I Nshuwau 5:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Aijá ávenavo Mwana, ankuvanavo shingumi na aijá ákavenavo Mwana wa Nnungu, havenavo shingumi.

I Nshuwau 5:12 ပူးပေါင်းရင်းမြစ်များ

Malukushi 16:16

Aijá álota kukulupila na kubatishwa, andaambwalegwa kanji ákakulupila, andaukumigwa.

Nshuwau 1:12

Napane uti avalá vampwashaladíle, vo vakulupidíle lina lyake, nae andivapa aki yakutandegwa kuva vana va Nnungu.

Nshuwau 3:15

pakulota vanu uti vankulupíla nae vavenavo shingumi shíkamalilika.

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Nshuwau 5:24

“Nangu ninkumwaulila mwiu mwiu doni, aijá áigwilila lilove lyangu na kunkulupila aijá ángutumididye, ankuvanavo shingumi shíkamalilika. Munu aju hanaukumigwa shinu, tayali vandimumya mukupela kummika mushingumi.

I Vakolintu 1:30

Ni kwamwaa wake nae shitádya mwenu mupagwe nkati mumwe Klistu aijá áukile ndava kwetu wetu limanyilo lyalakéla kumwe Nnungu, ishaliya, kwilimyanga na kwambolegwa

Vagalata 2:20

Ninkunama kanji i nangu ila Klistu ni anama nkati mwangu. Shingumi shanguvenavo mumili ambi apa, ninkunama kwakunkulupila Mwana wa Nnungu ángunagwaladidye na álijawile kwamwaa wangu nangu.

Vabalaniya 3:14

mwaa wetu tuukilé ndaliinjidyanga nkati mumwe Klistu ikava kenga mwiu tundakamulila mpaka kumwisho likulupililo lyetu lyatupatile kunantandi.

II Nshuwau 1:9

Uti aijá ákapagwa nkati mumapundisho amwe Klistu kanji apundanianga anavo, ajo have Nnungu. Napane aijá ápagwa nkati mumapundisho, ankuvanavo Atata namomo kuvanavo Mwana.