I Timoti 3:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

I Timoti 3:16 ပူးပေါင်းရင်းမြစ်များ

Mateu 1:23

“Mwenu, mwali ntete anammaleka mwana nnume. Mwana ajo vananshema lina lya Emanuweli,” kwakuvalangangila mana ake, Nnungu ankupagwa namu wetu.

Mateu 13:11

Yesu akavajang'ula kushidoni, “Mwaa mwenu vanintadya mumanye vipii vyautawala wakuwa kanji vanavo mene.

Mateu 28:2

Mwe! Kwashingangala kuumilila shindangenda shakujowa, kuwa ko kwaloka njelo wake Umu kwida ndagang'ola lijanga kutwala kwikalila.

Mateu 3:16

Nadoni po papatile ubatisho, Yesu andyúma mmedi mo kutwala muwakati wowo, mwe! Pamevo pake kuwa kushimuka, nae kumwona Imumu wake Nnungu wakuva mwang'unda ashuluka kwida ndamwikala.

Mateu 4:11

Bai Ndamoni anínneka. Mwe! Vanjelo kwida nantumika.

Malukushi 1:13

koko ko kwikala maduva alubaini atubigwa namu Shatwani anama pamo na vanyama vakunundu kutwala vanjelo kutunduvanga kuntumikila.

Malukushi 16:19

Napanelo Umu Yesu akamalile kutangola namu vanavo, nae po kutanduligwa kuka kuwa ndaikala kunkanakono kwake Nnungu.

Malukushi 16:5

Vanavo vakainjila mushonga kutwala kumwona nnemba jumo àikele kunkanakono, àgwete ikanju yanashwe, vanavo kushushukanga doni.

Lukashi 2:32

lilangadyo lilóta kuvalangadya vamidi na lyakuvapa lishangelo venentete vako vanaishilaeli.”

Lukashi 20:44

Napanelo ikava kenga Daudi nae po anshema kuva Nang'olo wake, ilota kuva dashi kavili kuva mwanagwe?”

Lukashi 22:43

Popo po, andyúmilila njelo wakwalakela kuwa kwida nannonowanga.

Lukashi 24:4

Napanelo vanavo vàshangile shitendo asho, kwashingangala vandyúmilila vanu vavili vagwalenge dinguvo dyakumalameta.

Lukashi 24:51

Avaalaliya nae andívanyema kutanduligwa kuka kuwa.

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 13:3

na Yesu àmanyite kenga Tatamunu aninkamudya vinu uti mmakono mwake, namomo àalakadile kwa Nnungu na ankuujila kwa Nnungu,

Nshuwau 15:26

“Napanelo palota kwida aijá nkúpambadyanga wangulota kuntumidya kwaloka kumwe Atata, Imumu Waumwiu áalakela kumwe Atata, nae jo andaumya ushuda wangu nangu.

Nshuwau 16:28

Nangu ngwaleké kumwe Atata kutwala kwida mushilambo shapai, napane ninkuma mushilambo amu kuujila kumwe Atata.”

Nshuwau 17:5

Nadoni napanelo Atata ngupa lishangelo pamevo pako, lishangelo lyolyo lyanguvénavo pamo namu wako shilambo shikanava kukandyangigwa.

Nshuwau 20:12

kutwala kuvona vanjelo vavili vàgwete dinguvo dyanashwe, vàikalenge palyutu lyauvéle mili wake Yesu, jumo àikele kumuti, junji kumadodo.

Nshuwau 6:62

Ilota kuva dashi mukamwona Mwana Wamunu akwela auka kulyutu lyavéle patandi?

Vitendo 1:19

Shitendo asho vayelusalemu uti vandígwa; ni ashi shitadídye mwinangodi yave lyutu alyo vasheme Akelidama yani lyutu lyamyadi.

Vitendo 10:34

Patulu kutwala kutunduvanga kutangola aashidoni, “Napanelo mwiu ninkumanya kenga Nnungu hanampambula munu

Vitendo 14:27

Pavawikile, vandíshema liganisha kutwala kuvalanganga vyatandile Nnungu kwaindila yavanavo na mwavapalalele litala vamidi pakulota vavenavo likulupililo.

