II Vateshalonika 2:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Doni, jo mwene Umu Yesu Klistu namu Nnungu Tatagwetu átunagwaladidye na átupele kupambadyangigwa kúkamalilika na lilindilililo lyambone kwaumonyo,

II Vateshalonika 2:16 ပူးပေါင်းရင်းမြစ်များ

Lukashi 16:25

Kanji Abulaamu kushidoni, ‘Mwanangu, kumbukila mushingumi shako undipata vinu vyambone kenga momo Lashalu mushingumi shake kupata vyakunyata. Ambi apa Lashalu ankupagwa mukupambadyangigwa, wako kupagwa mumauvilo.

Nshuwau 13:1

Napanelo shikukulu sha Pasaka shikanava kuwika, Yesu àmanyite kenga wakati wake wakuma mushilambo ashi kuka kwatatake undiwika, namomo pakuva andívanagwaledya vake mushilambo, andívanagwaledya mpaka kumwisho.

Nshuwau 15:13

Hapali ávenavo linagwaledyo likumene lyakupunda ali, lyakujaula munu shingumi shake kwamwaa wavavagwe.

Nshuwau 15:9

“Mo mwangunagwaladyedya Atata nangu ninkunnagwaledya mwenu; pagwa mulinagwaledyo lyangu.

Nshuwau 16:22

Doni, mwenu ambi apa munkuvanavo shipalodi kanji nangu ndamwona kavili na mitima vyenu vindapuwanga, lipuwilo alyo hapali wakumpoka.

Nshuwau 3:16

“Amu ni mwanagwaladidye Nnungu shilambo, ata mpaka nae kumumya mwanagwe ávele jumo jojo pakulota uti vankulupíla nae havanajaike kanji vavenavo shingumi shíkamalilika.

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Vitendo 15:11

I davo, wetu tunkukulupila kenga kwaindila yaumonyo wake Umu Yesu, wetu tundyambolegwa kulingana kenga mo mwavaambwalagwidye vanavo.”

Vitendo 18:27

Napanelo Apolu pakumbukidile kwamboka imanga kuka ku Akaya, vanung'unumunu vanínnonowanga na vandyándika ibalugwa pakulota vakwoda vakwanavo, vampwashalele. Kuwika kwake Apolu ku Akaya nae andívapwashela namene avalá ve vakulupidíle kwaindila yaumonyo

Valoma 1:7

Kwenu mwenu uti múpagwa ku Loma, mwemwe mmakunagwaleka vake Nnungu na múshamagwidye muve mmakwilimyanga. Umonyo upagwe kwenu mwenu na amani yakwalakela kumwe Nnungu Tatagwetu na kumwe Umu Yesu Klistu.

Valoma 4:16

Ni ashi shitádya kulivikila kunanapele mulikulupililo pakulota kwodanenavo umonyo kwambangidya dashi kuke bila kwambambidya muudukulu uti i gweka wamulilamulo kanji namomo aijá walikulupililo limwe Abulaamu, jo tatamunu wetu uti

Valoma 4:4

Mwenu, aijá ákola madengo nshala haunavalangiligwa shinu kuva kenga inudyo kanji kenga aki yake.

Valoma 5:8

kanji Nnungu kwetu wetu andilodya linagwaledyo lyake jo mwene, doni, wetu tùvele avi tuvakutega, Klistu andipela kwamwaa wetu wetu.

Vaepeshu 5:2

na nama mulinagwaledyo kenga Klistu anditunagwaledya kutwala kulyumya jo mwene yetu wetu kuva inudyo na shadaka shinung'angíla kwa Nnungu.

Vaepeshu 5:25

Mmatwamunu, kula munu annagwaledye ndyagwe kenga mo mwanagwaladyedya Klistu liganisha kutwala kulijaula kwamwaa walyanavo

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

Vakoloshu 1:5

kwamwaa walilindilililo lyavankandyadidye kuwa, lilindilililo lyolyo lyamwigwite kunantandi kwaindila yalilove lyaumwiu, wo ntenga wambone

I Vateshalonika 1:3

tukumbukila pamevo pamwe Nnungu, jo Tatagwetu, madengo enu alikulupililo, kulikanyalidya kwenu kwalinagwaledyo na kunanopa kwenu kwalilindilililo kumwe Umu Yesu Klistu

I Vateshalonika 3:11

Napanelo Nnungu mwene, jo Tatagwetu namu Umu wetu Yesu atuungulile indila yakwida kwenu.

II Vateshalonika 2:13

Wetu napane indituvaikila ngwengwe tunnambwalele Nnungu kwamwaa wenu mmanung'unumunu mmakunagwaleka vamwe Umu mwaa Nnungu anintandola mwenu kenga vyepo vitandi vyakwambolegwa kwaindila yakujaluwangigwa mukwilimyanga kwa Imumu na kwakukulupila umwiu.

Titu 1:2

ko kupandukánga mulilindilililo lyashingumi shíkamalilika, sho shalivikidile Nnungu átangola viu tangu wakati ukanava kupagwa

Titu 2:13

akuno tulindila lilindilililo lyakutumbyangilika, kuumilila kwalishangelo lyake Nnungu nkumene Mwamboli wetu Yesu Klistu

Vabalaniya 7:19

mwaa lilamulo litandi halyulwile kutandedya shinu shoeshoe kuwikila popo kanji kwaupande unji, vandiingula lilindilililo lyamana na kwaindila yalyanavo tunkuulula kummandika Nnungu.

I Nshuwau 3:16

Mwatumanyidile linagwaledyo ni amu: Yesu Klistu andijaula shingumi shake kwamwaa wetu wetu na wetu leka tujaule shingumi shetu kwamwaa wavanung'unumunu.

Maono 1:5

na vyakwalakela kumwe Yesu Klistu nshuda wakukulupilika, ntandi kudyuka pakati pavakupela na nkútawala wavaumu vamushilambo. Nae ankutunagwaledya na kwamyadi vyake anditwambola mumadambi etu,

Maono 22:5

Shilo hashipagwa kavili: vanavo lilangadyo lyadikalaboi kwali lyaliduva nkati mo, havapali mwaa Umu Nnungu andavalangadya; vovo vo, vandatawala ngwengwe ngwengwe.

Maono 3:9

Laledya shangulota kuvatenda avalá vamushitala shakulipudidya shimwe Shatwani, vo valivíka kuva vayuda kumbe vakavele vayuda vàvele vakushang'apa. Mwiu ndavatadya valipudye mmadodo mwako na vamanye do, nangu ndikunagwaledya.