I Patulu 2:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Mwaa mumaandiko munkutangaleka, “Mwenu, ninkuvika lijanga ku Shiyau, lijanga lyapalitununa, lyakutandalegwa na lyamana; aijá ákulupila lyanavo, mwiko hatutala.”

I Patulu 2:6 ပူးပေါင်းရင်းမြစ်များ

Mateu 12:18

“Nnole ntumika wangu wanintandwele, nae ni wakunagwaleka wangulitamangila muungumi wangu. Nammika Imumu wangu, na nae andavalanganga kwavamidi ishaliya yangu.

Malukushi 12:10

Da mwenu hamushamidye Maandiko ala, “ ‘Vakudenga lijanga lyavaitile lyo, lindyuka ndava lijanga lyapalitununa.

Lukashi 20:17

Kanji Yesu andívalola ndoo! Kutwala kushidoni, “Da shavaandikidile doni ni nyamani, ‘Lijanga lyavaitile vakudenga, lyolyo lyo lindyuka ndava lijanga shii lyakudangela’?

Lukashi 23:35

Venentete vandíimilanga pepi valola na vakutawala vashinantanila vaashidoni, “Andivaposha vanji ambi apa aliposhe mwene ikava kenga nae ni Klistu wake Nnungu na Wakutandalegwa.”

Nshuwau 7:38

Aijá ángukulupila nangu, munu ajo Maandiko ankummalanganga doni, ‘Muntima mwake dindapandukanga dyundi dyamedi ashingumi.’ ”

Vitendo 1:16

“Mmanung'unumunu, Maandiko atangwele kala Imumu Wanashwe kwaindila imwe Daudi andivaikila awikile popo; Maandiko lo amwamba Yudashi, nannimya wakulangalalela shipinga shinkamwíle Yesu

Valoma 10:11

Kenga mwatangalela Maandiko, “Aijá ánkulupila nae, hatutala.”

Vaepeshu 1:4

kenga mo mwatutandaladile nkati mwake tangu kala shilambo shikanava kukandyangigwa pakulota tuve vakwilimyanga na túkave makosha pamevo pake. Nae anditutandola mulinagwaledyo

Vaepeshu 2:20

Mundidangegwa pashanya vamyombe na vakulava, lijanga likumene lyashitunduvangilo kuva Klistu.

II Timoti 3:16

Maandiko uti andipumuliligwa namu Nnungu na ankupai kupundishidya, kushashulangila, kulingulila na kupundishidya mwishaliya

I Patulu 2:4

Ngwengwe pamummandike nae lijanga lingumi lyavaitile vanu kanji litandalagwídye na livénavo mana pamevo pake Nnungu,

I Patulu 2:8

Namomo, “Lijanga lyakulikuvala, lyo livatádya vaagwe.” Vanavo ni vovo valikuvala mwaa havanaigwilila shinu alilá lilove kwoda nimomo mwavavapangidile tangu kala.

II Patulu 1:20

Kupunda namene manya doni, hapali malove apagwíte nkati mumaandiko avalangangidile munu abuni jo mwene;

II Patulu 3:16

nae andyandika dibalugwa dyake uti kwainamuna imo yoyo, nkati mo avalanganga myaa vyoyo. Mudibalugwa dyake vinkupagwa vinu vikamadyánga kwigwa shana, vinu avyo vanu vajinga na vákananwepe, vankutindinganianga kenga mwavatindinganiangidya mudisemu dinji dyamaandiko pakulota kulibamola vo vene.