I Nshuwau 2:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Mmababa, ninkumwandikila mwaa munimmanya aijá ápagwite kutunduvangila kunantandi. Mmanemba, ninkumwandikila mwaa munintema aijá nkalau.

I Nshuwau 2:13 ပူးပေါင်းရင်းမြစ်များ

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Mateu 13:19

Munu akaigwilila lilove lyámba utawala, akanaigwa shana, andáaloka nkalau kumpokenneu lilove lyavapandile muntima mwake. Aju ni imbeju igwilidíle nanyenje indila.

Mateu 13:38

na lishamba lyo, shilambo. Ailá imbeju yambone, avo ni vana vamuutawala, nashitani jo vanavake nkalau na

Mateu 5:37

Mwenu mukashidoni, ‘Elo’ ive mwiu elo, mukashidoni ‘Mene’ ive mwiu mene. Shinji shakupunda apo, shinkwalakela kumwe aijá nkalau.

Lukashi 10:22

Atata aningukamudya vinu uti. Hapali munu junji ámmanyite Mwana pakavele Atata na hapali ámmanyite Atata pakavele Mwana pamo namu aijá walota kummalangangila Mwana.”

Nshuwau 14:7

Ikava kenga muningumanya, Atata momo munammanya. Kutunduvangila ambi apa munimmanya na munimwona.”

Nshuwau 14:9

Yesu kutwala kushidoni, “Nangu ndiikala namu mwenu muwakati woe, mpaka ambi haunava kungumanya Pilipo? Munu ángugwene nangu, animwona Atata. Napanelo wako utangola dashi doni, ‘Ngulodya Tatamunu’?

Nshuwau 16:3

Vinu avi vandatenda mwaa havammanyite Atata na ata nangu momo havangumanyite.

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Nshuwau 17:21

Vanavo uti vave shinu shimo kenga mo mwaupagwididye wako Atata nkati mwangu na nangu kupagwa nkati mwako. Navanavo momo vave nkati mwetu pakulota shilambo shikulupile kenga wako uningutumidya.

Nshuwau 17:3

Shingumi shíkamalilika sho ni ashi, vakumanye wako kuva Nnungu wiu úvele jumo jojo na vammanye aijá wauntumididye, Yesu Klistu.

Nshuwau 8:19

Vanavo kutwala kumudya, “Tatako jo avelé kwashi?” Yesu kushidoni, “Mwenu nangu hamungumanyite na ata Atata hamummanyite momo. Leka mùngumanyite ata Atata mukanimmanya.”

II Vakolintu 4:6

Doni, Nnungu átangwele, “Kushii lipagwe lilangadyo,” ni jojo álangadidye mmitima vyetu pakulota kutwing'a lilangadyo lyalimanyilo lyalishangelo lyake Nnungu mwing'ope imwe Klistu.

I Timoti 5:1

Haunanshulange munu ákupundile shilinga kanji nnaililile kenga tatamunu, vanemba kenga vanung'unumunu,

Titu 2:6

Mumo momo valaililile vanemba pakulota vave vading'ano

I Nshuwau 1:1

Lilove lyashingumi jo, andípagwa kutunduvangila kunantandi: wetu nae tundimwigwa, tundimwona na mevo etu, tuninnalyanga shana na tuninkamulanga tuvene kwamakono etu,

I Nshuwau 2:1

Mmanavangu, ninkumwandikila vinu avi kwambangidya hamunatege. Kanji aijá átega, tunkuvanavo wakutushililidya kumwe Atata, Yesu Klistu, Waishaliya.

I Nshuwau 2:12

Mmanavangu, ninkumwandikila mwaa madambi enu andilivalivigwa kwamwaa walina lyake.

I Nshuwau 2:14

Mmanavangu, nimwandikila mwaa munimmanya Atata. Mmababa, nimwandikila mwaa munimmanya aijá ápagwite kutunduvangila kunantandi. Mmanemba, nimwandikila mwaa mwenu munkuvanavo dimongo, lilove lya Nnungu linkupagwa nkati mwenu na munintema aijá nkalau.

I Nshuwau 3:12

Hatunave kenga Kaimu munu umwe nkalau ámpadidye nung'une. Mwaa shani animpedya? Mwaa Kaimu vitendo vyake vivele vyashikalau na vyannung'une kuva vyaishaliya.

I Nshuwau 4:4

Mmanavangu, mwenu apa mmàke Nnungu nadoni mundivatema avalá vakulava vakushang'apa mwaa aijá ápagwite nkati mwenu ni nkumene kumpunda aijá ápagwite mushilambo amu.

I Nshuwau 5:18

Tundimanya kenga uti aijá ávalakwadidye kwaindila ya Nnungu hanatega ila ávalakwadidye mu Nnungu ananshunga na aijá nkalau, hamwavalela.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

Maono 12:11

Vanavo vanintema kwamwaa wamyadi vya Ngandolo na kwalilove lyaushuda wave mwaa vanavo havanagwaladídye shingumi shave pakulota vanapele.

Maono 2:7

“ ‘Ávenavo matu, aigwe vyatangola Imumu na maganisha. Nkútema, andapata aki yakulya shepo shannandi washingumi uvéle kwa Nnungu lyutu lyalipuwilo.’ ”