I Patulu 1:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Ata ikava kenga mwenu hamungwene ila munkunnagwaledya; ata ikava kenga ambi apa hamunamwona shinu, munkunkulupila na munkupuwanga kwalipuwilo líkaululika kuvalanganga na lyumbéle lishangelo

I Patulu 1:8 ပူးပေါင်းရင်းမြစ်များ

Mateu 10:37

“Aijá ánnagwaledya namene tatake kwali anyoke kuliko mwangunagwaladyedya nangu, ajo kwangu nangu havaikidile. Namomo aijá ánnagwaledya namene mwanagwe nnume kwali nkongwe kuliko mwangunagwaladyedya nangu, ajo momo kwangu nangu, havaikidile.

Nshuwau 14:15

“Mukangunagwaledya, malamulo angu mundaigwilila

Nshuwau 14:21

Munu ávenavo malamulo angu na áigwilila, ajo ni ángunagwaledya. Jo ángunagwaledya nangu jo, Atata anannagwaledya na nangu nannagwaledya kutwala kulilodya kwake.”

Nshuwau 14:24

Aijá ákangunagwaledya, malove angu hanaigwilila. Mwenu! Malove amwigwite, hanava shinu angu; amwe Atata ángutumididye.

Nshuwau 16:22

Doni, mwenu ambi apa munkuvanavo shipalodi kanji nangu ndamwona kavili na mitima vyenu vindapuwanga, lipuwilo alyo hapali wakumpoka.

Nshuwau 20:29

Yesu kutwala kumwaulila doni, “Ukulupila mwaa wakungwona? Vaalaligwe avalá vákagwene kanji vandikulupila.”

Nshuwau 8:42

Yesu kuvaulila doni, “Nnungu leka àvele tatagwenu mukaningunagwaledya nangu mwaa nangu ngwaleké kwa Nnungu na ndida kwamwaa wake. Hangwidile kwakubuni nimwene, nae ni ángutumididye.

Vitendo 16:34

Akabatishwe, andívatwalinneu vapaulu kuvaukanavo kwing'ande kwake ndavapa shakulya. Bai nae andípuwanga namene pamo na vapaing'ande pake uti mwaa wakunkulupila Nnungu.

Valoma 14:17

Mwaa utawala wa Nnungu haunava shinu shakulya kwali ugwalwa kanji ishaliya, amani na lipuwilo nkati mu Imumu Wanashwe.

Valoma 15:13

Napane Nnungu walilindilililo amuumbadye lipuwilo uti pamo na amani nkati mukukulupila pakulota kwaindila yadimongo dya Imumu Wanashwe, muumbaligwe na lilindilililo.

I Vakolintu 16:22

Ikava kenga munu hanannagwaledya shinu Umu Yesu Klistu, apate dilana! Umu wetu, ida!

II Vakolintu 1:22

ni jojo átutaile namakong'o na kutuvika Imumu wake mmitima vyetu kenga shinu shakwimididya.

II Vakolintu 12:4

nae andítanduligwa mpaka kulyutu lyalipuwilo kutwala kwigwa malove apúnda shitangodi na alaéka munu kuvalanganga.

II Vakolintu 4:18

akuno tulola vinu i vyanéka kanji víkaaneka. Mwaa vyanéka, vyakupita kanji víkaaneka ni víkamalilika.

II Vakolintu 5:7

Mwaa tunkunama kwalikulupililo i kwakwona.

II Vakolintu 9:15

Lilambwalalelo lipagwe kumwe Nnungu kwamwaa wainudyo yake íkaulukika kutadolya.

Vagalata 5:22

Kanji napane mapuno a Imumu ni linagwaledyo, lipuwilo, amani, kupililila, kutanana, wambone, kukulupilika,

Vagalata 5:6

Mwaa nkati mumwe Klistu Yesu, kukumuligwa likumbi kwali mene, hakuve mana ila livé na mana ni likulupililo lililódya mulinagwaledyo.

Vaepeshu 3:19

mumanye linagwaledyo limwe Klistu lipúnda limanyilo kwambangidya mwenu muumbaligwe na umbala wake Nnungu.

Vaepeshu 6:24

Umonyo upagwe na avalá uti vannagwalédya Umu wetu Yesu Klistu kwalinagwaledyo líkave mwisho.

Vapilipo 1:25

Napanelo panguukile ndashambegwa na ashi, ndimanya doni ndapagwa na ndauka mushu namu mwenu uti kwamwaa wakukulumuka kwenu na lipuwilo lyenu nkati mulikulupililo

Vapilipo 3:3

Mwaa wetu ni likumbi shii túlipudya kwa Imumu umwe Nnungu túlitumbyangidya nkati mumwe Klistu Yesu na túkakulupila vyamumili,

Vapilipo 4:4

Puwanga ngwengwe nkati mumwe Umu. Ninkuujila kavili nguushidoni, puwanga!

Vabalaniya 11:1

Mwenu, likulupililo ni kuvanavo wakikisho wavinu vilindililígwa, kukubali avilá víkaaneka.

Vabalaniya 11:27

Kwalikulupililo andyúma mushilambo sha ku Mishili kwabila kujopa shitundi shimwe umu mwaa andínanopa kenga ángwene aijá ákaaneka.

I Patulu 1:6

Kwashitendo ashi mwenu puwanga namene, ata ikava kenga muwakati padyoko ambi apa, ata ikaululika shindatenda shinkodya shipalodi shadinamuna uti dyamalingo

I Patulu 2:7

Napavedoni kwenu mwenu múkulupila po, linkuvanavo mana; kanji kwa avalá vákakulupila, “Vakudenga, lijanga lyavaitile lyo, lindyuka ndava lijanga lyapalitununa.”

I Patulu 5:4

Doni, palota kulilodya Nkúshunga nang'olo, mwenu mundapata lidaka lyalishangelo líkadingala.