I Timoti 3:2 - Ibibiliya mu Shimakonde Imbodi Yaambi na dimbande dya Imbodi Yakala

² Napavedoni inimmaikila nkúlaledya ave munu ákave makosha, nnume wankongwe jumo, munu mpole, wakulishunga, wakwishimika, wakukalibisha na wakuulula kupundisha

I Timoti 3:2 ပူးပေါင်းရင်းမြစ်များ

Lukashi 1:6

Bai vanu vavili ava uti vavele vaishaliya pamevo pake Nnungu. Vanavo vashindanama bila makosha mumalailililo uti na malamulo ake Umu.

Lukashi 2:36

Napanelo andípagwa nkúlava jumo nkongwe walina Ana mwanagwe Panuweli walikola lyavanaasheli. Nkongwe aju andíkangapala. Mushali shake andílombwa vyaka saba kutwala ntwagwe kupela

Valoma 12:13

Kwa avilá vivóva vakwilimyanga, shangila. Kuvapwashalela vajeni, lambela.

Vapilipo 2:15

pakulota dashi, muve mmanu múkave makosha na múkave ushapu, mmanavake Nnungu múkave malemba pakati paimbula yavanu vakukangadakanga na vakwashalanga, po pamulangala mwenu pakati pave kenga vyakulangala mushilambo

I Timoti 3:12

Madiyakonu kula munu ave nnume wankongwe jumo, vavalangalalela shana vanavave pamo na ding'ande dyave vo vene.

I Timoti 3:8

Nimumo momo madiyakonu indivavaikila vave vaishima i vadindimi mbili, vákaliinjidyanga namene muvinyu na ata vákuvikila liu lukwinyango,

I Timoti 4:3

Vanavo vankuleya kulomba na kukanyalidya kuleka vyakulya vyakandyenge Nnungu vipwashalalegwe kwalilambwalalelo kwavakukulupila na kwa avalá vamanyíte umwiu.

I Timoti 5:10

na ámanyike shana kwashimadengo shake shambone: ávaladile vana, ákalibishidye, ánavyenge medi madodo avakwilimyanga, ávapwashaladile vakuvauvanga na álijawile mushimadengo shambone shakula inamuna.

I Timoti 5:22

Haunapupange kummikila munu makono na ata haunaliinjidyange mushimadambi shavanu vanji; nanopa muungave-ushapu.

I Timoti 5:9

Hanaandikigwe namwili mulishauma lyavanamwili pakavenavo vyaka sitini vyaulinga, nkongwe wannume jumo

II Timoti 2:24

Ntumika umwe Umu hanave wamagombi kanji ave mpole kwavanu uti, wakuulula kupundisha, wakulipililila,

Titu 2:2

Valume vaulinga vave vapole, vaishima, vading'ano na vangumi mulikulupilo, linagwaledyo pamo na lipililililo.

Vabalaniya 13:2

Hamunaleke yakuvatanana vajeni mwaa kwakutenda davo vanji kwabila kumanya vandivatanana vanjelo.

Vabalaniya 3:14

mwaa wetu tuukilé ndaliinjidyanga nkati mumwe Klistu ikava kenga mwiu tundakamulila mpaka kumwisho likulupililo lyetu lyatupatile kunantandi.

I Patulu 4:7

Mwenu, mwisho wavinu uti undivandika. Nadoni lipange muding'ano dyenu, namomo ava mevo kwamwaa wakushwali kwenu.

I Patulu 4:9

Ava mmakukalibishania kwabila kutangadikanga.

I Patulu 5:8

Ava mevo na lilaledye: mmongo wenu mwenu Ndamoni ankudingukanga kenga ntumi akalamanga annambela wakwashi wakulota kummamane-uti.