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Valoma 10:12

Mwaa hakupali kuvilingananga pakati pavayuda na vamidi pakuva Umu jojo ni Umu wavanu uti avaalaliya uti avalá vantambulánga nae

Valoma 10:18

Kanji nangu ninkudya, da vanavo havaigwite? Elo, vandigwa. “Lidi lyave lindiigwinika mushilambo uti na malove ave mpaka kumwisho shilambo.”

Valoma 16:25

Napane kwa aijá áulula kunnonowanga mwenu kwodananavo ntenga wambone wangu na kummalanganga kumwe Yesu Klistu kulingananavo kulilodya kwashipii she shilipiídye muwakati úkamalilika

Valoma 16:26

kanji napane, shindyunukuligwa na kwaindila yamaandiko akulava shindimanyika kwavenentete uti kwodananavo lilamulo lyake Nnungu ákamalilika pakulota kupagwe kwigwilila kwalikulupililo;

Valoma 3:4

Ata padyoko vela! Nneke Nnungu ave waumwiu ata ikava kenga kula munu ni wakushang'apa kenga indyandikigwa, “pakulota uvenavo ishaliya mumalove ako, na paukumu po, uteme.”

Valoma 8:3

Doni, ashilá shíkaulwile lilamulo kutandedya kwamwaa wakudabadabanga kwashimunumunu, Nnungu anditandedya pantumididye Mwanagwe kwaing'ope yashimunumunu yalidambi na kwaupande walidambi, nae andyukumu lidambi mushimunumunu

Valoma 9:5

Kwavanavo vanyakalamunu vàve na kwashimunu ni kwálakadile aijá Klistu, aijá ávele pashanya pavinu uti, Nnungu átumbyangilika ngwengwe! Ame.

I Vakolintu 15:47

Munu ntandi aalakadilé pai àvele ulongo; munu wambili nae aalakadilé kuwa.

I Vakolintu 2:7

Leka apo, tundátangola limanyilo lyake Nnungu lìpiike mushipii, lyo lyapanganienge wakati ukanava kwalishangelo lyetu wetu.

II Vakolintu 1:19

Mwaa Mwana wa Nnungu, Yesu Klistu ávalangangiligwe pakati penu kwaindila yetu, nangu, Shilivanu namu Timoti, haivele “Elo” namomo “Mene” kanji nkati mwake mo, ngwengwe muvelé “Elo.”

Vagalata 2:8

mwaa jo ákadile madengo kumwe Patulu aumyombe kwavayuda ni jojo ákadile kwangu nangu kwavamidi.

Vagalata 4:4

Napane paukile ndawikila popo wakati we uvikíke, Nnungu anintumidya mwanagwe ávalakwadidye munkongwe na ávalakwadidye mukutawaligwa na lilamulo

Vaepeshu 1:9

atadya tumanye shipii shamalotelo ake kwodananavo mwainagwaladile, mo mwalatalele mwene atende nkati mumwe Klistu

Vaepeshu 6:19

namomo mungujugwila nangu kwambangidya dashi ndikashimula ikanywa, ngupate malove pakulota ndivamanyiye vanu na ntima washinannume shipii shantenga wambone,

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

Vakoloshu 1:27

Kwavanavo, Nnungu andyamuwa avatadye vamanye ukumene shani wamali alishangelo lyashipii ashi pakati pavamidi; shipii asho ni Klistu nkati mwenu, lilindilililo lyalishangelo.

Vakoloshu 1:6

umwikidíle mwenu wo. Ntenga au, undauka mushu upa vyepo shilambo uti na unkukulumuka kenga mo mwaivalalele kwenu mwenu kutunduvangila muliduva lyamwigwite na kumanya umonyo wake Nnungu muumwiu

Vakoloshu 2:2

pakulota doni, mitima vyave vinanawangike vàungene mulinagwaledyo kwambangidya vapate mali uti auwakika uti aalakéla mulimanyilo kwambangidya dashi, vamanye shipii shimwe Nnungu, jo Klistu aju.

