I Patulu 2:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Nadoni jaa kushu ko vyakunyata uti: ushwang'a uti, shinankulaba, ing'ou na malove uti akwabola.

I Patulu 2:1 ပူးပေါင်းရင်းမြစ်များ

Mateu 15:7

Mmanu mmamalambi mwe, Ishaiya animmalanganga shana patédoni,

Mateu 23:28

Ni kenga mwenu panda apa vanu vankumwona kuva mmanu mmaishaliya napane nkati mo, shindimuumbala shinankulaba na ungave-lilamulo.

Mateu 24:51

Nae anannumulanianga kutwala shingumi shake ndaanganianga na shavamalambi. Kushinu ako kundapagwa shililo na kutuka shulu nkanywa.

Mateu 7:5

Umunu washinankulaba davo gwe! Shitandi likangolo lishingéme muliu mwako mo, usha. Apo undalola shana kutwala kusha shikoko asho muliu lyanung'unumunu.

Malukushi 12:15

Nae amanya avi shinankulaba shave, andívajang'ula kushidoni, “Mwaa shani munkungulinga? Ngupa yela imo ngulole!”

Lukashi 11:44

Mupambale mwenu! Mwenu múvele kenga vyonga vigwalalidíle vanu kupita valuvatanga pashanya pavakamanya shipagwíte mulyutu alyo.”

Lukashi 12:1

Napanelo pavishitandeka vinu avyo, vanu makumi manga vandyúmbalanila mpaka kutadya kuluvatananga kutwala Yesu kuvashiliukila vakwoda vake kuvaulila kushidoni, “Lilaledye! Hamunapakalange nkukumuku wamapalishayo yani shinankulaba.

Lukashi 6:42

Ùmwaulila dashi nung'unumunu, ‘Shate nikushe shikoko shivéle muliu mwako,’ wako likangolo livéle muliu mwako, ùkaulula kwona? Umunu wamalambi davo gwe! Shitandi usha likangolo livéle muliu mwako kutwala apo undalola shana pakulota ushe shikoko shivéle muliu lyanung'unumunu.

Nshuwau 1:47

Yesu kumwona Nataniyele amwidila kutwala kushidoni, “Mwenu! Aju ni mwishilaeli mmwiu ákave malambi.”

Valoma 1:29

Vandyumbaligwa ungave-shaliya uti; ushapu, lung'unuku na ukalau. Vaumbaligwidyé ing'ou, kubyaa, ing'ondo, kushang'apa na kung'wenya;

I Vakolintu 14:20

Mmanung'unumunu, hamunave mmana mmadikidiki mumakumbukililo enu. Ava mmana mmadikidiki muvyakunyata kanji mumakumbukililo, ava mmanang'olo.

I Vakolintu 5:8

Nadoni tukukulule shikukulu kanji i kwankukumuku wakala, nkukumuku wavyakunyata na vyaukalau kanji kwamagung'u avakataile nkukumuku, magung'u ashalowa na aumwiu.

II Vakolintu 12:20

Mwaa ninkujopa doni pangwida ako, nankodya mwenu i mwangulatela nangu, namomo nangu munangukodya i mwamulatela mwenu. Ninkujopa kupagwa pakati penu ding'ondo, ing'ou, shishimwashimwa, umongo, kunyambiyanga, kung'wenya, kulyona na upuju.

Vaepeshu 4:31

Shijaujau, kushimwa, shitundi, kunyonya na kwabola; vinu avi uti pakati penu havinapagwe pamo na wakunyata uti.

I Vateshalonika 2:3

Doni, kujugwangila kwetu hakunaalakela shinu mukushang'apa kwali muushapu kwali muujanja

I Timoti 3:11

Nimumo momo vadyavave indivavaikila vave vaishima, vákang'wenya, vapole na vakukulupilika muuti.

Titu 2:3

Nimumo momo vakongwe vaulinga vavenavo shinamidyo shoodánanavo kunjopa Nnungu i vaushaka na ata vapagwa muutumwa waugwalwa kanji vave vakupundisha wambone

Vabalaniya 12:1

Napavedoni, pakuva nawetu momo inditutang'anedya imbumba ing'umene yamashuda ava, indituvaikila tulyulange uti vitudingadínga na lidambi litudingíla pakulota tutukute kwakulipililila kwamwaa wa alalá mashindano avikígwe mushu mwetu

Tiyagu 1:21

Napavedoni, jaa kushu ko ushapu uti na mavalelo akunyata alinatéla na pwashalela lilove lipandígwe nkati mwenu kwabila makukulu, lyolyo livénavo dimongo lyakwambola ungumi wenu.

Tiyagu 3:14

Kanji ikava kenga mmitima myenu munkuvanavo ing'ou yakujowa na malotelo augweka, hanapagwe wakulitamanga na ata hamunalishang'apile umwiu.

Tiyagu 4:11

Mmanung'unumunu, hamunatangalane kunyata. Aijá ántangola kunyata nung'unumunu kwali ámuukumu nung'unumunu, ankutangola kunyata lilamulo na ankuukumu. Wako paukumu lilamulo po, haunatandedya shinu ila unkulivika kuva unkúukumu.

Tiyagu 4:5

Kwali munkwona kenga Maandiko àtangaleke monyo patédoni, Imumu wantadidye nae apagwe nkati mwetu ankuvanavo mweshe waliloko?

Tiyagu 5:9

Mmanung'unumunu, hamunakashalyane kwambangidya hamunaukumigwe. Mwenu, Nkúukumu jo avelé pannango.

I Patulu 2:16

Nama kenga mmanu múvele muunaiti ila hamunatumile kuliinikidya unaiti awo pakulota kutenda vinu vyakunyata; nama kenga mmatumika vake Nnungu.

I Patulu 2:22

“Nae hatandile shimadambi shoeshoe na ata ushwang'a haumile nkanywa mwake.”

I Patulu 3:10

Mwaa “Aijá álota kunagwaledya shingumi na kunama maduva ambone, ashunge lulimi lwake kwavyakunyata, dindomo dyake hadinashang'ape;

I Patulu 4:2

Nadoni wakati ubakidíle kwenu mwenu kunama mushilambo amu, hamunaname kavili kwakutandedya malotelo ashimunumunu ila tandedya malotelo ake Nnungu

I Patulu 4:4

Vanavo ambi apa vankwona kuva shinu shanshelu mwenu pamukaungana na vanavo nkati mushinamidyo shaupuju; ni ashi shitádya vamwabalange.

Maono 14:5

Nkanywa mwave, hamushuma kushang'apa; vavele vanu vákave makosha.