I Nshuwau 4:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Amu ni mwaliwikilila popo linagwaledyo pakati petu kwambangidya dashi muliduva lyaukumu, wetu tuvenavo ntima shii mwaa kenga mo mwavalalele nae mo, nimomo mwatuvalalele wetu mushilambo amu.

I Nshuwau 4:17 ပူးပေါင်းရင်းမြစ်များ

Mateu 10:15

Ninkumwaulila mwiu doni, muliduva lyaukumu shilambo sha ku Shodoma na sha ku Gomola vindadyanga kuliko likaja alyo.

Mateu 10:25

Nkwóda akava kenga mwalimu wake panditosha na ntumika akava kenga nang'olo wake panditosha. Napanelo ikava kenga tatamunu wapaing'ande vaninshema kuva Beelishebuli, kushi avalá valikola vapaing'ande pake i nimpomo?

Mateu 11:22

Nangu ninkumwaulila mwiu doni, muliduva lyaukumu vatilu namu vashidoni vandadyanga kuliko mwenu.

Mateu 11:24

Napane nangu ninkukwaulila mwiu doni, muliduva lyaukumu shilambo sha ku Shodoma shindadyanga kuliko mwenu.”

Mateu 12:36

Nangu ninkumwaulila doni, muliduva lyaukumu vanu vandajang'ulanga malove uti akudidimanga.

Nshuwau 15:20

Kumbukila malove animwaulidile, ‘Ntumika hanampunda nang'olo wake.’ Ikava kenga vaningupapata, namwenu momo vanampapata na ikava kenga vandiigwilila lilove lyangu, namwenu momo lyenu lyo, vandaigwilila.

Nshuwau 17:22

Lishangelo lyolyo lyaungupele, nanangu ndivapa pakulota navanavo vave shinu shimo kenga mo mwatuvalalele wetu;

Valoma 8:29

Mwaa avalá vávamanyite kaladavo, namomo andivapangila kaladavo pakulota dashi valinganane na ing'ope ya Mwanagwe kwambangidya nae ave ntandi kuvalekwa pakati pavanung'unumunu voe.

Vabalaniya 9:27

Kula munu andipangigwa kupela mwanda umo tu bai kutwala ling'oto lya apo, kupagwa muukumu.

Tiyagu 2:13

ukumu haivanavo shinu shididi kwa avalá vákalodidye shididi. Shididi shindatema paukumu.

Tiyagu 2:22

Unkwona, likulupililo pamo na vitendo vyake vindikola shimadengo pamo, namomo kwaindila yavitendo likulupililo lindíwikila popo.

II Patulu 2:9

Napavedoni tundyona do, Umu ankumanya kuvaposha avalá vanjópa Nnungu nkati mukulingigwa na mwakuvavikila mushaushanga avalá vavéle muungave-shaliya muliduva alilá lyaukumu;

II Patulu 3:7

Kuwa na pai vyo vipagwíte ambi apa, vyanavo vindikondyegwa kwaindila yoyo yalilove; vindikondyegwa pakulota vitaigwe moto muliduva lyaukumu na lyakubamolegwa kwa avalá vákave Nnungu.

I Nshuwau 2:28

Mmanavangu napanelo pagwa nkati mwake nae kwambangidya dashi, palota kulilodya tuvenavo ntima shii patukalinyemya pamevo pake kwamwaa wadyoni.

I Nshuwau 2:5

kanji aijá áigwilila lilove lyake, nkati mwake nae, mwiu linagwaledyo lya Nnungu linkuwikila popo. Mwatumanyila kupagwa nkati mwake ni amu,

I Nshuwau 2:6

aijá aashidoni, ankupagwa nkati mwake nae inimmaikila awene kulingana kenga mo mwawanadile Yesu.

I Nshuwau 3:1

Mwenu, da linagwaledyo shani lyaladidye Atata kwetu wetu ata mpaka wetu kuka ndashamegwa vana va Nnungu, namwiu nimomo mwatuvalalele. Nadoni shilambo hashitumanyite mwaa nae havammanyite momo.

I Nshuwau 3:3

Kula munu ánanapela lilindilililo lyake nkati mwake nae, ankulyushanianga jo mwene ushapu kulingana kenga mo mwavalele nae ákave ushapu.

I Nshuwau 3:7

Mmanavangu, hamunanneke munu anduwanga; aijá átandedya vyaishaliya ni waishaliya kenga mwavalalele nae waishaliya.

I Nshuwau 4:12

Hapali ata munu jumo ángwene Nnungu; wetu tukanagwaladyania, Nnungu ankupagwa nkati mwetu na linagwaledyo lyake linkuwikila popo nkati mwetu.