I Nshuwau 2:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Kanji aijá ámmangedya nung'unumunu ankupagwa mushii na ankuwena mushii. Nae hanamanya shinu kwauka mwaa shii shinimputadya mevo.

I Nshuwau 2:11 ပူးပေါင်းရင်းမြစ်များ

Nshuwau 12:35

Yesu kushidoni, “Muwakati padyoko lilangadyo lindapagwa pakati penu. Nadoni wena po pamuvenavo lilangadyo apa kwambangidya shii hashinanshushuwange. Aijá ánawena mushii, hanamanya kwashi kwauka.

Nshuwau 12:40

“Mevo ave andivaputadya, mitima vyave andivananopya, pakulota havanalole na mevo na ata mmitima vyave havanaananalele kutwala kushiliuka na nangu kuvaponia.”

II Vakolintu 3:14

Kanji ding'anong'ano dyave dindinanapegwa mwaa ata mpaka nelo inguvo yoyo inkupagwa paishomegwa imbodi yakala. Yanavo indáushika bai nkati mumwe Klistu.

II Vakolintu 4:4

Kwavanavo, nnungu wawakati au andivaputadya ding'anong'ano dyavakakulupila kwambangidya havanone lilangadyo lyantenga wambone walishangelo lyake Klistu ávele ing'ope yake Nnungu.

Titu 3:3

Mwaa ata nawetu kala po, tuvele tuvanu túkave ding'ano na túkaigwilila vatwashadyenge tuva tuvatumwa kwavinu vyakula inamuna na ditamaa, shingumi shetu tunama mushishimwashimwa na mwing'ou, tuvangadika na tuvangadyania.

II Patulu 1:9

Mwaa aijá ákavenavo vinu avi, andiputala ankwona bai vyapepi àlivalidile kuushaniangigwa ushapu washimadambi shake shakala.

I Nshuwau 1:6

Ikava kenga tunkushidoni, tunkuvanavo upamo namu nae kanji tuwena mushii, tunkushang'apa hatunatandedya shinu umwiu.

I Nshuwau 2:10

Aijá ánnagwaledya nung'unumunu ankupagwa mulilangadyo na nkati mwake hashipali shakuntadya alikuvale.

I Nshuwau 2:9

Aijá áashidoni, ankupagwa mulilangadyo kanji ámmangedya nung'unumunu, mpaka ambi avelé mushii.

I Nshuwau 3:15

Aijá ámmangedya nung'unumunu ajo ni shimalivanu; mwenu mundimanya kenga hapali shimalivanu ávenavo nkati mwake shingumi shíkamalilika.

I Nshuwau 4:20

Aijá áashidoni, “ninkunnagwaledya Nnungu” kanji ammangedya nung'unumunu, ajo nshwang'a mwaa aijá ákannagwaledya nung'unumunu wamwona hayululika kunnagwaledya Nnungu aijá wakangwene.

Maono 3:17

Wako uushidoni, ‘Nangu nintajili, nditajilika doni na hashipali shingwova.’ Kumbe haunalimanya shinu kenga wako wakuvauvanga, útaa shididi, úkave pashinu, wakuputala na úve matakudavo.