I Timoti 4:3 - Ibibiliya mu Shimakonde Imbodi Yaambi na dimbande dya Imbodi Yakala

³ Vanavo vankuleya kulomba na kukanyalidya kuleka vyakulya vyakandyenge Nnungu vipwashalalegwe kwalilambwalalelo kwavakukulupila na kwa avalá vamanyíte umwiu.

I Timoti 4:3 ပူးပေါင်းရင်းမြစ်များ

Mateu 14:19

Nae akavalamulila venentete vaikalange muukoka, akatwala magung'u mwanu alalá na dyomba mbili adilá, akalola kuwa kutwala kwalaliya. Akamajaniange magung'u alalá andívapa vakwoda vake, vakwoda vake vo, kuvajavila venentete.

Mateu 15:11

Shinu shintáa munu ushapu i ashilá shinjilíla pakanywa ila ni ashilá shúma pakanywa. Asho mwiu shinkuntaa munu ushapu.”

Mateu 15:36

akatwala magung'u saba alalá na dindemba adilá akannambwalela Nnungu, kumajanianga kuvapa vakwoda vake vanavo kutwala kuvajavila venentete.

Lukashi 24:30

Napanelo pavaikalenge kulya shakulya, nae andítwala ligung'u kwalaliya kumajanianga kutwala kuvapa.

Nshuwau 6:23

Napanelo dingalava dinji dyakwalalakela ku Tibeliyade dindívandika palyutu lyavavéle venentete na lyavalyaladíle magung'u ling'oto limwe Umu kunnambwalela Nnungu.

Vitendo 27:35

Ling'oto lyakutangola malove ala, andítwala ligung'u kunnambwalela Nnungu kumeja kutwala kulya.

Valoma 14:17

Mwaa utawala wa Nnungu haunava shinu shakulya kwali ugwalwa kanji ishaliya, amani na lipuwilo nkati mu Imumu Wanashwe.

Valoma 14:3

Aijá álya vinu uti hanamwiludyange aijá ákalya na aijá ákalya, hanamuukumu aijá álya mwaa Nnungu animpwashalela.

Valoma 14:6

Aijá ávalangilila liduva limo, avalangilila kumwe Umu. Aijá álya uti, alya kumwe Umu mwaa ankunnambwalela Nnungu na aijá ákalya, hanalya momo kwamwaa umwe Umu na ankunnambwalela Nnungu momo.

I Vakolintu 6:13

“Vyakulya kwashitumbo, shitumbo kwavyakulya,” napane vyovyo vyo, Nnungu andamalidya kwaunapamo. Mili haupagwite kwamwaa wakulavalava kanji kwamwaa umwe Umu na Umu kwamwaa wamili.

I Vakolintu 7:28

Kanji ukalomba, haunatega shinu. Namomo mwali ntete akalombwa, hanatega shinu momo. Kanji napane avalá valóta kulambana, vandapata matatisho amushilambo ila nangu, matatisho alo ngushilota mudivilile.

I Vakolintu 8:8

Doni, shakulya hashinatutadya shinu tutumbyangilike pamevo pake Nnungu; hatumamodya tukanalya na hatudyangangila tukalya.

Vakoloshu 2:16

Napavedoni hamunanneka munu woewoe amuukumu kwamwaa waing'ano yavyakulya na vyakukumbila kwali kwamaduva avikukulu vyadidini kwali kwakupuwangila kwakwaneka mwedi waambi kwali kwamwaa waliduva lyakupumula.

Vakoloshu 3:17

Uti vyamulota kutenda, ata ikava kwalilove kwali kwavitendo, tenda palina limwe Umu Yesu munnambwalela Nnungu Atata kwaindila yake.

I Timoti 2:4

jo álota vanu uti vaambolegwe na vakawikile mulimanyilo lyakumanya umwiu.

I Timoti 4:4

Mwaa kula shinu shakandyenge Nnungu shàmbone na hashipali shivaikidíle shiitigwe shikava kenga shindapwashalalegwa kwalilambwalalelo

I Timoti 5:14

Nadoni nangu ninkulota doni, vanamwili vali valombwe, vavenavo vanavave, vapange shana ding'ande dyave pakulota havanamupe litala mmongo lyakututangola kunyata.

Vabalaniya 13:4

Shitamo shindivaikila shishimike na vanu uti, aki yake itandeke kwaungave-udagwa mwaa Nnungu andavaukumu avalá vakulauka na vakulavalava.

Vabalaniya 13:9

Hamunaleke mutwaligwa mumapundisho oeoe ashijeni mwaa shambone mitima vyetu kunonowangika muumonyo i kwavyakulya víkavaalalidye avalá vaalíle.