I Patulu 2:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

I Patulu 2:5 ပူးပေါင်းရင်းမြစ်များ

Valoma 12:1

Napavedoni mmanung'unumunu, ninkunnaililila kwashididi shake Nnungu lyumye mili vyenu kumwe Nnungu kenga shadaka shingumi, shakwilimyanga na shinnagwéla Nnungu; aku ni kulipudya kwenu kwaimumu.

Valoma 15:16

wakuva nintumika umwe Yesu Klistu kwavamidi mukutumika ntenga wambone wa Nnungu muunashilangola wakupalakedya shadaka kwambangidya vamidi vatandegwe kuva shadaka shinnagwéla Nnungu, shadaka shitandégwe kuva shakwilimyanga kwa Imumu Wanashwe.

I Vakolintu 3:16

Da hamunamanya shinu kenga mwenu ni ing'ande yake Nnungu na Imumu wake Nnungu ankunama nkati mwenu?

I Vakolintu 3:9

Mwaa wetu ni vamadengomwagwe Nnungu, mwenu po lyala lyake Nnungu na ing'ande yake Nnungu.

I Vakolintu 6:19

Kwali, da hamunamanya shinu kenga mili vyenu mwenu ni ing'ande yake Imumu Wanashwe ánama nkati mwenu wamumpatile mwenu kumwe Nnungu? Mwenu hamunava shinu mwemwe mmene

II Vakolintu 6:16

Da lipagwité lyunganilo shani pakati paing'ande ya Nnungu na vannungu vakushang'apa? Mwaa wetu ni ing'ande ya Nnungu mumi. Kenga mwatangalela Nnungu, “Ndatenga lyutu kwavanavo ndawena pakati pave, nangu ndava Nnungu wave, vanavo vandava venentete vangu.”

Vagalata 6:10

Napanelo po patuvenavo litala lyakutandela wambone, tutandedye kwavanu uti kanji kupunda namene avalá vamwing'ande yalikulupililo.

Vapilipo 1:11

mùumbaligwidye shepo shaishaliya shaalóka kwaindila imwe Yesu Klistu kwalishangelo na kwakutumbyangilika kumwe Nnungu.

Vapilipo 2:17

Ata ikava kenga vankungumimina pashanya shadaka na mukutumika muukulangalalela-shadaka kwalikulupililo lyenu, ninkupuwanga na ninkupuwanga pamo namu mwenu.

Vapilipo 4:18

Nangu ndivanavo uti na ndyumbala. Ndilinganana pangupatile kumwe Epapoloditu avilá vyaléke kwenu; avyo ni kunung'angila kwambone, shadaka shakukubalika shinnagwéla Nnungu.

Vakoloshu 3:17

Uti vyamulota kutenda, ata ikava kwalilove kwali kwavitendo, tenda palina limwe Umu Yesu munnambwalela Nnungu Atata kwaindila yake.

I Timoti 3:15

ila nikakakova umanye mwashi mwakunamila munu nng'ande mwa Nnungu lìvele liganisha lya Nnungu mumi, libodo na shitunduvangilo shaumwiu.

Vabalaniya 3:6

kanji Klistu andikulupilika kenga mwana ávenavo madalaka amwing'ande uti ya Nnungu. Napane ing'ande yene yo, ni wetu ikava kenga tundashunga kwadimongo kukulupila kwetu na alilá lilindilililo lyatulitumbyangidya.

I Patulu 2:9

Kanji napane mwenu ni likola litandalagwídye, unashilangola washiumu wakupalakedya shadaka, venentete vakwilimyanga, venentete vake jo mwene kwambangidya muvalangange ukumene wake aijá ánshamile mushii muke kulilangadyo lyake lyamakango.

I Patulu 4:11

Napane átangola jo, atangole malove a Nnungu na átumika jo, atumike kwadimongo dyaloka kumwe Nnungu kwambangidya nkati muvinu uti, Nnungu apate lishangelo kwaindila imwe Yesu Klistu ávaikidile apate lishangelo na lyululilo ngwengwe ngwengwe. Ame.

I Patulu 4:17

Mwaa wakati waukumu utunduvangíla mwing'ande yake Nnungu undiwika tayali; napane ikava kenga shitandi namu wetu, ulota kuva dashi mwisho wa avalá vákaigwilidile ntenga wambone wa Nnungu?

Maono 1:6

jojo jo kutwala kututenda kuva utawala, vakulangalalela-shadaka kwa Nnungu wake, jo Tatamunu. Kwake nae lipagwe lishangelo na lyululilo ngwengwe ngwengwe! Ame.

Maono 20:6

Wakwalaligwa na wakwilimyanga ni aijá álota kupagwa mukudyuka kutandi! Kupela kwambili hakuve madalaka kwavanavo; vovo vo vandava vakulangalalela-shadaka vamwe Nnungu na vamwe Klistu, vandatawala namu nae vyaka alupu imo.

Maono 3:12

“ ‘Nkútema nantenda kuva libodo lyaing'ande ya Nnungu wangu na mwiko hauma kavili. Ndamwandika lina lya Nnungu wangu na lina lyanjini wa Nnungu wangu yani Yelusalemu yaambi yalakéla kuwa kwa Nnungu wangu; namomo ndamwandika lina lyangu lyaambi.

Maono 5:10

Undivatenda kuva utawala na vakulangalalela-shadaka kwa Nnungu wetu; vanavo vandalangalalela mushilambo.”