I Timoti 1:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Malotelo napane amalailililo etu ni linagwaledyo lyúma muntima úkave ushapu, makumbukililo ambone amuntima na likulupililo líkave shinankulaba.

I Timoti 1:5 ပူးပေါင်းရင်းမြစ်များ

Mateu 12:35

Munu wakwalala ntima, mulipeta lyake lyambone aumya vinu vyambone. Munu wakunyata ntima, mulipeta lyake lyakunyata aumya vinu vyakunyata.

Mateu 5:8

Vandyalaligwa avalá vavénavo mitima víkave ushapu, mwaa Nnungu, vanavo vandamwona.

Vitendo 15:9

Wetu namu vanavo Nnungu hatupambulanienge; nae andyushanianga ushapu mitima vyave kwaindila yalikulupililo.

Vitendo 23:1

Napanelo Paulu andívalola ndoo vanu uti vapagwíte panguguvale po kutwala kushidoni, “Mmanung'unumunu, mpaka nelo nangu ninkunama pamevo pake Nnungu mumakumbukililo ambone amuntima.”

Vitendo 24:16

Ni ashi shingutádya nangu ngwengwe ngukukule pakulota nguvenavo makumbukililo ambone amuntima pamevo pa Nnungu na pavanu.

Valoma 10:4

Doni, mwisho walilamulo ni Klistu kwambangidya ipagwe ishaliya kwa aijá uti ákulupila.

Valoma 12:9

Linagwaledyo live líkave shinankulaba. Vangedya ashilá shakunyata na kamulila ashilá shambone.

Valoma 14:15

Mwenu, ikava kenga unantaa shinyadinyadi nung'unumunu kwamwaa wa ashilá sháulya, bai shinamidyo shako hashinalangalalegwa shinu na linagwaledyo. Kwamwaa washakulya shako, haunambamole nung'unumunu wampalalele Klistu.

Valoma 9:1

Ninkutangola mwiu nkati mumwe Klistu hangunashang'apa shinu, makumbukililo angu amuntima aumya ushuda kwangu nangu nkati mu Imumu Wanashwe

I Vakolintu 13:1

Ndikatangola shitangodi shavanu na shavanjelo kanji ndikanavanavo linagwaledyo, ninkuva shitali shúma kwali shombo shinyakónya.

II Vakolintu 1:12

Kulitamanga kwetu ni aku, makumbukililo etu amuntima ankumya ushuda kenga mwatunamila mushilambo amu na kupunda namene kwenu mwenu kuvelé kwakulishapeya na ushalowa walóka kumwe Nnungu i kwalimanyilo lyashimunumunu kanji kwaumonyo wake Nnungu.

Vagalata 5:22

Kanji napane mapuno a Imumu ni linagwaledyo, lipuwilo, amani, kupililila, kutanana, wambone, kukulupilika,

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

I Timoti 1:18

Lilailililo ali ninkukukamudya mwanangu Timoti kwodananavo malavilo atangaléke kwamwaa wako kwambangidya dashi, kwaindila yaanavo utende ing'ondo yo yambone

I Timoti 1:19

ukamulila likulupililo na makumbukililo ambone amuntima alalá ávaitile vanji, nadoni kwalikulupililo lyave vandititimila mmedi.

I Timoti 3:9

vakamulíla shipii shalikulupililo kwamakumbukililo amuntima ákave ushapu.

II Timoti 1:3

Ninkunnambwalela Nnungu wanintumika kenga mwavantumikidile vanyakala vangu kwamakumbukililo ákave ushapu amuntima pandikukumbukila ngwengwe wako mukushwali kwangu shilo na mui.

II Timoti 1:5

Ninkukumbukila likulupililo lyako liu lyo lye lipagwíte shitandi kwanakuluvo Loide na kwanyoko Eunike na ambi apa ninkuvanavo wakika kenga linkupagwa nkati mwako.

II Timoti 2:22

Tukuta ditamaa uti dyashinemba, vingilidya ishaliya, likulupililo, linagwaledyo na amani pamo na avalá vantambulánga Umu na ntima úkave ushapu.

Titu 1:15

Kwa avalá vákave udagwa, uti havive udagwa kanji kwa avalá vadagwa na vákakulupila, hashipali shíkave udagwa; ata ding'anong'ano dyave kwali makumbukililo ave amuntima, uti andyambukishigwa.

Vabalaniya 10:22

Naivedoni, tuke tummandike Nnungu na ntima waumwiu mukwakikisha kwiu kwalikulupililo mùvenavo mitima vyukíle ndanyunyangiligwa pakulota kutadya atakate makumbukililo akunyata amuntima na mili vyukíle ndaingigwa kwamedi ákave ushapu.

Vabalaniya 13:18

Tushwalidya wetu, tunkwakikisha kenga tundivanavo makumbukililo ambone amuntima tulota tulilangalalele mwishima nkati muvinu uti.

Vabalaniya 9:14

kushi napane myadi vimwe Klistu áukile ndalijaula jo mwene kwaindila ya Imumu ákamalilika pakave makosha kwaupande wa Nnungu, hayululika kutuushanianga vitendo vyakupela mmakumbukililo etu amuntima kwambangidya tuntumike Nnungu mumi?

Tiyagu 4:8

mmandike Nnungu, nanae momo anammandika! Tadya makono enu atakate mwenu mmakutega, mwemwe múvenavo makumbukililo auju kuvili, ushanianga ushapu mmitima vyenu.

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.

I Patulu 3:16

Kanji tenda vinu avi kwaupole na kwaishima mushunga makumbukililo ambone amuntima kwambangidya dashi, avalá vantangóla mwenu kunyata kwamwaa washinamidyo shenu shambone shamupagwa nkati mumwe Klistu, vanavo vavenavo dyoni kwakuliula kwave.

I Patulu 3:21

Nadoni ashi ni shimanyikilo shaubatisho umwambóla mwenu ambi apa, wanavo haunaushanianga shinu ushapu washimunu ila ni kulijugwangila kwamakumbukililo ambone amuntima pamevo pake Nnungu kwaindila yakudyuka kwake Yesu Klistu

I Patulu 4:8

Kupunda apo likanyalidye kuka mushu munagwaladyania mwaa linagwaledyo linkwinikidya madambi akwinjipa.

II Patulu 1:7

mukunjopa Nnungu nkati mukunagwaladyania shinung'unumunu na mukunagwaladyania shinung'unumunu, mulinagwaledyo.

I Nshuwau 3:10

Amu ni mwavaliladyedya vanavake Nnungu na vanavake Ndamoni: woewoe ákatandedya vyaishaliya hanava shinu wake Nnungu na ata aijá ákannagwaledya nung'unumunu, momo.

I Nshuwau 3:23

Napanelo lilamulo lyake ni ali: tukulupile lina lya Yesu Klistu Mwana wa Nnungu na tunagwaladyanie kenga mwatulamulilila nae.

I Nshuwau 3:3

Kula munu ánanapela lilindilililo lyake nkati mwake nae, ankulyushanianga jo mwene ushapu kulingana kenga mo mwavalele nae ákave ushapu.