I Nshuwau 2:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Shilambo ashi pamo na malotelo ake ankumalilika kanji aijá átandedya malotelo ake Nnungu andapagwa ngwengwe.

I Nshuwau 2:17 ပူးပေါင်းရင်းမြစ်များ

Mateu 21:31

Napanelo pakati pavana ava vavili, wakwashi átandadidye malotelo atatamunu?” Vanavo do, “Jo ntandi jo.” Yesu kushidoni, “Bai ninkumwaulila mwiu doni, vakukatisha-ukodi namu vakulavalava vankulangalela kwinjila muutawala wa Nnungu kunneka mwenu.

Mateu 24:35

Kuwa na pai kundapita ila malove angu mwiko hapita.

Mateu 7:21

“I uti avalá vangwaulíla ‘Umu, Umu’ vandainjila muutawala wakuwa, ila aijá átandedya malotelo ake Atata ávele kuwa.

Malukushi 3:35

mwaa munu woewoe átenda mwalatela Nnungu, munu aju ankwitika kuva mwanetu, numbwangu na ni ajala.”

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Nshuwau 6:58

Mwenu! Ali ni ligung'u lyalakadíle kuwa. I kenga mwavalyalalele vanakuluvenu kutwala kupela; aijá álya ligung'u ali andanama ngwengwe.”

Nshuwau 7:17

Munu woewoe akalota kutandedya malotelo ake jo mwene, andamanya kenga mapundisho ala, a Nnungu kwali ninkutangola yangu nimwene.

Valoma 12:2

Hamunalilinganiange na shinamidyo shawakati au kanji mubadilike kwaindila yakunonowangigwa muding'anong'ano dyenu kwambangidya mutende nningo mwanalela akwashi malotelo ake Nnungu, ambone, akunagwaleka na ashalowa-uti.

I Vakolintu 7:31

avalá vashulúsha mushilambo, kenga vákaungana uti na shilambo mwaa mwatwanela shilambo wakati au, mwakupita.

Vakoloshu 1:9

Napavedoni, kutunduvangila muliduva lyatwigwite hatunaleka shinu kushwali yenu mwenu tunjugwa Nnungu pakulota dashi, muumbaligwe na limanyilo lyalilotelo lyake nkati mulimanyilo na umanyimanyi uti waimumu

Vakoloshu 4:12

Epapalashi mwenentete mwenu na ntumika umwe Klistu Yesu, nanae momo ankuntumidya nandele. Nae ngwengwe ankulikanyalidya mukushwali kwaupande wenu mwenu pakulota mwimile mùudile na mùliikinidye mumalotelo uti ake Nnungu.

I Vateshalonika 4:3

Mwaa malotelo amwe Nnungu ni akujaluwangigwa mwenu mukwilimyanga: doni, mwapukanangenavo vyakulauka,

I Vateshalonika 5:18

Lambwalela muuti mwaa ala ni malotelo ake Nnungu kwenu mwenu nkati mumwe Klistu Yesu.

Vabalaniya 10:36

Shivaikidíle kwenu mwenu ni kulipililila ling'oto lyakutandedya malotelo ake Nnungu mundapata ashilá shalivikidile

Tiyagu 4:14

Mwemwe mmene mukamanyite ashilá shilóta kutandeka lunduno. Shingumi shenu ni nyamani? Mwenu munkuva kenga itabwe yumilíla wakati padyoko, kukungulukinneu.

I Patulu 1:5

Kwadimongo dyake Nnungu, mwenu munkushungigwa kwaindila yalikulupililo mpaka muwakati wamwisho wakulilodya kwambola kuvéle tayali.

I Patulu 4:2

Nadoni wakati ubakidíle kwenu mwenu kunama mushilambo amu, hamunaname kavili kwakutandedya malotelo ashimunumunu ila tandedya malotelo ake Nnungu