I Nshuwau 3:22 - Ibibiliya mu Shimakonde Imbodi Yaambi na dimbande dya Imbodi Yakala

²² na kula shinu shatunjugwa nae, tunkupata kwalakela kwake mwaa tunkwigwilila malamulo ake na kutandedya vyapuwangila.

I Nshuwau 3:22 ပူးပေါင်းရင်းမြစ်များ

Mateu 17:5

Patulu akuno atangola, kuwa kwaloka lyundi lyakushenga kuvainikidya, mo mulyundi mo kwigwinika lidi liishidoni, “Aju ni mwanangu waninnagwaledya, ángupa lipuwilo, jojo jo, mwigwilile.”

Mateu 21:22

Namomo shinu shamulota kujugwa kwaindila yakushwali, mukakulupila mundapata.”

Malukushi 11:24

Napavedoni ninkumwaulila, uti vyamulota kujugwa kwaindila yakushwali kulupila kenga mundipata nadoni vindakutandakela momo.

Nshuwau 14:13

Kula shinu shamulota kujugwa palina lyangu, nangu ndatandedya kwambangidya Atata apate lishangelo nkati mu Mwana.

Nshuwau 15:10

Mwenu mukaigwilila malamulo angu mundapagwa mulinagwaledyo lyangu kenga nangu malamulo amwe Atata ndiigwililila na ninkupagwa mulinagwaledyo lyake.

Nshuwau 15:7

Mwenu mukapagwa nkati mwangu, malove angu kupagwa nkati mwenu, shoeshoe shamulota, jugwa na vinantandakela momo.

Nshuwau 6:29

Yesu akavajang'ula kushidoni, “Shimadengo shalota Nnungu munkalele ni kunkulupila aijá wantumididye.”

Nshuwau 8:29

Aijá ángutumididye ankupagwa pamo namu nangu. Nae hananguleka shinu gweka mwaa avilá vinnagwéla, ngwengwe ninkutandedya.”

Nshuwau 9:31

Wetu tundimanya kenga Nnungu hanamwigwa nkútega kanji aijá ámwishimu na átandedya malotelo ake, ajo nae ankumwigwa.

Vitendo 17:30

Kanji Nnungu pakavalangila wakati aulá waungamanya, ambi apa ankuvavalangangila vanu uti mumautu avanama valijugulange madambi ave

Vitendo 20:21

ngumya ushuda kwavayuda na kwavamidi wakulijugulanga madambi kwa Nnungu na walikulupililo nkati mumwe Umu wetu Yesu.

Vapilipo 4:18

Nangu ndivanavo uti na ndyumbala. Ndilinganana pangupatile kumwe Epapoloditu avilá vyaléke kwenu; avyo ni kunung'angila kwambone, shadaka shakukubalika shinnagwéla Nnungu.

Vakoloshu 1:10

kwambangidya muname shinamidyo shimmaikíla Umu, vinnagwela muuti, mupa vyepo mushimadengo uti shambone, mukulumuka mukummanya Nnungu,

Vabalaniya 13:21

nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.

Tiyagu 1:5

Ikava kenga munu pakati penu linkumwova limanyilo, anjugwe Nnungu ávapa vanu uti kwabila shinyadinyadi na ákashulanga; namomo nae andamupa.

Tiyagu 4:3

Pamujugwa, hamunapata shinu mwaa munkujugwa kwamalotelo akunyata kwambangidya mujaange muditamaa dyenu.

Tiyagu 5:16

Napavedoni, valanganila madambi enu na shwalyanidya pakulota mupone. Kushwali kwamunu waishaliya kunkuvanavo dimongo dyakutandeka vinu vyoe.

I Nshuwau 2:3

Namomo tundimanya kenga tunkummanya nae patwigwilila malamulo ake.

I Nshuwau 5:14

Au ni ntima shii watuvenavo kwa Nnungu: patujugwa kwodananavo malotelo ake, nae ankutwigwa.