I Timoti 4:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Kanji napane ita dinano díkave ishima na dyashinyakala ila lidyavalakedye shinamidyo shakunjopa Nnungu.

I Timoti 4:7 ပူးပေါင်းရင်းမြစ်များ

Vitendo 24:16

Ni ashi shingutádya nangu ngwengwe ngukukule pakulota nguvenavo makumbukililo ambone amuntima pamevo pa Nnungu na pavanu.

I Timoti 1:4

na ata havanaangaikangile dinano na mashauma avanyakala ákave mwisho atádya kupagwa mitau kuleka unashilangola walakéla kumwe Nnungu wámba likulupililo.

I Timoti 1:9

imanyika kenga lyanavo halivikike kwawaishaliya ila livikiké kwa avalá vaungave-lilamulo na vákaigwilila, vákave Nnungu na vakutega, vákamwishimu Nnungu na vadyeluelu, vavakanyalánga vatatavave pamo na vajujuvave, vakubyaa,

I Timoti 2:10

kanji kwa ashilá shivaikidíle kwavakongwe valivalangánga ishima kumwe Nnungu, matendo ambone.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

I Timoti 4:8

Mwaa kulidyavalakedya kwamili kunkuvanavo paida yake ila kunjopa Nnungu kunkuvanavo paida muuti kuvanavo kulivikila kwashingumi ashi na shída.

I Timoti 6:11

Kanji napane wako umunu wa Nnungu linyemye muvinu avyo. Vingilidya napane ishaliya, kunjopa Nnungu, likulupililo, linagwaledyo, lipililililo na upole.

I Timoti 6:20

Wako Timoti, shunga ashilá shaukulupilike. Lyapukaniange na shitangodi shíkave mana na mitau vyavashema kwakushang'apa kuva limanyilo.

I Timoti 6:3

Munu woewoe akapundisha mapundisho akuvilingananga na ákaitikananga na malove mangumi amwe Umu wetu Yesu Klistu na ata mapundisho aodánanavo kunjopa Nnungu,

I Timoti 6:5

na mitau víkave mwisho vyavanu vading'ano dyakutimbikanga vákave umwiu vona kenga kupata malupulupu ni kunjopa Nnungu.

II Timoti 2:16

Linyemye napane mushitangodi shíkave ishima na shíkave mana mwaa shosho sho, shinkuvatadya vanu vamamodye ungave Nnungu.

II Timoti 2:23

Napane ita mitau víkave mana na vyaujinga umanya doni, vyanavo vimalilikila muugombi.

II Timoti 3:12

Kwakutangola mwiu kula álota kunama shinamidyo shakunjopa Nnungu nkati mumwe Klistu Yesu, andapapatigwa.

II Timoti 3:5

vavanavo ding'ope dyakunjopa Nnungu kanji akuno vaita dimongo dyake. Vanu avo, aapukananganavo.

II Timoti 4:4

Vandashinjiulila matu ave kunji vaita umwiu na kushinjiukila kudinano.

Titu 1:14

valeka kwigwilila dinano dyashiyuda pamo na malamulo avanu valódya lukoi umwiu.

Titu 2:12

utupundisha kwita ungave Nnungu na malotelo ashimunumunu tuname shinamidyo shading'ano, shaishaliya na shakunjopa Nnungu muwakati au

Titu 3:9

Mitau napane víkave mana, linyemye pamo na lishauma lyavanyakala, ushaka na mitau kwamwaa walilamulo mwaa vinu avyo, havive mana na vyabule.

Vabalaniya 5:14

Kanji shakulya shakukama ni shavanu vakulumwíke, vanavo kwamwaa wakulidyavalakedya ngwengwe, vankuvanavo lyululilo lyakupambula wambone na wakunyata.