I Nshuwau 2:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ Kanji kwaupande wenu mwenu kupakigwa kwamupatile kwake nae, kunkupagwa nkati mwenu na mwenu hamunatakigwa shinu munu ampundishe. Kwoda kupakigwa kwake kunkumpundisha mwenu kwamwaa wavinu uti na kwaumwiu hakunashang'apa shinu, pagwa nkati mwake kulingana kenga mo mwampundishididye.

I Nshuwau 2:27 ပူးပေါင်းရင်းမြစ်များ

Mateu 13:11

Yesu akavajang'ula kushidoni, “Mwaa mwenu vanintadya mumanye vipii vyautawala wakuwa kanji vanavo mene.

Nshuwau 14:16

na nangu nanjugwa Atata na nae andamupa nkúpambadyanga junji aikale namu mwenu ngwengwe,

Nshuwau 14:17

aijá Imumu Waumwiu. Nae shilambo hashuulula kumpwashalela mwaa hashinamwona shinu na hashinammanya shinu. Mwenu munimmanya mwaa ankunama namu mwenu na andapagwa nkati mwenu.

Nshuwau 14:26

napane nkúpambadyanga, aijá Imumu Wanashwe walota kuntumidya Atata palina lyangu, nae anampundisha mwenu kula shinu na anankumbuwanga uti vyanimwaulidile nangu.

Nshuwau 16:13

Napane palota kwida aijá Imumu Waumwiu anannangalalela mwenu uti muumwiu mwaa nae halivalanganga shinu jo mwene, ila andavalanganga vyalota kwigwa na anammalangangila vilóta kwida.

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Nshuwau 6:45

Mumabuku avakulava vandyandika doni, ‘Vanavo uti vandava vakupundishigwa na Nnungu.’ Nadoni kula munu ámwigwite Atata na álipundishidye kwake nae ankwida kwangu nangu.

I Vakolintu 2:12

Kanji napane wetu hatupatile imumu yamushilambo ashi kanji Imumu áalakadile kwake Nnungu pakulota tumanye vinu vyatupele Nnungu monyo.

I Vakolintu 2:13

Vyanavo momo tunkutangola i kwamalove apundishígwa kwalimanyilo lyashimunumunu kanji kwamalove apundishígwa kwa Imumu avalangangilila umwiu waimumu kwa avalá vaimumu.

II Vakolintu 1:21

Mwenu, Nnungu ni átadya wetu pamo namu mwenu tunanope nkati mumwe Klistu. Nae ni átupakile,

Vaepeshu 4:21

ikava kenga mwiu mwenu mundigwa itangaleka mwaa wake na mundipundishigwa nkati mwake kwodananavo umwiu upagwíte nkati mumwe Yesu aju,

Vakoloshu 2:6

Napavedoni pakuva mwenu munimpwashalela Klistu Yesu kenga Umu, nama nkati mwake

I Vateshalonika 2:13

Tunkunnambwalela Nnungu momo kwabila kudoba kwamwaa au: pamupwashaladile lilove lya Nnungu kwaupande wetu, mundipwashalela i kenga lilove lyavanu kanji kenga mwalivalalele mwiu lilove lya Nnungu likóla madengo nkati mwenu mmakukulupila.

I Vateshalonika 4:9

Napanelo kwaing'ano yalinagwaledyo lyashinung'unumunu hainaloteka shinu kumwandikila mwaa mwemwe mmene mundipundishigwa namu Nnungu pakulota munagwaladyanie.

I Timoti 2:7

Kwamwaa au ndyuka ndapangigwa nguve nkúvalanganga-lilove na myombe, ngutangola mwiu hangunashang'apa shinu, mwalimu wavamidi nkati mulikulupililo na muumwiu.

I Patulu 1:23

Mwaa mwenu mundivalekwa kavili waambi i kwaimbeju ipéla kanji kwaimbeju íkapela kwaindila yalilove lyake Nnungu, lingumi na lipágwa ngwengwe.

I Nshuwau 2:28

Mmanavangu napanelo pagwa nkati mwake nae kwambangidya dashi, palota kulilodya tuvenavo ntima shii patukalinyemya pamevo pake kwamwaa wadyoni.

I Nshuwau 3:24

Aijá áigwilila malamulo ake ankupagwa nkati mwake Nnungu na nae nkati mwake. Tundimanya kenga nae ankupagwa nkati mwetu kwaindila ya Imumu watupele.

II Nshuwau 1:2

kwamwaa waumwiu upágwa nkati mwetu na ulóta kupagwa kwetu wetu ngwengwe.