo pake, kulila, myodi kugwilila mmadodo mwake Yesu kutwala ugwimbu wake kupukutanga myodi mmadodo mo, kupalapata na kupakanga mauta.

Lukashi 7:44

Nae kushiliuka kunnola nkongwe kutwala kumudya Simoni kushidoni, “Unkumwona nkongwe aju? Nangu ndiinjila nng'ande mwako, wako haungupele medi akunavanga mmadodo kanji nkongwe aju, aningunavyanga madodo myodi kutwala kungwanyalanga na ugwimbu wake.

Vitendo 10:22

Vanavo kushidoni, “Wetu twalakela kwanang'olo wavaing'ondo walina Koluneli; nae ni munu waishaliya na wakunjopa Nnungu na ni munu waushuda wambone kwavenentete uti vayuda. Jojo jo, njelo wakwilimyanga andimwaulila akusheme uke kwing'ande yake ukamwaulile shauvenavo.”

Vitendo 22:12

“Napanelo mo nkaja mo andípagwa munu jumo walina Ananiya, munu wakunjopa Nnungu na wakwigwilila lilamulo lyetu, wavashimuumidya ushuda wambone vayuda uti váshinanama nkaja mu Damashiko,

Vitendo 6:3

Napavedoni mmanung'unumunu vatandole vanu saba pakati penu vaushuda wambone, vakuvaumbala Imumu Wanashwe, valimanyilo tuvakamudye shimadengo ashi

Vitendo 9:36

Napanelo panjini wa Yope andípagwa nkongwe jumo nkwóda walina Tabita, lina lyavashema mushigalegu Dolakashi, nae avele wavitendo vyambone na ashindavapwashela vamashikini.

Vitendo 9:39

Bai Patulu andyúka namu vanavo. Akawike, vaníntwala kumuukanavo mushumba shapashanya ulungu kutwala vanamwili uti kuntang'anedya valila na vannodya vyakulijalangila vyakuvilingananga vyakandyénge Dolakashi pavéle mumi.

Valoma 12:13

Kwa avilá vivóva vakwilimyanga, shangila. Kuvapwashalela vajeni, lambela.

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Vakoloshu 1:10

kwambangidya muname shinamidyo shimmaikíla Umu, vinnagwela muuti, mupa vyepo mushimadengo uti shambone, mukulumuka mukummanya Nnungu,

I Timoti 2:10

kanji kwa ashilá shivaikidíle kwavakongwe valivalangánga ishima kumwe Nnungu, matendo ambone.

I Timoti 3:2

Napavedoni inimmaikila nkúlaledya ave munu ákave makosha, nnume wankongwe jumo, munu mpole, wakulishunga, wakwishimika, wakukalibisha na wakuulula kupundisha

I Timoti 3:7

Namomo inimmaikila ave munu waushuda wambone pakati pavanu vapanda pakulota hanalapigwe kutwala kujola mulutambo lumwe Ndamoni.

I Timoti 5:16

Ikava kenga nkongwe nkúkulupila andivanavo vanamwili palikola lyake, inimmaikila avapwashele pakulota liganisha halinaidapelwe kwambangidya dashi lyanavo livashunge avalá vanamwili mwiu vákave pashinu.

I Timoti 5:25

Nimumo momo shimadengo shambone shinkwaneka ngala na ata ashilá shilipiídye, hashuulula kupiika.

I Timoti 6:18

Vamanyie vatende wambone, vave matajili mushimadengo shambone, vavenavo ntima wakujaula vava tayali mukujavananga.

II Timoti 1:5

Ninkukumbukila likulupililo lyako liu lyo lye lipagwíte shitandi kwanakuluvo Loide na kwanyoko Eunike na ambi apa ninkuvanavo wakika kenga linkupagwa nkati mwako.

II Timoti 2:21

Napanelo ikava kenga munu andaushanianga avilá víkave ishima andava shombo shakwishimika, shitandégwe kwilimyanga, shivénavo mana kwa Nang'olo shavapanganienge kwashimadengo uti shambone.

II Timoti 3:15

na kumanya kenga tangu shidyoko shako undimanya Maandiko akwilimyanga aululíka kukutadya kuva walimanyilo kwakwambolegwa kwaindila yalikulupililo nkati mumwe Klistu Yesu.

II Timoti 3:17

kwambangidya munu wa Nnungu ave wakuulula, wavampanganienge shana kwashimadengo uti shambone.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Titu 2:7

gwegwe umwene ulilodya kuva mpano wavitendo vyambone muvinu uti. Mumapundisho ako lo, lodya umwiu ungave-dimbenje

Titu 3:1

Vakumbuwange vapagwe mwina mwavakutawala na mwavamadalaka, vave vakwigwilila na vave tayali kwakula shimadengo shambone,

Titu 3:14

Vetu wetu vo, valipundishe kwangaikangila vitendo vyambone pakulota vaangangalange vinu vikumene vitakígwa na havanave vákapa vyepo.

Titu 3:8

Lilove ali, lyakukulupilika na kwavinu avi ninkulota doni, wako wigwiniye shana kwambangidya dashi, avalá vankulupíla Nnungu vaangaikangile kupagwa muvitendo vyambone. Vinu avi vyamana na vinkuvanavo paida kwavanu.

Vabalaniya 10:24

Namomo tukumbukile namene mwashi mwakwimulanila kwalinagwaledyo na kutandedya matendo ambone.

Vabalaniya 13:2

Hamunaleke yakuvatanana vajeni mwaa kwakutenda davo vanji kwabila kumanya vandivatanana vanjelo.

Vabalaniya 13:21

nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.

I Patulu 2:12

Shinamidyo shenu shive shashalowa pakati pavamidi; nadoni ata vakantambudyanga kutenda vyakunyata, pavalota kwona vitendo vyenu vyashalowa, vanavo vandamupa lishangelo Nnungu muliduva lyalota kulilodya.

I Patulu 4:9

Ava mmakukalibishania kwabila kutangadikanga.

III Nshuwau 1:12

Kanji napane kwaupande umwe Demetiliu uti vandyumya ushuda wambone na wo umwiu wene unkwing'a ushuda kwamwaa wake. Na wetu momo tunkumya ushuda na wako unkumanya kenga ushuda wetu, wìu.