I Patulu 5:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Mpinge, nanopa nkati mulikulupililo lyenu mumanya doni, vanung'unumunumwenu mushilambo amu uti vankupata inamuna yamauvilo lolo.

I Patulu 5:9 ပူးပေါင်းရင်းမြစ်များ

Lukashi 22:32

Kanji nangu ndikujugwila kwambangidya likulupililo lyako halinajaike. Napanelo wako paunguujila po, vanonowange vanung'unumunu.”

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Vitendo 14:22

Mumakaja alo, vanavo vashindapita vavanonowanga vakwoda vavapa ntima pakulota vauke mushu mulikulupililo na vavamanyiya doni, “Indivaikila tupite mumauvilo oe kwambangidya twinjile muutawala wa Nnungu.”

I Vakolintu 10:13

Hapali malingo amuvauvanga mwenu pakava akawaida mushinamidyo shavanu. Nnungu ni wakukulupilika, nae hanneka mwenu mutubigwa kupunda shilinga shenu kanji pamo na kutubigwa, nae andamupa mwenu mwashi mwakushumbila pakulota muulule kulipililila.

Vaepeshu 4:27

na hamunamupe Ndamoni litala.

Vaepeshu 6:16

Kwavinu avyo uti, mùnyukete shikopa shalikulupililo; shanavo mundaulula kudima myumba vyamoto vimwe aijá nkalau.

Vakoloshu 2:5

mwaa ata ikava kenga hangupali ako kwamili kanji kwaimumu ninkupagwa namu mwenu ngupuwanga kwakulipanga kwenu na kunanopa kwalikulupililo lyenu kumwe Klistu.

I Vateshalonika 3:3

kwambangidya hanapagwe wakujagajega kwamwaa wamauvilo ala. Mwemwe mmene mundimanya shana kenga vanditupangila kwaing'ano ai.

I Timoti 6:12

Tenda ing'ondo yambone yalikulupililo. Kamulila shingumi shíkamalilika ashilá shavakushamalele sho shaulyawile pamevo pamashuda oe.

II Timoti 3:12

Kwakutangola mwiu kula álota kunama shinamidyo shakunjopa Nnungu nkati mumwe Klistu Yesu, andapapatigwa.

II Timoti 4:7

Nditenda ing'ondo yambone, ndimalila mashindano, ndishunga likulupililo.

Vabalaniya 11:33

kwaindila yalikulupililo vanavo vandíteka vilambo vyavaumu, vandítandedya ishaliya, vandípata kulivikila, vandyúnga dikanywa dyavantumi,

Vabalaniya 12:8

Ikava kenga mwenu hamunapata shinu shaushanga na shaushanga ashi vankuliinjidyanga vana uti, bai mwenu hamunava shinu mmanavake ila mmana mmakukanigwa.

Tiyagu 4:7

Napavedoni mwishimu Nnungu. Mwite Ndamoni nae po, anantukuta;

I Patulu 1:6

Kwashitendo ashi mwenu puwanga namene, ata ikava kenga muwakati padyoko ambi apa, ata ikaululika shindatenda shinkodya shipalodi shadinamuna uti dyamalingo

I Patulu 2:21

Ashi ni shavanshamalele mwenu; mwaa Klistu momo andyuvauvanga adiva lyutu lyenu annakela mpano kwambangidya mwenu mwodedye mwalivete nae.

I Patulu 3:14

Kanji ikava kenga mundauvauvanga kwamwaa waishaliya, mwenu po mundaalaligwa. “Hamunavajope vanavo; namomo hamunashushukange.”

I Patulu 4:13

Kanji puwangila shipimo shamauvilo shamuliinjidyanga pamo namu Klistu kwambangidya palilota kuunukuligwa lishangelo lyake, namwenu momo mulitamange na mupuwange.

Maono 1:9

Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.

Maono 6:11

Bai vandívapa kula munu ikanju yanashwe na kuvaulila valindile kavili padyoko mpaka itimile ishabu yavatumikamwagwe na yavanung'unumunu valóta kubyaigwa kenga momo mwavabyaigwididye vanavo.

Maono 7:14

Nangu kushidoni, “Nang'olo, wako ni úmanyite.” Nae doni, “Ava ni avalá vaalakadíle mmauvilo akujowa, vashapénge dikanju dyave mumyadi vya Ngandolo kutwala kuva dyanashwe.