I Nshuwau 3:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Amu ni mwavaliladyedya vanavake Nnungu na vanavake Ndamoni: woewoe ákatandedya vyaishaliya hanava shinu wake Nnungu na ata aijá ákannagwaledya nung'unumunu, momo.

I Nshuwau 3:10 ပူးပေါင်းရင်းမြစ်များ

Mateu 13:38

na lishamba lyo, shilambo. Ailá imbeju yambone, avo ni vana vamuutawala, nashitani jo vanavake nkalau na

Lukashi 6:35

Bai vanagwaledye vamongo venu, tandedya wambone, kapesha pamukalindila kupata shinu shoeshoe. Mukatenda doni, inudyo yenu indava ikumene na mwiu mundava mmanavake Wapashanya-uti. Mwaa nae andávatanana vakanalambwalela na vakalau.

Nshuwau 1:12

Napane uti avalá vampwashaladíle, vo vakulupidíle lina lyake, nae andivapa aki yakutandegwa kuva vana va Nnungu.

Nshuwau 11:52

na ata i gweka venentete avo, namomo kwamwaa wavana va Nnungu vamwadilikanénge pakulota vanavo, nae avaunganiange vave shipinga shimo.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Nshuwau 8:47

Aijá wa Nnungu, vyatangola Nnungu anáigwa. Nadoni mwenu hamunaigwa shinu mwaa hamuvele vake Nnungu.”

Vitendo 13:10

“Umwana umwe Ndamoni gwe! Ummongo waishaliya gwe! Umunu wakukubyaa ushwang'a na vitendo vyakunyata gwe! Da wako ulota kuleka duvani kudinguwanga dindila dyashalowa dyake Umu?

Valoma 13:8

Hamunavenavo lideni na munu woewoe ila lideni lyenu live kunagwaladyania mwaa aijá ánnagwaledya junji, ankutandedya lilamulo.

Vaepeshu 5:1

Napavedoni ava mmakunjedya Nnungu kenga mmana mmakunagwaleka

Vakoloshu 3:14

Pashanya pavinu avi uti, gwala linagwaledyo, lyanavo ni lyunganilo liu.

I Timoti 1:5

Malotelo napane amalailililo etu ni linagwaledyo lyúma muntima úkave ushapu, makumbukililo ambone amuntima na likulupililo líkave shinankulaba.

I Nshuwau 2:29

Kwoda mwenu mundimanya kenga nae ni waishaliya namomo manya doni uti vanatandedya vyaishaliya vandivalekwa kwaindila yake.

I Nshuwau 3:1

Mwenu, da linagwaledyo shani lyaladidye Atata kwetu wetu ata mpaka wetu kuka ndashamegwa vana va Nnungu, namwiu nimomo mwatuvalalele. Nadoni shilambo hashitumanyite mwaa nae havammanyite momo.

I Nshuwau 3:2

Mmakunagwaleka, wetu napanelo ni tuvanavake Nnungu na mwatulota kuvalela mo hamunava kulilodya; napane palota kwida po, tundava kenga nae mwaa tundamwona kenga mo mwavalalele.

I Nshuwau 4:21

Ali ni lilamulo lyatupele nae: aijá ánnagwaledya Nnungu, indivaikila momo annagwaledye nung'unumunu.

I Nshuwau 4:6

Kanji wetu apa ni tuvake Nnungu na aijá ámmanyite Nnungu ankutwigwilila, aijá ákavele wa Nnungu hanatwigwilila shinu. Nadoni tunkummanya Imumu waumwiu na imumu wakuduwanga.

I Nshuwau 4:8

Aijá ákavenavo linagwaledyo, hammanyite Nnungu mwaa Nnungu ni linagwaledyo.

I Nshuwau 5:19

Wetu tundimanya kenga tuvake Nnungu kanji shilambo uti shivele mwina mwankalau.

I Nshuwau 5:2

Amu ni mwatumanyila kenga tunkuvanagwaledya vanavake Nnungu patunnagwaledya Nnungu na patutandedya malamulo ake.

III Nshuwau 1:11

Wakunagwaleka, haunajedye ashilá shakunyata kanji ashilá shambone. Aijá átenda wambone, ajo wake Nnungu; aijá átenda wakunyata, ajo hamwanite Nnungu.