I Nshuwau 3:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Kanji napane aijá ávenavo mali ashilambo ashi akamwona nung'unumunu aijá wavimwovite kutwala kunanopa ntima, da linagwaledyo lya Nnungu lilota kumpagwidya dashi nkati mwake?

I Nshuwau 3:17 ပူးပေါင်းရင်းမြစ်များ

Lukashi 3:11

Nae kushidoni, “Ávenavo mikogo mivili, unji wo anjaulile aijá ákavenavo na ávenavo shakulya atandele momo.”

II Vakolintu 8:9

Mwaa mwenu mundimanya umonyo umwe Umu wetu Yesu Klistu doni, àvele avi ntajili kwakunnagwaledya mwenu nae andilitenda kuva ákave pashinu kwambangidya kwaindila yaungave-pashinu wake, antadye mwenu muke mukave mmatajili.

Vabalaniya 13:16

Hamunalivalive kutandedya wambone na yakumajananga na vanji avilá vyamuvenavo mwaa kwavyadaka kenga avi, Nnungu inkunnagwela.

Tiyagu 2:15

Ikava kenga nung'unumunu nnume kwali nkongwe ankuvanavo wou na kumwova shakulya shakula liduva

Tiyagu 2:16

kutwala munu jumo pakati penu kumwaulila doni, “Wena kwaamani, kapate ntukuta na kalye wikute,” kanji kwabila mwenu kumupa nae vinu vitakígwa pamili pake, inkupagwa paida shani?

I Nshuwau 4:20

Aijá áashidoni, “ninkunnagwaledya Nnungu” kanji ammangedya nung'unumunu, ajo nshwang'a mwaa aijá ákannagwaledya nung'unumunu wamwona hayululika kunnagwaledya Nnungu aijá wakangwene.

I Nshuwau 5:1

Kula ákulupila Yesu yakuva Klistu, ajo andivalekwa kwaindila ya Nnungu na kula ánnagwaledya nkúvaleka, namomo anánnagwaledya aijá wammaleke nkúvaleka ajo.