II Vateshalonika 3:3 - Ibibiliya mu Shimakonde Imbodi Yaambi na dimbande dya Imbodi Yakala

³ Kanji napane Umu ni wakukulupilika, nae anannonowanga na ananshunga kumwe aijá nkalau.

II Vateshalonika 3:3 ပူးပေါင်းရင်းမြစ်များ

Mateu 5:37

Mwenu mukashidoni, ‘Elo’ ive mwiu elo, mukashidoni ‘Mene’ ive mwiu mene. Shinji shakupunda apo, shinkwalakela kumwe aijá nkalau.

Mateu 6:13

Haunatuukenavo kukutubigwa kanji tuposha kumakono kumwe nkalau.’

Lukashi 11:4

Tulivaliva madambi etu mwaa nawetu tunánnivaliva woewoe átutagela. Haunatulangalalele mukutubigwa.’ ”

Nshuwau 17:15

Hangunajugwa shinu uvaumye mushilambo ila uvashunge kwa aijá nkalau.

I Vakolintu 1:9

Nnungu ni wakukulupilika, kwake nae mwenu mundishamegwa muke mukapagwe muupamo wa Mwanagwe, Yesu Klistu Umu wetu.

I Vakolintu 10:13

Hapali malingo amuvauvanga mwenu pakava akawaida mushinamidyo shavanu. Nnungu ni wakukulupilika, nae hanneka mwenu mutubigwa kupunda shilinga shenu kanji pamo na kutubigwa, nae andamupa mwenu mwashi mwakushumbila pakulota muulule kulipililila.

I Vateshalonika 5:24

Aijá ánshema mwenu ni wakukulupilika; nae uti avi andatandedya.

II Vateshalonika 2:17

apambadyange mitima vyenu na annonowange mushimadengo uti na mulilove uti lyambone.

II Timoti 4:18

na Umu ananguposha muvinu uti vyakunyata na anangutwala ngùvele nimumi kwautawala wake wakuwa. Kwake nae lipagwe lishangelo ngwengwe ngwengwe. Ame.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

II Patulu 2:9

Napavedoni tundyona do, Umu ankumanya kuvaposha avalá vanjópa Nnungu nkati mukulingigwa na mwakuvavikila mushaushanga avalá vavéle muungave-shaliya muliduva alilá lyaukumu;

Yudashi 1:24

Mwenu, kwa aijá Wadimongo pakulota kunshililidya mwenu hamunalikuvale na kwambangidya akamwimidye múkave makosha pamevo palishangelo lyake kwalipuwilo likumene,