I Nshuwau 5:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Kula ávalakwadidye kwaindila ya Nnungu anatema shilambo na aku ni kutema kwantamile shilambo, likulupililo lyetu.

I Nshuwau 5:4 ပူးပေါင်းရင်းမြစ်များ

Nshuwau 1:13

Vanavo, vana va Nnungu i kwaindila yaudukulu ata i kwashimunu kwali kwamalotelo antwamunu ila kwamalotelo ake jo mwene Nnungu.

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Nshuwau 3:3

Yesu akanjang'ula kushidoni, “Ninkukwaulila mwiu mwiu, munu akanavalekwa kwakuwa haulula shinu kwona utawala wa Nnungu.”

I Vakolintu 15:57

Kanji lilambwalalelo lipagwe kwa Nnungu átwing'a kutema kwaindila imwe Umu wetu Yesu Klistu.

I Nshuwau 2:29

Kwoda mwenu mundimanya kenga nae ni waishaliya namomo manya doni uti vanatandedya vyaishaliya vandivalekwa kwaindila yake.

I Nshuwau 3:9

Kula ávalakwadidye kwaindila ya Nnungu hanatenda shimadambi mwaa ankuvanavo mavalelo ake Nnungu nkati mwake; haulula kutenda shimadambi mwaa andivalekwa kwaindila ya Nnungu.

I Nshuwau 4:4

Mmanavangu, mwenu apa mmàke Nnungu nadoni mundivatema avalá vakulava vakushang'apa mwaa aijá ápagwite nkati mwenu ni nkumene kumpunda aijá ápagwite mushilambo amu.

I Nshuwau 5:1

Kula ákulupila Yesu yakuva Klistu, ajo andivalekwa kwaindila ya Nnungu na kula ánnagwaledya nkúvaleka, namomo anánnagwaledya aijá wammaleke nkúvaleka ajo.

I Nshuwau 5:18

Tundimanya kenga uti aijá ávalakwadidye kwaindila ya Nnungu hanatega ila ávalakwadidye mu Nnungu ananshunga na aijá nkalau, hamwavalela.

I Nshuwau 5:5

Da nyani átema shilambo? Ni gweka aijá ákulupila kenga Yesu ni Mwana wa Nnungu.

Maono 12:11

Vanavo vanintema kwamwaa wamyadi vya Ngandolo na kwalilove lyaushuda wave mwaa vanavo havanagwaladídye shingumi shave pakulota vanapele.

Maono 15:2

Nindyóna shinu mwaimanga yashilolo yanganikéne na moto, popo po vàimilenge avalá ve vantamíle lidimu, lishanamu lyake na inamba yalina lyake. Mmakono mwave vàkamulidile dikanyembe dyake Nnungu

Maono 2:11

“ ‘Ávenavo matu, aigwe vyatangola Imumu na maganisha. Nkútema, mwiko hashintandeka shinu mukupela kwambili.’ ”

Maono 2:17

“ ‘Ávenavo matu, aigwe vyatangola Imumu na maganisha. Nkútema ndamupa alye manaa apiíke na ndamupa lijanga lyanashwe lyavandike lina lyaambi, lina alyo hapali ámanyite ila jo mwene ápwashalela.’ ”

Maono 2:26

“ ‘Nkútema na átandedya uti mwangulatela nangu mpaka kumwisho ndamupa madalaka akuvatawalila venentete:

Maono 2:7

“ ‘Ávenavo matu, aigwe vyatangola Imumu na maganisha. Nkútema, andapata aki yakulya shepo shannandi washingumi uvéle kwa Nnungu lyutu lyalipuwilo.’ ”

Maono 3:12

“ ‘Nkútema nantenda kuva libodo lyaing'ande ya Nnungu wangu na mwiko hauma kavili. Ndamwandika lina lya Nnungu wangu na lina lyanjini wa Nnungu wangu yani Yelusalemu yaambi yalakéla kuwa kwa Nnungu wangu; namomo ndamwandika lina lyangu lyaambi.

Maono 3:21

“Nkútema ndamupa aki yakwikala namu nangu pashiteng'u pangu kenga nangu momo nditema na ndiikala namu Atata pashiteng'u pake.

Maono 3:5

“ ‘Mumo momo nkútema vanangwadya inguvo yanashwe. Mwiko hanimputa lina lyake mulibuku lyashingumi ila nammalanganga pamevo pamwe Atata na pavanjelo vake.