I Nshuwau 2:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Aijá ánnagwaledya nung'unumunu ankupagwa mulilangadyo na nkati mwake hashipali shakuntadya alikuvale.

I Nshuwau 2:10 ပူးပေါင်းရင်းမြစ်များ

Mateu 13:21

Kwodamwaa havé dinyija, hanalikiniya. Kupata kwene mauvilo kwali kupapatigwa, kuujinneu kunyuma.

Mateu 18:7

Shipambale shilambo kwamwaa wavitendo vivatádya vanu vatege. Ngwengwe vyakunyata vivatádya vanu vatege vindaumilila napane apambale aijá álota kwidanavo vyakunyata avyo!

Nshuwau 11:9

Yesu kushidoni, “Da liduva halivenavo disaa kumi na mbili? Munu akawena mui hanalikuvala mwaa nae andóna lilangadyo lyashilambo.

Nshuwau 12:35

Yesu kushidoni, “Muwakati padyoko lilangadyo lindapagwa pakati penu. Nadoni wena po pamuvenavo lilangadyo apa kwambangidya shii hashinanshushuwange. Aijá ánawena mushii, hanamanya kwashi kwauka.

Nshuwau 8:31

Napanelo Yesu andívaulila vayuda váshinkulupila nae kushidoni, “Mwenu mukauka mushu mwigwilila mapundisho angu mundava mwiu mmakwoda vangu.

Valoma 14:13

Napavedoni tuleke kuvaukumu vanu vanji kanji leka apo, mwenu amuwa mene kummikila nung'unumunu shakulikuvala kwali kunteya ntego.

Vapilipo 1:10

kwambangidya dashi, mupambule shakwashi shivénavo mana makumene pakulota muve mmanu mmaiu na múkave makosha muliduva limwe Klistu

II Patulu 1:10

Napavedoni mmanung'unumunu, kavili likanyalidye namene pakulota kushamegwa na kutandalegwa kwenu kunanope mwaa mukatenda avyo, mwiko hamulikuvala.

I Nshuwau 2:11

Kanji aijá ámmangedya nung'unumunu ankupagwa mushii na ankuwena mushii. Nae hanamanya shinu kwauka mwaa shii shinimputadya mevo.

I Nshuwau 3:14

Wetu tundimanya kenga tundyuma mukupela kuka mushingumi mwaa tunkuvanagwaledya vanung'unumunu. Aijá ákave linagwaledyo ankupagwa nkati mukupela.