I Timoti 2:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Napavedoni ninkulota kula lyutu valume uti vashwalye vànyanywile mikono vyakwilimyanga bila shitundi na bila kutaukananga.

I Timoti 2:8 ပူးပေါင်းရင်းမြစ်များ

Mateu 21:21

Yesu kushidoni, “Ninkumwaulila mwiu doni, mukavanavo likulupililo na mukanaambambidya, mundatenda i gweka vitandéke munnandi au. Ata lishinga ali apa mukalamulila doni, ‘Bubuka apa uke ukalijele mwimanga,’ vindatandakela momo.

Mateu 5:44

Napane nangu jo ninkumwaulila doni, vanagwaledye vamongo venu na vashwalidye avalá vampapáta

Mateu 6:12

Makosha etu, tulivaliva kenga mo mwatuvalivalivila wetu vatutagela.

Lukashi 23:34

Kanji Yesu kushidoni, “Atata, valivalive mwaa havanamanya shinu shavatenda.” Bai vanavo vandíjalanga gudugudu kwambangidya vajavanange dinguvo dyake.

Lukashi 24:50

Kutwala apo andívaukanavo ku Betaniya kutwala kuvanyaladyedya makono kuvaalaliya.

Nshuwau 4:21

Yesu kushidoni, “Ajala ngukulupila, unkwida wakati wamulota kulipudya kwa Tatamunu i palishinga ali na ata ku Yelusalemu.

Vitendo 10:2

Munu aju pamo na vanu uti vapaing'ande yake vandyálala mitima na vashindanjopa Nnungu; nae ashindavapa lipwashalelo lyoe vamashikini na ashindashwali ngwengwe kwa Nnungu.

Vitendo 10:31

kutwala kushidoni, ‘Koluneli, kushwali kwako ngwengwe Nnungu ankwigwa na lipwashalelo lyako lyaunaumya uvapa vamashikini hanalivaliva shinu.

Vitendo 10:4

Koluneli anínnola ndoo, anjopa kutwala kushidoni, “Da nyamani nang'olo?” Njelo kushidoni, “Kushwali kwako na lipwashalelo lyaunaumya uvapa vamashikini Nnungu inkunnagwela na hanalivaliva shinu.

Vitendo 21:5

Nkaja amo tukaikalange maduva etu alo, wetu tundyúma kulodya kwatushuka. Kutwala vakwoda na vadyavavo pamo na vanavavo kutupalakela kumalila likaja mpaka ndawika nanyenje imanga; koko ko, tundíguguvalanga kutwala kushwali.

Vitendo 7:60

Bai andíguguvala kutwala kukuta pashanya po, aashidoni, “Umu haunavaukumu mwaa walidambi ali.” Patangwele malove ala, nae kujaa shingumi.

I Vakolintu 1:2

Kwaliganisha lyake Nnungu lipágwa ako ku Kolintu, kwa avalá vatandagwídye kuva vakwilimyanga nkati mumwe Klistu Yesu na vashamagwídye vave vakwilimyanga pamo namu avalá mudisemu uti vatambulánga lina limwe Umu wetu Yesu Klistu, Umu wave na wetu.

I Vakolintu 7:7

Ishinangunagwela doni uti vave kenga mwanguvalalele nangu kanji kula munu ankuvanavo shajo shake jo mwene shaalakéla kwa Nnungu; junji shainamuna inji na junji shainamuna inji.

II Vakolintu 2:14

Napanelo lilambwalalelo lipagwe kwa Nnungu átulangalalela wetu ngwengwe mumandamano akutema nkati mumwe Klistu na áandadya momo mo kwaindila yetu wetu lyumba lyakunung'angila lyakummanya nae mumautu uti.

Vapilipo 1:12

Ngulota mmanung'unumunu mumanye doni avilá vingutandéke, kwakutangola mwiu vyanavo vindipwashela kwandadya ntenga wambone

I Vateshalonika 1:8

Mwaa kutunduvangila kwenu mwenu lilove limwe Umu lindilipuka ku Makedoniya namu ku Akaya i gweka avi kanji likulupililo lyenu kumwe Nnungu lindyandavala mudisemu uti. Nadoni hashipali shakuvalanganga

I Timoti 5:14

Nadoni nangu ninkulota doni, vanamwili vali valombwe, vavenavo vanavave, vapange shana ding'ande dyave pakulota havanamupe litala mmongo lyakututangola kunyata.

Titu 3:8

Lilove ali, lyakukulupilika na kwavinu avi ninkulota doni, wako wigwiniye shana kwambangidya dashi, avalá vankulupíla Nnungu vaangaikangile kupagwa muvitendo vyambone. Vinu avi vyamana na vinkuvanavo paida kwavanu.

Vabalaniya 10:22

Naivedoni, tuke tummandike Nnungu na ntima waumwiu mukwakikisha kwiu kwalikulupililo mùvenavo mitima vyukíle ndanyunyangiligwa pakulota kutadya atakate makumbukililo akunyata amuntima na mili vyukíle ndaingigwa kwamedi ákave ushapu.

Tiyagu 4:8

mmandike Nnungu, nanae momo anammandika! Tadya makono enu atakate mwenu mmakutega, mwemwe múvenavo makumbukililo auju kuvili, ushanianga ushapu mmitima vyenu.

I Patulu 3:7

Namomo mwenu mmatwamunu ava mmanu mmalimanyilo nkati mukunama na vadyavenu na vatanane kwaishima kenga shinu shíkanama mwaa ni vakupata-maleko pamo namu mwenu muumonyo washingumi kwambangidya kushwali kwenu ko, hakunadiviligwe.