I Nshuwau 4:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Mmakunagwaleka, hamunakulupile kula imumu kanji tenda nningo dimumu adyo ikava kenga dyaloka kwa Nnungu mwaa mushilambo amu vandyumilila vakulava voe vakushang'apa.

I Nshuwau 4:1 ပူးပေါင်းရင်းမြစ်များ

Malukushi 13:21

Bai munu akamwaulila doni, ‘Mwenu, Klistu aju apa,’ kwali, ‘Avelé akulá,’ hamunankulupile.

Lukashi 12:57

“Mwaa shani hamunaamuwa shinu mwemwe mmene avilá vivaikidíle kutenda?

Lukashi 21:8

Yesu kushidoni, “Lilaledye! Hanapagwe wakunduwanga mwaa vandaida vanu voe vatumila lina lyangu vaashidoni, ‘Nangu ni Masiya’ na kushidoni, ‘Wakati undiwika’ kanji hamunavode.

Vitendo 17:11

Kanji vayuda vankaja amo vavele vakuligwa kuvapunda va ku Teshalonika; vanavo vandípwashalela ntenga na ntima wave uti na kula liduva vashindalalyanga Maandiko pakulota vamanye kenga munkulinganana na amulá mwatangalela Paulu.

Vitendo 20:29

Nangu ndimanya shana doni, ling'oto lyakuma nangu andaumilila mavinji akujowa pakati penu pavakapambedya likundi lyavangandolo.

I Vakolintu 12:10

junji kutandedya vyamakango, junji kulava, junji kupambula dimumu, junji dinangodi dyakuvilingananga na junji kuvalangangila dinangodi.

I Vakolintu 14:29

Vakulava vavili kwali vatatu vatangole, vanji vo valalyange ashilá shitangaléka.

I Vateshalonika 5:20

Hamunailudyange kulava

I Vateshalonika 5:21

kanji tenda nningo vinu uti mutwale mukamulile ashilá shambone.

II Vateshalonika 2:2

doni, hamunaangaishangigwe shipajelo muding'anong'ano dyenu na hamunaangaikange ata kwaimumu kwali kwalilove kwali kwaibalugwa yaanéka kuva kenga yaloka kwetu iishidoni, liduva limwe Umu, tayali lindiwika.

I Timoti 4:1

Imumu napane ankutangola ngala doni, muwakati wamwisho vanji vandaambukanga likulupililo kwigwilila dimumu dyakuduwanga na mapundisho avandamoni,

II Timoti 3:13

Napane vanu vakalau na vakushang'apa vandauka mushu vamamodya kuvaashadyanga vanu na vo vene vaashalangigwa.

II Patulu 2:1

Doni, kala po vandyúmilila vakulava vakushang'apa pakati pavenentete, nadoni pakati penu mwenu momo vandaumilila vamwalimu vakushang'apa. Vovo vo vandainjidyanga mapundisho akushang'apa abamóla vamwita ata mpaka Mwene ávashumile; shinu shilóta kwidanavo kubamolegwa shingangala vo vene.

I Nshuwau 2:18

Mmanavangu, au ni wakati wamwisho. Mo mwamwigwididye kenga mmongo wake Klistu andaida, bai vamongo voe vamwe Klistu vandyumilila tayali, napavedoni tunkumanya kenga au ni wakati wamwisho.

I Nshuwau 2:7

Mmakunagwaleka! Haninamwandikila shinu lilamulo lyaambi kanji lilamulo lyakala, lyo lyamuvénavo kunantandi; lilamulo alyo lyakala ni wo ntenga wamwigwite.

II Nshuwau 1:7

Mwaa vakuduwanga voe vandyumilila mushilambo amu na vovo vo, havanammalanganga shinu Yesu Klistu kwida mushimunu. Amu ni mwavalalele nkúduwanga na mmongo wake Klistu.

III Nshuwau 1:11

Wakunagwaleka, haunajedye ashilá shakunyata kanji ashilá shambone. Aijá átenda wambone, ajo wake Nnungu; aijá átenda wakunyata, ajo hamwanite Nnungu.

Maono 2:2

“ ‘Nangu ndimanya vitendo vyako, kulyuvyauvyanga kwako, kunanopa kwako na haunavapambedya shinu avalá vatandédya vyakunyata; namomo undivatenda nningo valivíka kuva vamyombe kumbe vákavele kutwala kuvaanalela kuva vakushang'apa.