I Nshuwau 5:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Nimwandikila mwenu vinu avi mwemwe múkulupila lina lya Mwana wa Nnungu kwambangidya mumanye kenga munkuvanavo shingumi shíkamalilika.

I Nshuwau 5:13 ပူးပေါင်းရင်းမြစ်များ

Nshuwau 1:12

Napane uti avalá vampwashaladíle, vo vakulupidíle lina lyake, nae andivapa aki yakutandegwa kuva vana va Nnungu.

Nshuwau 2:23

Yesu pavéle pa Yelusalemu pashikukulu sha Pasaka, vanu voe vakone vimanyikilo vyake vyashitenda, vandíkulupila lina lyake

Nshuwau 20:31

Avi vindyandikigwa pakulota mwenu mukulupile doni, Yesu ni Klistu Mwanagwe Nnungu na kwakunkulupila, mupate shingumi palina lyake.

Nshuwau 21:24

Aju ni nkwóda jojo áumya ushuda wavinu avi na áandike. Wetu tunkumanya kenga ushuda wake wo, wìu.

Nshuwau 3:18

Aijá ánkulupila nae hanaukumigwa shinu, aijá napane ákankulupila andyukumigwa tayali kwamwaa úkave wakukulupila lina lya Mwana wa Nnungu, mwana jo ávele jumo jojo.

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

Vitendo 3:16

Napanelo dimongo dyalina limwe Yesu dinintadya munu aju wamumwona na wamummanyite, aliimiliyange. Andiliimiliyanga mwaa wakukulupila lina limwe Yesu; likulupililo lyolyo linditadya aju aponele uti kenga mwenu uti munkwona.

Vitendo 4:12

Hakunapagwa shinu kwambolegwa kwaindila yamunu junji mwaa mushilambo shapai, halipali lina linji lyajawile Nnungu kuvapa vanu kulota livaambole.”

II Vakolintu 5:1

Mwenu, tundimanya kenga ikabamalegwa yema yatunama mushilambo amu, tunkuvanavo ing'ande kumwe Nnungu, ing'ande yavakadangile na makono yangwengwe kuwa.

Vagalata 4:6

Pakuva mwenu po mmana, Nnungu anintumidya Imumu wamwanagwe mmitima mmyenu; ni jojo áshema, “Aba! Atata!”

I Patulu 5:12

Kwalipwashalelo limwe Shilivanu aijá wanimwamini kuva nung'unumunu wakukulupilika, nangu ndimwandikila mwenu kwaungwipi ninjugwangila na ngumyaa ushuda kenga: au ni umonyo wiu wake Nnungu. Pagwa mukunanopa nkati muumonyo wake Nnungu.

I Nshuwau 1:4

Namomo tunkumwandikila vinu avi pakulota lipuwilo lyetu liwikile popo.

I Nshuwau 2:1

Mmanavangu, ninkumwandikila vinu avi kwambangidya hamunatege. Kanji aijá átega, tunkuvanavo wakutushililidya kumwe Atata, Yesu Klistu, Waishaliya.

I Nshuwau 2:21

Shanimwandikidile mwenu i do, hamumanyite umwiu kanji ni kwamwaa mwenu mundimanya na kwamwaa kushang'apa uti hakupali kwalakéla muumwiu.

I Nshuwau 2:25

Nadoni shalivikidile nae kwetu wetu ni ashi: shingumi shíkamalilika.

I Nshuwau 2:26

Vyangumalidile kumwandikila avi ni kwamwaa wa avalá vanduwánga.

I Nshuwau 3:23

Napanelo lilamulo lyake ni ali: tukulupile lina lya Yesu Klistu Mwana wa Nnungu na tunagwaladyanie kenga mwatulamulilila nae.

I Nshuwau 4:9

Amu ni mwaladyadidye Nnungu linagwaledyo lyake pakati petu wetu pantumididye Nnungu Mwana jumo jojo mushilambo amu pakulota tuname kwaindila yake.

I Nshuwau 5:10

Aijá ánkulupila Mwana wa Nnungu, ankuvanavo ushuda au nkati mwake. Aijá ákankulupila Nnungu, ankuntenda kuva nae nshwang'a mwaa hanakulupila shinu ushuda waumya Nnungu kwamwaa wa Mwanagwe.

I Nshuwau 5:11

Ushuda wene wo ni au: Nnungu anditupa shingumi shíkamalilika na shingumi ashi shinkupagwa nkati mwa Mwanagwe.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.