I Nshuwau 2:22 - Ibibiliya mu Shimakonde Imbodi Yaambi na dimbande dya Imbodi Yakala

²² Da nshwang'a ni wakwashi? Nshwang'a ni aijá ántauka Yesu kuva Klistu; munu aju ni mmongo wake Klistu jo ántauka Tatamunu na Mwanamunu.

I Nshuwau 2:22 ပူးပေါင်းရင်းမြစ်များ

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Mateu 24:5

Vandaida vanu voe vatumila lina lyangu vaashidoni, ‘Nangu Klistu,’ vovo vo vandavaduwanga vanu voe.

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

I Nshuwau 1:6

Ikava kenga tunkushidoni, tunkuvanavo upamo namu nae kanji tuwena mushii, tunkushang'apa hatunatandedya shinu umwiu.

I Nshuwau 2:18

Mmanavangu, au ni wakati wamwisho. Mo mwamwigwididye kenga mmongo wake Klistu andaida, bai vamongo voe vamwe Klistu vandyumilila tayali, napavedoni tunkumanya kenga au ni wakati wamwisho.

I Nshuwau 2:23

Kula munu ántauka Mwanamunu namomo havenavo Tatamunu; aijá ammalanganga Mwanamunu namomo ankuvanavo Atata.

I Nshuwau 2:4

Aijá aashidoni, “nangu nae nimmanya” kanji pakaigwilila malamulo ake, nshwang'a na kwake nae umwiu haupali

I Nshuwau 4:20

Aijá áashidoni, “ninkunnagwaledya Nnungu” kanji ammangedya nung'unumunu, ajo nshwang'a mwaa aijá ákannagwaledya nung'unumunu wamwona hayululika kunnagwaledya Nnungu aijá wakangwene.

I Nshuwau 4:3

kanji kula imumu íkammanya Yesu Klistu, hainaalakela shinu kwa Nnungu. Ayo ni imumu yammongo wake Klistu jo wamumwigwite kenga andaida, tayali andiwika mushilambo amu.

I Nshuwau 5:1

Kula ákulupila Yesu yakuva Klistu, ajo andivalekwa kwaindila ya Nnungu na kula ánnagwaledya nkúvaleka, namomo anánnagwaledya aijá wammaleke nkúvaleka ajo.

II Nshuwau 1:7

Mwaa vakuduwanga voe vandyumilila mushilambo amu na vovo vo, havanammalanganga shinu Yesu Klistu kwida mushimunu. Amu ni mwavalalele nkúduwanga na mmongo wake Klistu.

Yudashi 1:4

Mwaa vanu vanji vandiliinjidyanga shipiipii, vanavo ukumu yave indipangigwa tangu nakala, vanu vákave Nnungu vatindinganiánga umonyo wa Nnungu wetu pakulota shive shinu shakulaukila na vankumwita Nang'olo wetu jumo, jo Umu wetu, Yesu Klistu.

Maono 3:9

Laledya shangulota kuvatenda avalá vamushitala shakulipudidya shimwe Shatwani, vo valivíka kuva vayuda kumbe vakavele vayuda vàvele vakushang'apa. Mwiu ndavatadya valipudye mmadodo mwako na vamanye do, nangu ndikunagwaledya.