I Patulu 2:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Nama kenga mmanu múvele muunaiti ila hamunatumile kuliinikidya unaiti awo pakulota kutenda vinu vyakunyata; nama kenga mmatumika vake Nnungu.

I Patulu 2:16 ပူးပေါင်းရင်းမြစ်များ

Mateu 23:13

“Napanelo mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mushalangila maalati utawala wakuwa kwavanu! Mwenu mmene hamunainjila shinu na vainjíla avalá, munkuvaleya.

Nshuwau 15:22

Leka ndikaidile ndatangola na vanavo, vakanavenavo madambi. Napane ambi apa, madambi ave hampali mwakwinikidyangidya.

Valoma 6:18

Mwenu mwàmbwalagwidye avi mulidambi, munditandegwa mmatumwa vaishaliya.

Valoma 6:22

Kanji napane mwenu múukile ndaombolegwa mulidambi na kutandegwa mmatumwa vake Nnungu, vyepo vyamupata vyo vinkumuukanavo kukwilimyanga na kumwisho kwake ko, shingumi shíkamalilika.

I Vakolintu 7:22

Doni, aijá áshamegwa namu Umu àvele ntumwa, nae wamuunaiti umwe Umu. Nimumo momo aijá áshamagwidye àvele muunaiti, nae ntumwa umwe Klistu.

Vagalata 5:1

Ivele mupagwe muunaiti shitadídye Klistu amwambole; napavedoni linatele, hamunatawaligwe kavili na likangoti lyautumwa.

Vagalata 5:13

Mmanung'unumunu, ivele mupagwe muunaiti shitadídye mushamegwe kanji napane unaiti awo haunave nkanidyo wakulota kutandedya malotelo enu ashimunumunu ila inimmaikila mutumikane shivenevene kwaindila yalinagwaledyo.

Vaepeshu 6:6

i mwaneke pakulota ivanagwele vanu kanji kenga vatumwa vamwe Klistu mutenda malotelo a Nnungu mmitima vyenu

Vakoloshu 3:24

mumanya doni, mundapata alalá maleko kumwe Umu kenga dinudyo dyenu. Ni Umu Klistu wamuntumika;

I Vateshalonika 2:5

Mwaa kenga mo mwamumanyilile shana, wetu hatwidile na lilove lyakuutila na ata kwaishabaa yakululuka, Nnungu ni nshuda wetu,

Tiyagu 1:25

Kanji napane álaledya shana lilamulo lyashalowa-uti líidanavo unaiti, jo ánanopa na ákalivaliva ashilá shaigwite ila atandedya, ajo andaalaligwa kwa ashilá shatenda.

Tiyagu 2:12

Tangola kenga na tandedya kenga mmanu múlota kuukumigwa kwalilamulo lyaunaiti;

II Patulu 2:19

Vanavo vankulivikila kuvapa unaiti kumbe vo vene vo, ni vatumwa vaudagwa. Mwaa ashilá shintamíle munu, nae ni ntumwa washinu asho.

Yudashi 1:4

Mwaa vanu vanji vandiliinjidyanga shipiipii, vanavo ukumu yave indipangigwa tangu nakala, vanu vákave Nnungu vatindinganiánga umonyo wa Nnungu wetu pakulota shive shinu shakulaukila na vankumwita Nang'olo wetu jumo, jo Umu wetu, Yesu Klistu.