II Vateshalonika 3:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Napanelo jo mwene Umu waamani amupe amani muwakati uti na mudinamuna uti. Umu apagwe pamo namu mwenu uti.

II Vateshalonika 3:16 ပူးပေါင်းရင်းမြစ်များ

Mateu 1:23

“Mwenu, mwali ntete anammaleka mwana nnume. Mwana ajo vananshema lina lya Emanuweli,” kwakuvalangangila mana ake, Nnungu ankupagwa namu wetu.

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Lukashi 2:14

“Lishangelo livelé namu Nnungu kushanya-uti; amani namu vanu mushilambo, vanu vovo vavatanene mwene Nnungu.”

Nshuwau 14:27

Ninkunnakela amani; amani yangu ninkumupa. Hangunamupa shinu kenga mwaijaulila shilambo. Hamunaushaushange mitima vyenu na hamunajope.

Nshuwau 16:33

Vinu avi nangu nimwaulila pakulota nkati mwangu, mwenu muvenavo amani. Mushilambo mundapata mauvilo kanji lyunge ntima; nangu nditema shilambo.”

Valoma 1:7

Kwenu mwenu uti múpagwa ku Loma, mwemwe mmakunagwaleka vake Nnungu na múshamagwidye muve mmakwilimyanga. Umonyo upagwe kwenu mwenu na amani yakwalakela kumwe Nnungu Tatagwetu na kumwe Umu Yesu Klistu.

Valoma 15:33

Nnungu waamani apagwe namu mwenu uti. Ame.

Valoma 16:20

Nnungu waamani anankandinneu Shatwani ambi apa mmadodo mwenu. Umonyo umwe Umu wetu Yesu upagwe namu mwenu.

I Vakolintu 14:33

Mwaa Nnungu hanava shinu Nnungu wampulugu kanji ni waamani. Kwakulinganana kenga mo mwaivalalele mmaganisha uti avakwilimyanga vake Nnungu,

II Vakolintu 13:11

Kumwisho akuno mmanung'unumunu puwanga, dyuwangika, avanavo ntima shii, kumbukilila momo, nama kwaamani na Nnungu walinagwaledyo na waamani andapagwa namu mwenu.

Vaepeshu 6:23

Amani ipagwe kwavanung'unumunu, namomo linagwaledyo pamo na likulupililo lyakwalakela kumwe Nnungu Atata na kumwe Umu Yesu Klistu.

I Vateshalonika 3:11

Napanelo Nnungu mwene, jo Tatagwetu namu Umu wetu Yesu atuungulile indila yakwida kwenu.

I Vateshalonika 5:23

Napanelo jo mwene Nnungu waamani anjaluwangidye uti mukwilimyanga na imumu yenu, ungumi wenu na mili vyenu uti vikondyegwe pavikavanavo makosha mukwida kumwe Umu wetu Yesu Klistu.

II Vateshalonika 3:18

Umonyo umwe Umu wetu Yesu Klistu upagwe namu mwenu uti.

II Timoti 4:22

Umu apagwe pamo na imumu yako. Umonyo upagwe namu mwenu.

Pilemoni 1:25

Umonyo umwe Umu Yesu Klistu upagwe pamo na imumu yenu.

Vabalaniya 13:20

Mwenu, Nnungu waamani anindyuwa Yesu pakati pavakupela, Umu wetu, Nkúshunga nkumene wavangandolo kwaindila yamyadi vyaimbodi íkamalilika,

Vabalaniya 7:2

Abulaamu anímupa Malikishadeki lipungu lyakumi lyavinu uti. Shitandi lina lyake linkuvanavo mana, “umu waishaliya” namomo avele umu wa ku Shalemu, yani “umu waamani.”