II Vateshalonika 1:10

paida muliduva alyo ndapata lishangelo muvakwilimyanga vake na avashangania pakati pa avalá vankulupidíle pamo na mwenu mwaa mundikulupila ushuda wetu.

II Vateshalonika 2:7

Mwaa shipii shaungave-lilamulo tayali shinkukola madengo ila apali ándingadinga ambi apa mpaka nae vamushe.

I Timoti 3:9

vakamulíla shipii shalikulupililo kwamakumbukililo amuntima ákave ushapu.

Vabalaniya 1:3

Nae ni kung'ala kwalishangelo lyake Nnungu na ni ing'ope iu yamavalelo ake akamulila vinu uti kwaindila yalilove lyake lyadimongo; ling'oto lyakukandyanga shakuushaniangidya ushapu kwamadambi, nae andiikala kushanya kunkanakono kumwe aijá Wakujowa walishangelo

Vabalaniya 12:2

tunnola Yesu mwene nkútunduvanga na nkúwisha popo walikulupililo lyetu. Nae kwamwaa walipuwilo livikígwe mushu mwake, andilipililila panshalaba ailudyanga dyoni na andiikala kunkanakono pashiteng'u shake Nnungu.

Vabalaniya 7:7

Mwenu, kwabila kwambambidya ndyoko ni áalaligwa na nang'olo.

Vabalaniya 8:1

Mwenu, shikumene shatwambangila mwaa apa ni ashi, tunkuvanavo nkúlangalalela-shadaka nkumene kenga aju jo áikele kunkanakono washiteng'u shimwe aijá Wakujowa walishangelo, kuwa

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.

I Patulu 1:20

Ata ikava kenga mwamanyikidile kaladavo shilambo shikanava kukandyangigwa, andililodya muwakati au wamwisho kwamwaa wenu mwenu;

I Patulu 1:21

kwaindila yake nae mwenu munkunkulupila Nnungu ándyuwidye pakati pavakupela kutwala kumupa lishangelo; nadoni likulupililo alyo na lilindilililo lyenu linkupagwa nkati mu Nnungu.

I Patulu 3:18

Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu. Nae kwashimunu vanimpedya kanji vanindyuwa kwa Imumu

I Patulu 3:22

ákwadile kuwa kwikala kunkanakono kwake Nnungu kutwala kuvavika vanjelo mwina mwake, madalaka pamo na dimongo uti.

I Nshuwau 1:2

ata jo shingumi andililodya, wetu tundimwona, tundyumya ushuda kwamwaa wake na wetu tunimmalangangila mwenu aijá shingumi shíkamalilika e apagwíte kumwe Atata kutwala kulilodya kwetu wetu.

I Nshuwau 3:5

Mwenu mundimanya kenga nae andída pakulota aushaniange madambi na nkati mwake nae halipali lidambi.

I Nshuwau 3:8

Aijá ánatenda shimadambi umwe Ndamoni mwaa Ndamoni ni wakutega ngwengwe tangu kunantandi. Ni asho shaidilidile Mwanagwe Nnungu pakulota abamalangile-uti vitendo vimwe Ndamoni.

Maono 17:5

Pashenye pake vandyandika lina lyashipii, “Babiloni nkumene; jujumunu wamalaja na wavyakudabukanga vyamushilambo shapai.”

Maono 17:7

Bai njelo aningwaulila kushidoni, “Mwaa shani unkushanga? Nangu ndakwaulila shipii shankongwe aju na shalidimu wankwadile ávenavo myuti saba na dimembe kumi jo.

Maono 7:9

Napanelo vikapite vinu avyo ndílola, mwe! Ndyóna dimbumba díkaululika kuvalangika; adyo dyakwalakela kula shilambo, makola uti, venentete na dinangodi vàimilenge mushu shiteng'u na mwa Ngandolo vàgwalenge dikanju dyanashwe, mmakono mwave vànyakatenge malala.