I Nshuwau 5:18 - Ibibiliya mu Shimakonde Imbodi Yaambi na dimbande dya Imbodi Yakala

¹⁸ Tundimanya kenga uti aijá ávalakwadidye kwaindila ya Nnungu hanatega ila ávalakwadidye mu Nnungu ananshunga na aijá nkalau, hamwavalela.

I Nshuwau 5:18 ပူးပေါင်းရင်းမြစ်များ

Mateu 5:37

Mwenu mukashidoni, ‘Elo’ ive mwiu elo, mukashidoni ‘Mene’ ive mwiu mene. Shinji shakupunda apo, shinkwalakela kumwe aijá nkalau.

Mateu 6:13

Haunatuukenavo kukutubigwa kanji tuposha kumakono kumwe nkalau.’

Nshuwau 1:13

Vanavo, vana va Nnungu i kwaindila yaudukulu ata i kwashimunu kwali kwamalotelo antwamunu ila kwamalotelo ake jo mwene Nnungu.

Nshuwau 14:30

Hangutangola shinu kavili vinu vyoe namu mwenu mwaa nkútawala washilambo ashi ankwida. Nae kwangu nangu hatenda shinu

Nshuwau 15:4

Pagwa nkati mwangu na nangu ngupagwe nkati mwenu. Mo mwalukapela lutavi vyepo lwolwene kwabila kupagwa munnandi, namwenu ni momo mukanapagwa nkati mwangu.

Nshuwau 15:7

Mwenu mukapagwa nkati mwangu, malove angu kupagwa nkati mwenu, shoeshoe shamulota, jugwa na vinantandakela momo.

Nshuwau 15:9

“Mo mwangunagwaladyedya Atata nangu ninkunnagwaledya mwenu; pagwa mulinagwaledyo lyangu.

Vitendo 11:23

Balinaba akawike kwanavo akone umonyo wa Nnungu pakati pave andípuwanga namene na ashindavanonowanga vanu uti pakulota vavenavo ntima wakukulupilika na kuvalaililila havanamwambukange Umu

Tiyagu 1:18

Kwamalotelo ake jo mwene, nae andituvaleka kwaindila yalilove lyake lyaumwiu kwambangidya tuve kenga vyepo vitandi muviumbe vyake.

Tiyagu 1:27

Idini yaungave-ushapu na yaungave-udagwa pamevo pake Nnungu Atata ni ai: kuvalola vananshiva na vanamwili nkati mumashida avo, namomo kulishunga gwegwe umwene pakulota shilambo hashinakupake lilemba.

I Patulu 1:23

Mwaa mwenu mundivalekwa kavili waambi i kwaimbeju ipéla kanji kwaimbeju íkapela kwaindila yalilove lyake Nnungu, lingumi na lipágwa ngwengwe.

I Nshuwau 2:29

Kwoda mwenu mundimanya kenga nae ni waishaliya namomo manya doni uti vanatandedya vyaishaliya vandivalekwa kwaindila yake.

I Nshuwau 3:12

Hatunave kenga Kaimu munu umwe nkalau ámpadidye nung'une. Mwaa shani animpedya? Mwaa Kaimu vitendo vyake vivele vyashikalau na vyannung'une kuva vyaishaliya.

I Nshuwau 3:3

Kula munu ánanapela lilindilililo lyake nkati mwake nae, ankulyushanianga jo mwene ushapu kulingana kenga mo mwavalele nae ákave ushapu.

I Nshuwau 3:9

Kula ávalakwadidye kwaindila ya Nnungu hanatenda shimadambi mwaa ankuvanavo mavalelo ake Nnungu nkati mwake; haulula kutenda shimadambi mwaa andivalekwa kwaindila ya Nnungu.

I Nshuwau 4:6

Kanji wetu apa ni tuvake Nnungu na aijá ámmanyite Nnungu ankutwigwilila, aijá ákavele wa Nnungu hanatwigwilila shinu. Nadoni tunkummanya Imumu waumwiu na imumu wakuduwanga.

I Nshuwau 5:1

Kula ákulupila Yesu yakuva Klistu, ajo andivalekwa kwaindila ya Nnungu na kula ánnagwaledya nkúvaleka, namomo anánnagwaledya aijá wammaleke nkúvaleka ajo.

I Nshuwau 5:15

Nadoni pakuva tunkumanya kenga nae ankutwigwa kwa ashilá shatunjugwa, tunkumanya kenga tundipata tayali avilá vyatujugwile.

I Nshuwau 5:19

Wetu tundimanya kenga tuvake Nnungu kanji shilambo uti shivele mwina mwankalau.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

I Nshuwau 5:21

Mmanavangu, lishunge kwavannungu vakushang'apa.

I Nshuwau 5:4

Kula ávalakwadidye kwaindila ya Nnungu anatema shilambo na aku ni kutema kwantamile shilambo, likulupililo lyetu.

Yudashi 1:21

nanopa nkati mulinagwaledyo lyake Nnungu akuno mulindila shididi shake Umu wetu Yesu Klistu pakulota shintwale muke kushingumi shíkamalilika.

Yudashi 1:24

Mwenu, kwa aijá Wadimongo pakulota kunshililidya mwenu hamunalikuvale na kwambangidya akamwimidye múkave makosha pamevo palishangelo lyake kwalipuwilo likumene,

Maono 2:13

“ ‘Ndimanya doni, paunama po ni pashiteng'u shimwe Shatwani. Ata ive davo mpaka ambi unkunamatila lina lyangu na haukanile likulupililo lyako kwangu, ata muwakati umwe Antipashi nshuda wangu wakukulupilika wavamyaile pakati penu, po panama Shatwani po.