I Patulu 3:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Namomo mwenu mmatwamunu ava mmanu mmalimanyilo nkati mukunama na vadyavenu na vatanane kwaishima kenga shinu shíkanama mwaa ni vakupata-maleko pamo namu mwenu muumonyo washingumi kwambangidya kushwali kwenu ko, hakunadiviligwe.

I Patulu 3:7 ပူးပေါင်းရင်းမြစ်များ

Mateu 18:19

Namomo ninkumwaulila doni, vanu vavili pakati penu vakaigwania mushilambo amu kwashinu shoeshoe shakujugwa, Atata ávele kuwa andavapa.

I Vakolintu 7:3

Nnume inimmaikila atandedye avilá vilotéka nkati mukulombana kwankongwe ndyagwe, nanae nkongwe momo atandedye yadavo kwannume ntwagwe.

Vaepeshu 3:6

Shipii shene ni ashi: kwaindila yantenga wambone, vamidi ni vakupatamwagwe maleko, vaimbande yamumili umo na vanyagwe mukupagwa pamo muvyakulivikila nkati mumwe Klistu Yesu.

Vaepeshu 4:30

Hamunantae shipalodi Imumu Wanashwe wa Nnungu, jo wavannamatididye mwenu mpaka muliduva lyakwambola.

Vaepeshu 5:33

Kanji napane namwenu kula munu annagwaledye ndyagwe kenga mo mwalinagwaladyedya jo mwene na ndyamunu amwishimu ntwagwe.

Vaepeshu 6:18

Kwakula inamuna yakushwali na kujugwa, shwali kula wakati mu Imumu. Kwadoni, ava mevo mulipililila uti mushwali muvajugwila vakwilimyanga uti

Vakoloshu 3:19

Mmatwamunu, vanagwaledye vadyavenu na hamunavavikile ukalau.

I Vateshalonika 4:4

kula munu amanye kushunga mili wake mukwilimyanga na ishima

Titu 3:7

kwambangidya dashi, wetu tùvalangiligwe ishaliya kwaumonyo wake, tuve tuvakupata-maleko kwodananavo lilindilililo lyashingumi shíkamalilika.

Vabalaniya 1:14

Da vanjelo uti havanava shinu dimumu ditumíka na ditumígwa pakulota divatumike avalá valóta kupata maleko akwambolegwa?

I Patulu 3:1

Nimumo momo mwenu mmadyamunu livike mwina mwavatavenu kwambangidya ata ikava kenga vanji havanakulupila shinu lilove lyake Nnungu, vapatikanange kwabila malove kwamwaa washinamidyo shenu mwenu mmadyavave;