I Timoti 2:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Mwaa ankupagwa Nnungu jumo na kupagwa nkúdumangila jumo pakati pamwe Nnungu na vanu: munu jo Klistu Yesu

I Timoti 2:5 ပူးပေါင်းရင်းမြစ်များ

Mateu 1:1

Ali ni lishauma lyamaimyo lyavanakuluvake Yesu Klistu ndukulugwe Daudi na jojo ndukulugwe Abulaamu.

Mateu 1:23

“Mwenu, mwali ntete anammaleka mwana nnume. Mwana ajo vananshema lina lya Emanuweli,” kwakuvalangangila mana ake, Nnungu ankupagwa namu wetu.

Lukashi 14:22

Ntumika kuja kumwaulila nang'olo wake kushidoni, ‘Nangu vyaungutumile vyo, nditandedya kanji mautu andiijalila.’

Nshuwau 1:14

Jo Lilove jo andyúka ndava mili kutwala kunama namu wetu. Wetu tundyona lishangelo lyake, lishangelo lyakuva Mwana jumo jojo wakwalakela kwa Tatamunu, lyolyo lyumbéle umonyo na umwiu.

Nshuwau 17:3

Shingumi shíkamalilika sho ni ashi, vakumanye wako kuva Nnungu wiu úvele jumo jojo na vammanye aijá wauntumididye, Yesu Klistu.

Vitendo 4:12

Hakunapagwa shinu kwambolegwa kwaindila yamunu junji mwaa mushilambo shapai, halipali lina linji lyajawile Nnungu kuvapa vanu kulota livaambole.”

Valoma 1:3

umwámba mwanagwe, jojo jo, kwakwodananavo shimunu ávalakwadidye muudukulu umwe Daudi

Valoma 10:12

Mwaa hakupali kuvilingananga pakati pavayuda na vamidi pakuva Umu jojo ni Umu wavanu uti avaalaliya uti avalá vantambulánga nae

I Vakolintu 8:4

Napavedoni kwaing'ano yavyakulya vyavavaumidya vannungu vakushang'apa, tundimanya kenga “nnungu wakushang'apa mushilambo amu hapali,” na “hapali nnungu pakava jumo tu bai.”

I Vakolintu 8:6

kanji kwetu wetu ankupagwa Nnungu jumo, Tatamunu kwavyalakela vinu uti na kwaupande wake tunkunama, na Umu jumo Yesu Klistu kwavipagwa vinu uti kwaindila yake na kwaindila yake nae, wetu tunkunama.

Vagalata 3:20

Napane nkúdumangila hanava wamunu jumo kanji Nnungu avelé jumo.

Vaepeshu 4:6

Nnungu jumo na Tatamunu wauti, jo ápagwa pashanya pauti, ápagwa mumautu uti na ápagwa nkati muuti.

I Timoti 6:13

Ninkukulamulila pamevo pa Nnungu jo áing'a shingumi vinu uti na pamevo pamwe Klistu Yesu áumidye ushuda wambone pamevo pamwe Ponji Pilatu,

Vabalaniya 12:24

mundiwika kumwe Yesu nkúdumangila waimbodi yaambi na myadi vyake vyamyajangidile, vitangóla shana kuliko myadi vimwe Abeli.

Vabalaniya 7:25

Napavedoni nae ankuulula kuvaambole-uti avalá vammandíka Nnungu kwaindila yake pakuva jojo jo, ankunama ngwengwe pakulota kuvajungwangila vanavo.

Vabalaniya 8:6

Kanji napane ambi apa utumika wapatile Yesu wo, ni wambone kuliko wavanavo, nadoni kenga mo, imbodi intadídye nae ave nkúdumangila waimbodi yamana kupunda yakala, yoyo yo inkunanapela muvyakulivikila vyamana.

Vabalaniya 9:15

Napavedoni, nae ni nkúdumangila waimbodi yaambi kwa avalá vashamégwa namu Nnungu pakulota vapate akulá kulivikila, yani maleko ákamalilika kwoda kupela kwake kundivaambola mumakosha avatandile mwimbodi itandi.

I Nshuwau 2:1

Mmanavangu, ninkumwandikila vinu avi kwambangidya hamunatege. Kanji aijá átega, tunkuvanavo wakutushililidya kumwe Atata, Yesu Klistu, Waishaliya.

Maono 1:13

na pakati paditaa adyo, andípagwa munu ávele kenga Mwana Wamunu àgwete ikanju íshiwika mpaka mmadodo na àlyungile nkanda washaabu pashuva pake.