I Timoti 5:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Haunanshulange munu ákupundile shilinga kanji nnaililile kenga tatamunu, vanemba kenga vanung'unumunu,

I Timoti 5:1 ပူးပေါင်းရင်းမြစ်များ

Mateu 23:8

Kanji mwenu hanapagwe wakushamegwa ‘Labi’ mwaa mwalimu wenu avelé jumo bai. Mwenu apa uti mmanung'unumunu gweka.

Vitendo 14:23

Namomo mumaganisha uti avashipita, vashindavatandola vanang'olo; ling'oto lyakushwali na kunga vashindavavika vakwoda uti mmakono mwake Umu wavankulupidile.

Vitendo 15:4

Bai vanavo pavawikile pa Yelusalemu, liganisha, vamyombe pamo na vanang'olo vandívapwashalela landa kutwala vapaulu kuvavalangangila vinu vyatandile Nnungu na vanavo.

Vitendo 15:6

Bai vamyombe pamo na vanang'olo vandíkadyania pakulota valipundishe ing'ano ayo.

Vitendo 20:17

Napanelo po pa Miletu, Paulu andívashema vanang'olo valiganisha va ku Epeshu.

Valoma 13:7

Napavedoni, vape vanu uti ashilá shivavaikidíle: waukodi mupe ukodi, wanshango mupe nshango, ávaikidile kujaweka ajaweke na ávaikidile apate ishima, mupe ishima.

Vagalata 6:1

Mmanung'unumunu, munu akapatikana mukupujungula kwoekwoe, mwenu mmaimumu mùvele mwimumu yakulishapeya, nningule munu ajo mulishunga kwambangidya namwenu momo hamunatubigwe.

I Timoti 5:17

Avalá vanang'olo valangalaléla shana, vandivaikila vapate ishima ing'umene kupunda namene avalá vakóla madengo akuvalanganga lilove na kupundisha

I Timoti 5:2

vakongwe vaulinga kenga vajujumunu na vali kenga valumbumunu nkati muungave-ushapu uti.

Titu 2:2

Valume vaulinga vave vapole, vaishima, vading'ano na vangumi mulikulupilo, linagwaledyo pamo na lipililililo.

Titu 2:6

Mumo momo valaililile vanemba pakulota vave vading'ano

Tiyagu 3:17

Kanji napane limanyilo lyalakéla kuwa, lyanavo shitandi halive ushapu; ling'oto kuva lyamani, kulimaladya, kwigwilila, kuumbaligwanavo shididi na vyepo vyambone, líkamwapula munu na líkave shinankulaba.

Tiyagu 5:14

Pakati penu apali nnwele? Avasheme vanang'olo valiganisha pakulota vashwalye kwamwaa wake nae vampaka mauta palina limwe Umu.

I Patulu 5:1

Doni, nangu ninang'olomwenu na ninshuda wamauvilo amwe Klistu namomo wakuliinjidyanga mulishangelo lilóta kuunukuligwa, ninkuvalaililila vanang'olo vapagwíte pakati penu,

II Nshuwau 1:1

Kwanang'olo kuka kwankongwe wakutandalegwa pamo na vanavake, vo vandivanagwaledya kwaumwiu na i gweka nangu ndivanagwaledya kanji namomo uti avalá vamanyíte umwiu,

III Nshuwau 1:1

Kwanang'olo kuka kumwe wakunagwaleka Gayu, aijá waninnagwaledya kwaumwiu.

Maono 4:4

Yo nanyenje shiteng'u yo, vindípagwa viteng'u ishilini na nsheshe; muviteng'u mo kwikala vanang'olo ishilini na nsheshe vàgwalenge dinguvo dyanashwe, myuti vyave vàgwalenge madaka ashaabu.