I Patulu 2:2 - Ibibiliya mu Shimakonde Imbodi Yaambi na dimbande dya Imbodi Yakala

² Kenga mmanunu, avanavo mweshe wamavele aimumu akaanganikéne na shinu shoeshoe pakulota kwaindila yaanavo, mwenu mukulumuke kwakwambolegwa

I Patulu 2:2 ပူးပေါင်းရင်းမြစ်များ

Mateu 18:3

kutwala kushidoni, “Ninkumwaulila mwiu doni, mwenu mukanaujiyanga mitima vyenu kulitenda kenga mmadyoko mmadikidiki, mwiko hamwinjila muutawala wakuwa.

Mateu 19:14

Yesu kushidoni, “Valeke vadyoko vaide kwangu, hamunavaleye! Utawala wakuwa wavanu kenga ava.”

Malukushi 10:15

Ninkumwaulila mwiu doni, aijá ákapwashalela utawala wa Nnungu kenga ndyoko, ajo mwiko hainjila shinu muutawala awo.”

Lukashi 18:17

Ninkumwaulila mwiu doni, munu ákapwashalela utawala wa Nnungu kenga ndyoko, hainjila mwiko muutawala awo.”

Valoma 6:4

Napavedoni wetu tundishikigwa pamo namu nae kwaindila yaubatisho utuukanavo kukupela kwambangidya kenga mo mwavandyuwididye Klistu pakati pavakupela kwaindila yalishangelo lya Tatamunu, nawetu momo tuname mushingumi shaambi.

I Vakolintu 14:20

Mmanung'unumunu, hamunave mmana mmadikidiki mumakumbukililo enu. Ava mmana mmadikidiki muvyakunyata kanji mumakumbukililo, ava mmanang'olo.

Vaepeshu 2:21

Nkati mwake, ing'ande uti pavanaunganianga indákulumuka ndava lyutu lya Nnungu lyakwilimyanga nkati mumwe Umu.

Vaepeshu 4:15

Napane patukamulila umwiu nkati mulinagwaledyo, indituvaikila tukulumuke tùpagwite mwake nae muvinu uti, aijá ávele muti, jo Klistu aju.

II Vateshalonika 1:3

Indituvaikila tunnambwalele Nnungu ngwengwe mmanung'unumunu kwamwaa wenu pakuva ni shaliya mwaa likulupililo lyenu linkukulumuka namene na linagwaledyo lyakula munu pakati penu kwavanji, linkwanjadyeka

I Patulu 1:23

Mwaa mwenu mundivalekwa kavili waambi i kwaimbeju ipéla kanji kwaimbeju íkapela kwaindila yalilove lyake Nnungu, lingumi na lipágwa ngwengwe.

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.