I Timoti 1:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Kanji shitádya ngwanangiligwe shididi ni ashi: kwambangidya dashi, nkati mwangu nangu ninkútega wakumamodya, Klistu Yesu alilodye upole wake uti kenga mpano kwa avalá valóta kunkulupila kwashingumi shíkamalilika.

I Timoti 1:16 ပူးပေါင်းရင်းမြစ်များ

Lukashi 15:10

Kulandana na shitendo asho ninkumwaulila doni, kwavanjelo vake Nnungu lindapagwa lipuwilo lyoe namene mwaa wankútega jumo álijugulanga madambi ake.”

Lukashi 23:43

Yesu kushidoni, “Ngwigwa, wako jo nelo aju mwiu undapagwa namu nangu kulyutu lyalipuwilo.”

Lukashi 7:47

Nadoni ninkukwaulila ngala doni, madambi ake avéle oe, andilivalivika; ni ashi shalodya linagwaledyo likumene. Kanji kwaupande wako wako, nangu nikwaulila doni, munu ánalodya linagwaledyo lidikidiki, Nnungu annivaliva padyoko madambi ake.”

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Nshuwau 6:37

Kula munu wangupa Atata andaida kwangu na aijá áida kwangu nangu, mwiko haninkumulanga.

Nshuwau 6:40

Mwaa malotelo amwe Atata ni ala, kula munu ámwona Mwana na kunkulupila apate shingumi shíkamalilika na nangu nandyuwa muliduva lyamwisho.”

Nshuwau 6:54

Aijá álota kumamena mili wangu na kukumbila myadi vyangu ankuvanavo shingumi shíkamalilika. Nangu munu ajo, nandyuwa muliduva lyamwisho.

Vitendo 13:39

kwaindila yake nae kula munu ákulupila, ankuvalangiligwa ishaliya.

Valoma 15:4

Mwenu, uti avilá vyandikígwe kunantandi, vindyandikigwa pakulota vitupundishe kwambangidya dashi kwaindila yakulipililila na yakupambadyangigwa kwamaandiko tuvenavo lilindilililo.

Valoma 6:23

Mwaa nshala walidambi ni kupela kanji inudyo ya Nnungu ni shingumi shíkamalilika nkati mumwe Klistu Yesu Umu wetu.

I Vakolintu 7:25

Napane kwaing'ano ya avalá vákanava kulombwa hanguvenavo lilamulo limwe Umu ila ninkumya maoni angu kenga nimunu kwamwaa wakungulodya Umu shididi shake kuva wakukulupilika.

II Vakolintu 4:1

Napavedoni, pakuva tunkuvanavo utumika au watupatile kwashididi shake, havinatudidima mitima.

Vaepeshu 1:12

pakulota tupagwe kwakutumbyangilika kwalishangelo lyake, wetu tuvatandi túnkulupidile Klistu.

Vaepeshu 1:6

kwakutumbyangilika kwalishangelo lyaumonyo wake watutanene nkati mumwe Wakunagwaleka.

Vaepeshu 2:7

kwambangidya muwakati wída, nae alodye umbala wamali aumonyo wake mulitananilo lyake kwetu wetu nkati mumwe Klistu Yesu.

II Vateshalonika 1:10

paida muliduva alyo ndapata lishangelo muvakwilimyanga vake na avashangania pakati pa avalá vankulupidíle pamo na mwenu mwaa mundikulupila ushuda wetu.

I Timoti 1:13

nene ngwe nguvéle nkúkupulu, nkúpapata na njauli. Kanji ndipata kwanangiligwa shididi mwaa ngùvele mukutikinanga, nangu ngushindatenda muungakulupila wangu.

Vabalaniya 7:25

Napavedoni nae ankuulula kuvaambole-uti avalá vammandíka Nnungu kwaindila yake pakuva jojo jo, ankunama ngwengwe pakulota kuvajungwangila vanavo.

I Patulu 3:20

dyo díkashiigwilila muwakati wakala Nnungu pashilindila kwaupole mumaduva amwe Noe paishikandyangigwa ingalava. Mwanavo ni vanu padyoko tu vapukíle mmedi, vanu avo vavele nane.

II Patulu 3:15

Mmakumbukililo enu muvalangilila doni, upole umwe Umu wetu unkwidanavo kwambola. Namomo nung'unumunu wakunagwaleka Paulu animwandikila mwenu vyovyo kwodanavo limanyilo lyapatile,

II Patulu 3:9

Umu hanatimatimanga shinu kutandedya kulivikila kwake kenga mwavaanela vanji kutima. Leka apo, nae mpole kwenu mwenu pakalota ata munu jumo kujaika kanji uti vakawikile mukulijugulanga madambi ave.