I Timoti 1:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ na ata havanaangaikangile dinano na mashauma avanyakala ákave mwisho atádya kupagwa mitau kuleka unashilangola walakéla kumwe Nnungu wámba likulupililo.

I Timoti 1:4 ပူးပေါင်းရင်းမြစ်များ

II Vakolintu 1:12

Kulitamanga kwetu ni aku, makumbukililo etu amuntima ankumya ushuda kenga mwatunamila mushilambo amu na kupunda namene kwenu mwenu kuvelé kwakulishapeya na ushalowa walóka kumwe Nnungu i kwalimanyilo lyashimunumunu kanji kwaumonyo wake Nnungu.

Vaepeshu 3:2

doni, kwaumwiu mwenu mundigwa itangaleka ing'ano yaunashilangola waumonyo wake Nnungu uvikígwe nkati mwangu nangu,

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

I Timoti 4:7

Kanji napane ita dinano díkave ishima na dyashinyakala ila lidyavalakedye shinamidyo shakunjopa Nnungu.

I Timoti 6:11

Kanji napane wako umunu wa Nnungu linyemye muvinu avyo. Vingilidya napane ishaliya, kunjopa Nnungu, likulupililo, linagwaledyo, lipililililo na upole.

I Timoti 6:20

Wako Timoti, shunga ashilá shaukulupilike. Lyapukaniange na shitangodi shíkave mana na mitau vyavashema kwakushang'apa kuva limanyilo.

II Timoti 2:14

Vakumbuwange vanu vinu avi umya ushuda pamevo pake Nnungu pakulota havanataukanange kwamalove mwaa haipali paida ila vabamalegwa avalá vaigwilíla.

II Timoti 2:22

Tukuta ditamaa uti dyashinemba, vingilidya ishaliya, likulupililo, linagwaledyo na amani pamo na avalá vantambulánga Umu na ntima úkave ushapu.

II Timoti 2:23

Napane ita mitau víkave mana na vyaujinga umanya doni, vyanavo vimalilikila muugombi.

II Timoti 4:4

Vandashinjiulila matu ave kunji vaita umwiu na kushinjiukila kudinano.

Titu 1:1

Paulu, ntumwa umwe Nnungu na myombe umwe Yesu Klistu kwaupande walikulupililo lyavakutandalegwa na kwakumanya umwiu kulingananavo kunjopa Nnungu,

Titu 1:14

valeka kwigwilila dinano dyashiyuda pamo na malamulo avanu valódya lukoi umwiu.

Titu 3:9

Mitau napane víkave mana, linyemye pamo na lishauma lyavanyakala, ushaka na mitau kwamwaa walilamulo mwaa vinu avyo, havive mana na vyabule.

Vabalaniya 13:9

Hamunaleke mutwaligwa mumapundisho oeoe ashijeni mwaa shambone mitima vyetu kunonowangika muumonyo i kwavyakulya víkavaalalidye avalá vaalíle.

II Patulu 1:16

Kwamwiu, patummalangangidile dimongo na kwida kumwe Umu wetu Yesu Klistu, hatwodile mikong'o vyavapanganienge shana kanji wewe tuvene ni tuvashuda túgwene ukumene wake.